School Bus Problem: ವಿದ್ಯಾರ್ಥಿಗಳು ಶಾಲೆಗೆ ಹೋಗೋಕೆ ಸರಿಯಾದ ಬಸ್​ ವ್ಯವಸ್ಥೆ ಇಲ್ಲ, ಸರ್ಕಾರದ ವಿರುದ್ಧ ಸಿದ್ದು ಗುಡುಗು!

ವಿದ್ಯಾರ್ಥಿಗಳಿಗೆ ಶಾಲಾ ಬಸ್​ ಕೊರತೆ ಇದೆ ಎಂಬ ವಿಚಾರ ವಿಧಾನ ಸಭೆಯಲ್ಲಿ ಇಂದು ಚರ್ಚೆಯಾಯ್ತು. ಈ ವಿಷಯವನ್ನು ಸಿದ್ಧರಾಮಯ್ಯ ಪ್ರಸ್ತಾಪಿಸಿದರು. ಇದರೊಟ್ಟಿಗೆ ಇನ್ನು ಹಲವು ವಿಷಯವನ್ನು ಅವರು ಪ್ರಸ್ತಾಪಿಸಿದರು.

ವಿಧಾನಸಭೆಯಲ್ಲಿ ಇಂದು ಮಾತಿಗಿಳಿದ ಸದ್ಧರಾಮಯ್ಯ ವಿದ್ಯಾರ್ಥಿಗಳು ಪ್ರತಿನಿತ್ಯ ಶಾಲೆಗೆ ಬರಲು ಅನುಭವಿಸಿತ್ತಿರುವ ಸಂಕಷ್ಟದ ಪರಿಸ್ಥಿತಿಯ ಬಗ್ಗೆ ವಿವರಿಸಿದರು ಇದರೊಟ್ಟಿಗೆ ಅದರಲ್ಲಿ ಸಾರ್ವಜನಿಕರ ಸಮಸ್ಯೆ ಬಗ್ಗೆ ವಿವರಿಸಿದರು.

ಅನೇಕ ಕಡೆಗಳಲ್ಲಿ ಬಸ್ಸುಗಳ ಸಮಸ್ಯೆ ಇದೆ. ಕೊವೀಡ್ ನಂತರ 40 ರಷ್ಟು ಬಸ್ಸುಗಳು ಕಡಿತ ಆಗಿವೆ ಆದಾದ ನಂತರ ಈಗ ಎಲ್ಲವೂ ಮೊದಲಿನಂತಾಗಿದ್ದರೂ ಸಹ ಪೂರ್ಣ ಪ್ರಮಾಣದಲ್ಲಿ ಬಸ್​ ಓಡಾಟ ನಡೆಯುತ್ತಿಲ್ಲ. ಇದರಿಂದ ವಿದ್ಯಾರ್ಥಿಗಳಿಗೆ ತುಂಬಾ ಸಮಸ್ಯೆಯಾಗುತ್ತಿದೆ ಎಂದರು.

ಸಿದ್ದರಾಮಯ್ಯ ವರುಣಾ ಕ್ಷೇತ್ರಕ್ಕೆ ಹೋದಾಗ, ಬಸ್ಸುಗಳ ಬಗ್ಗೆ ದೂರು ಕೇಳಿದ್ದಾರಂತೆ ಜನರು ತಾವಾಗಿಯೇ ಬಂದು ಬಸ್​ನಿಂದಾಗುತ್ತಿರುವ ಸಮಸ್ಯೆ ಬಗ್ಗೆ ಹೇಳಿಕೊಂಡಿದ್ದಾರಂತೆ. ಡಿಸಿ ಅವರಿಗೆ ತಿಳಿಸಿದಾಗ , ಸ್ಟಾಪ್ ಇಲ್ಲ, ಬಸ್ಸುಗಳು ಇಲ್ಲ ಎಂಬ ಉತ್ತರ ಕೇಳಿ ಬಂದಿದೆ ಎಂದಿದ್ದಾರೆ.

ಇದು ಗಂಭೀರವಾದ ವಿಷಯ ಜನರು ಆಸ್ಪತ್ರೆ, ಜಾತ್ರೆಗಳಿಗೆ ಹೋಗಬೇಕು. ವಿದ್ಯಾರ್ಥಿಗಳು ಶಾಲಾ ಕಾಲೇಜುಗಳಿಗೆ ಹೋಗಬೇಕು ವಿದ್ಯಾರ್ಥಿಗಳಂತೂ ಪ್ರತಿನಿತ್ಯ ಎರಡು ಬಾರಿ ಇದೇ ಬಸ್ಸುಗಳನ್ನು ಅವಲಂಬಿಸಿರುತ್ತಾರೆ.

ಯಾಕೆ ಇಷ್ಟು ದಿನ ಕೆಎಸ್ಆರ್ಟಿಸಿ ಬಸ್ಸುಗಳನ್ನು ಇಟ್ಟು ಕೊಂಡಿದ್ದೀರಿ ಅವುಗಳನ್ನು ಸರಿಯಾದ ರೀತಿಯಲ್ಲಿ ಬಳಸಿ. ಈ ಸಮಸ್ಯೆಗಳ ಬಗ್ಗೆ ಅರ್ಧಗಂಟೆ ಚರ್ಚೆಗೆ ಕೊಡಬೇಕು ಎಂದು ಅವರು ಕೇಳಿದ್ದಾರೆ.

ನಿಜಕ್ಕೂ ಇದೊಂದು ಗಂಭಿರ ಸಮಸ್ಯೆ. ಸಾಮಾನ್ಯವಾಗಿ ಎಲ್ಲಾ ಭಾಗದಲ್ಲೂ ಬಸ್​ಗಳ ಕೊರತೆ ಇದೆ. ಎಲ್ಲಾ ಕಡೆಯೂ ಬಸ್​ಗಳು ಓವರ್​ ಲೋಡ್​ ಆಗಿಯೇ ಇರುತ್ತದೆ. ಅದರಲ್ಲು ಕೆಲವು ನಿಗದಿತ ಸಮಯದಲ್ಲಿ ಈ ಸಮಸ್ಯೆ ವಿದ್ಯಾರ್ಥಿಗಳನ್ನು ತುಂಬಾ ಕಾಡುತ್ತದೆ.