Discipline: ಶಾಲಾ ಮಕ್ಕಳು ಜೀವನದಲ್ಲಿ ಈ ರೀತಿ ಶಿಸ್ತನ್ನು ರೂಢಿಸಿಕೊಂಡಿರಬೇಕು

ಶಾಲೆಗೆ ಹೋಗುವ ಮಕ್ಕಳಿಗೆ ಶಿಸ್ತು ಒಂದು ಮುಖ್ಯವಾದ ಅಂಶವಾಗಿದೆ. ಸಣ್ಣ ವಯಸ್ಸಿನಿಂದಲೇ ಶಿಸ್ತನ್ನು ರೂಢಿಸಿಕೊಳ್ಳುವುದು ತುಂಬಾ ಮುಖ್ಯವಾಗಿರುತ್ತದೆ. ಹಾಗಾದ್ರೆ ಯಾವೆಲ್ಲಾ ಶಿಸ್ತನ್ನು ನಿಮ್ಮ ಮಕ್ಕಳು ರೂಢಿಸಿಕೊಳ್ಳಬಹುದು ಎಂಬ ಮಾಹಿತಿ ಇಲ್ಲಿದೆ.

ಓದಿನಲ್ಲಿ ಶಿಸ್ತು: ಯಾರು ಓದಿನಲ್ಲಿ ಶಿಸ್ತನ್ನು ರೂಡಿಸಿಕೊಳ್ಳುತ್ತಾರೋ ಅವರು ಪೃಈಕ್ಷೆಯಲ್ಲಿ ಹೆಚ್ಚಿನ ಅಂಕವನ್ನು ಗಳಿಸಬಹುದು. ಓದಿನಲ್ಲಿ ಶಿಸ್ತು ಕಾಪಾಡಿಕೊಳ್ಳುವುದು ಅಂದ್ರೆ ಏನು ಗೊತ್ತಾ? ಸರಿಯಾದ ಸಮಯಕ್ಕೆ ಹೋಮ್​ವರ್ಕ್​​ ಮುಗಿಸುವುದು. ಕೊನೆಯದಿನಾಂಕಕ್ಕೂ ಮೊದಲು ನಿಮ್ಮ ಹೋಮ್​ವರ್ಕ್​ ಚೆಕ್​ ಮಾಡಿಸುವುದು.

ಇತರ ಸ್ನೇಹಿತರೊಡನೆ ಶಿಸ್ತು: ಅಂದರೆ ವಿದ್ಯಾರ್ಥಿಗಳು ಉಳಿದ ವಿದ್ಯಾರ್ಥಿಗಳೊಂದಿಗೆ ತರಗತಿಯಲ್ಲಿ ಗಲಾಟೆ ಮಾಡದಿರುವ ಶಿಸ್ತನ್ನು ರೂಢಿಸಿಕೊಳ್ಳಬೇಕಾಗುತ್ತದೆ. ಚಿಕ್ಕ ಪುಟ್ಟ ಜಗಳ ಮನಸ್ಥಾಪ ಮಾಡಿಕೊಳ್ಳದೇ ಇರುವುದು ಕೂಡಾ ಒಂದು ಶಿಸ್ತು.

ವಿದ್ಯಾರ್ಥಿಯು ಶಿಸ್ತುಬದ್ಧವಾಗಿದ್ದಾಗ, ವಿಷಯಗಳ ಮೇಲೆ ಏಕಾಗ್ರತೆ ಸ್ಥಾಪಿಸುವುದು ತುಂಬಾ ಸುಲಭವಾಗುತ್ತದೆ ಆದ್ದರಿಂದ ಪ್ರತಿಯೊಂದು ವಿದ್ಯಾರ್ಥಿಯ ಜೀವನದಲ್ಲೂ ಶಿಸ್ತು ತುಂಬಾ ಮುಖ್ಯವಾಗಿರುತ್ತದೆ.

ಶಾಲೆಯಲ್ಲಿ ಪ್ರತಿವರ್ಷವೂ ಆದರ್ಶ ವಿದ್ಯಾರ್ಥಿ ಬಹುಮಾನ ವಿತರಣೆ ಮಾಡಲಾಗುತ್ತದೆ. ಆ ಬಹುಮಾನ ನೀವು ಪಡೆದುಕೊಳ್ಳಬೇಕು ಎಂದಾದರೆ ನಾವು ಇಲ್ಲಿ ನೀಡಿರುವ ಎಲ್ಲಾ ಶಿಸ್ತನ್ನು ಕಾಪಾಡಲೇ ಬೇಕಾಗುತ್ತದೆ.

ನೀವು ನಿಮ್ಮ ಶಾಲಾ ದಿನದಲ್ಲಿ ಅತಿ ಹೆಚ್ಚಿನ ಶಿಸ್ತನ್ನು ಪಾಲಿಸಿದರೆ ನಿಮ್ಮ ಜೀವನದಲ್ಲಿ ಕೆಲವು ಖುಷಿ ಸಂಗತಿಗಳನ್ನು ಕಳೆದುಕೊಳ್ಳಬೇಕಾಗಿ ಬರುತ್ತದೆ. ಆದ್ದರಿಂದ ತಮಾಷೆ ಹಾಗೂ ಶಿಸ್ತು ಎರಡೂ ಸಮಾನವಾಗಿರಲಿ.

ಶಿಸ್ತಿನ ವಿದ್ಯಾರ್ಥಿಯು ಸಾಮಾನ್ಯವಾಗಿ ತಮ್ಮ ತರಗತಿ ಅಥವಾ ಶಾಲೆಯಲ್ಲಿ ಉನ್ನತ ಸಾಧನೆ ಮಾಡುತ್ತಾನೆ. ನೀವು ಆ ಸಾಧನೆ ಮಾಡುವ ಆಸೆ ಹೊಂದಿದ್ದರೆ ಇವೆಲ್ಲವನ್ನೂ ಪಾಲಿಸಿ.