Mundgod: ದೇವಿ ಜಾತ್ರೆಯಲ್ಲಿ ಮಿಂಚಿದ ಸ್ಕೌಟ್ಸ್, ಗೈಡ್ಸ್ ವಿದ್ಯಾರ್ಥಿಗಳು!

60 ರೋವರ್ಸ್ ( ಸ್ಕೌಟ್ಸ್) 40 ರೇಂಜರ್ಸ್ ( ಗೈಡ್ಸ್) ವಿದ್ಯಾರ್ಥಿಗಳು ಮುಂಡಗೋಡ ಜಾತ್ರೆಯಲ್ಲಿ ಮಹತ್ವದ ಕಾರ್ಯ ಮಾಡಿದ್ದಾರೆ. ಸ್ವತಃ ತಾವೇ ಜಾತ್ರೆ ನಡೆದ ಸ್ಥಳವನ್ನು ಸ್ವಚ್ಛಗೊಳಿಸಿದ್ದಾರೆ. ಸುಡು ಬಿಸಿಲಿನಲ್ಲೂ ತಮ್ಮ ಕಾರ್ಯಮಾಡಿದ್ದಾರೆ. 

ಮುಂಡಗೋಡ ಗ್ರಾಮದೇವತೆ ಶ್ರೀ ಮಾರಿಕಾಂಬಾ ದೇವಿಯ 6ನೇ ಜಾತ್ರಾ ಮಹೋತ್ಸವದ ರಥೋತ್ಸವ ದಿನದಂದು ನಡೆದ ಅನ್ನ ಸಂತರ್ಪಣೆಯ ಸಮಯದಲ್ಲಿ ಈ ವಿದ್ಯಾರ್ಥಿಗಳು ಶ್ರಮವಹಿಸಿ ಸೇವೆ ಮಾಡಿದ್ದಾರೆ.

ಮುಂಡಗೋಡ ,ಹಳಿಯಾಳ ,ಯಲ್ಲಾಪುರ ,ಶಿರಸಿ ವಿಭಾಗದ 60 ರೋವರ್ಸ್ ( ಸ್ಕೌಟ್ಸ್) 40 ರೇಂಜರ್ಸ್ ( ಗೈಡ್ಸ್) ವಿದ್ಯಾರ್ಥಿಗಳು ಅನ್ನ ಸಂತರ್ಪಣೆಯ ಸಂದರ್ಭದಲ್ಲಿ ಜನರನ್ನು ಸರತಿಯಲ್ಲಿ ನಿಲ್ಲಿಸುವುದು ಹಾಗೂ ಜನರಿಗೆ ಸಹಾಯ ಮಾಡುವ ಕಾರ್ಯ ಮಾಡಿದ್ದಾರೆ. 

ಊಟದ ವ್ಯವಸ್ಥೆಯನ್ನು ಚಂದಗಾಣಿಸಿ ಕೊಡುವುದರ ಜೊತೆಗೆ ಸ್ವಚ್ಛತೆಗೆ ಹೆಚ್ಚಿನ ಮಹತ್ವ ನೀಡಿದ್ದಾರೆ.

ವಿದ್ಯಾರ್ಥಿಗಳು ಅನ್ನ, ನೀರು, ಮತ್ತೆ ಶಿಸ್ತು ಬಗ್ಗೆ ಮಹತ್ವ ತಿಳಿಸಿದ ವಿದ್ಯಾರ್ಥಿಗಳು ಕೊನೆಯಲ್ಲಿ ಸ್ವಚ್ಛತೆ ಕಾರ್ಯ ಕೈಗೊಳ್ಳುವ ಮೂಲಕ ಸೇವೆ ಸಲ್ಲಿಸಿದರು.

60 ಜನ ವಿದ್ಯಾರ್ಥಿಗಳ ಈ ಸೇವೆ ಜನರ ಮನ ತಲುಪಿದೆ. ಶಾಲೆಗಳು ಮಕ್ಕಳಿಗೆ ಇಂತಹ ನೈತಿಕ ಶಿಕ್ಷಣ ಹಾಗೂ ಪ್ರಾಯೋಗಿಕ ಪಾಠ ಮಾಡುವುದರ ಮೂಲಕ  ಉತ್ತಮ ಸಮಾಜವನ್ನು ಸ್ಥಾಪಿಸಲು ನೆರವಾಗುತ್ತಿದ್ದಾರೆ. 

ಯಾವುದೇ ದೊಡ್ಡ ಕಾರ್ಯಕ್ರಮ ಜರುಗಿದರೂ ಸಾಕು, ಅಲ್ಲಿ ಪ್ಲಾಸ್ಟಿಕ್​ ಬಳಕೆ ಹೆಚ್ಚಿರುತ್ತದೆ. ಅದನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಈ ಮಕ್ಕಳು ಸಂದೇಶ ಸಾರಿದ್ದಾರೆ. ಆವರಣದಲ್ಲಿ ಬಿದ್ದ ಅಷ್ಟೂ ಕಸವನ್ನು ಒಂದೆಡೆ ಸೇರಿಸಿ ವಿಲೇವಾರಿ ಮಾಡಿದ್ದಾರೆ.