Study Tips: ಗಟ್ಟಿಯಾಗಿ ಓದುವುದರಿಂದ ಎಷ್ಟೆಲ್ಲಾ ಪ್ರಯೋಜನ ಇದೆ ನೋಡಿ

ಗಟ್ಟಿಯಾಗಿ ಓದುವುದು ಮಕ್ಕಳೊಂದಿಗೆ ಪೋಷಕರು ಮತ್ತು ಶಿಕ್ಷಕರು ಮಾಡಬಹುದಾದ ಪ್ರಮುಖ ವಿಷಯಗಳಲ್ಲಿ ಒಂದಾಗಿದೆ. ಗಟ್ಟಿಯಾಗಿ ಓದುವುದು ನಿಮ್ಮ ಮಕ್ಕಳ ನೆನಪಿನ ಶಕ್ತಿ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ.

ವಿದ್ಯಾರ್ಥಿಗಳಲ್ಲಿ ಕೆಲವರಿಗೆ ಮನಸ್ಸಿನಲ್ಲಿ ಓದುವ ರೂಢಿ ಇದ್ದರೆ ಇನ್ನು ಕೆಲವರಿಗೆ ಗಟ್ಟಿ ಧ್ವನಿಯಲ್ಲಿ ದೊಡ್ಡದಾಗಿ ಓದುವ ರೂಢಿ ಇರುತ್ತದೆ. ಇದರಿಂದ ಹಲವಾರು ಪ್ರಯೋಜನಗಳೂ ಇವೆ.

ಆಸಕ್ತಿದಾಯಕ ಪದಗಳು, ಸುಂದರವಾದ ಚಿತ್ರಣಗಳು ಮತ್ತು ಅಕ್ಷರಗಳು, ಶಬ್ದಗಳು ಮತ್ತು ಪದಗಳ ಅರ್ಥವನ್ನು ಪಾಲಕರು ದೊಡ್ಡದಾಗಿ ಓದಿ ಹೇಳುವುದರಿಂದ ಮಕ್ಕಳಿಗೆ ಬೇಗ ಅರ್ಥವಾಗುತ್ತದೆ

ಈಗ ತಾನೇ ಅಕ್ಷರಗಳನ್ನು ಕಲಿಯುತ್ತಿರುವ ವಿದ್ಯಾರ್ಥಿಗಳಿಗೆ ಅಕ್ಷರವನ್ನು ಗುರುತಿಸಲು ಇದು ಸಹಾಯ ಮಾಡುತ್ತದೆ. ಏನಾದರೂ ಗೊಂದಲಗಳು ಇದ್ದರೆ ಅದನ್ನು ಪರಿಹರಿಸಲು ಸಹಾಯವಾಗುತ್ತದೆ.

ಯಾವುದಾರೂ ಒಂದು ವಿಷಯವನ್ನು ಅರ್ಥ ಮಾಡಿಕೊಳ್ಳಲು ವಿದ್ಯಾರ್ಥಿಗಳು ಪ್ರಯತ್ನ ಮಾಡುತ್ತಿದ್ದಾಗಲೂ ಅದು ಅರ್ಥವಾಗುತ್ತಿಲ್ಲ ಎಂದಾದರೆ ಆಗ ಗಟ್ಟಿಯಾಗಿ ಓದುವುದು ಸಹಾಯ ಮಾಡುತ್ತದೆ.

ನಿಮ್ಮ ಲಕ್ಷ್ಯ ಬೇರೆಲ್ಲೋ ಇದ್ದು ಒಂದೇ ವಾಕ್ಯವನ್ನು ನೀವು ಪುನಃ ಪುನಃ ಓದಿದರೂ ಅರ್ಥವಾಗುತ್ತಿಲ್ಲ ಎಂದಾದರೆ ನೀವು ದೊಡ್ಡದಾಗಿ/ ಗಟ್ಟಿಯಾಗಿ ಓದುವುದರಿಂದ ಅದನ್ನು ಬೇಗ ಅರ್ಥಮಾಡಿಕೊಳ್ಳಬಹುದು. 

ಪರೀಕ್ಷೆ ಸಮಯದಲ್ಲಿ ವಿದ್ಯಾರ್ಥಿಗಳಿಗೆ ಬೇಗ ಓದಿ ಮುಗಿಸಲು ಮತ್ತು ಓದಿದನ್ನು ನೆನಪಿನಲ್ಲಿಡಲು ಇದು ತುಂಬಾ ಸಹಾಯವಾಗುತ್ತದೆ.