Sashakt Scholarship: ಈ ಸ್ಕಾಲರ್​ ಶಿಪ್​ಗೆ ಅಪ್ಲೈ ಮಾಡಿದರೆ ನೀವು 2 ಲಕ್ಷ ಹಣ ಪಡೆಯಬಹುದು!

ಡಾ. ರೆಡ್ಡೀಸ್ ಫೌಂಡೇಶನ್ ಸಶಕ್ತ್ ಸ್ಕಾಲರ್‌ಶಿಪ್ 2023 ಪಡೆಯಲು ನೀವು ಆಸಕ್ತರಾಗಿದ್ದರೆ ಖಂಡಿತ ಈ ಮಾಹಿತಿಯನ್ನು ನೀವು ಓದಲೇ ಬೇಕು. ಭಾರತದಾದ್ಯಂತ ಯುವತಿಯರನ್ನು ವಿಜ್ಞಾನದಲ್ಲಿ ವೃತ್ತಿಜೀವನವನ್ನು ಮುಂದುವರಿಸಲು ಪ್ರೋತ್ಸಾಹಿಸಲು ಈ ಸ್ಕಾಲರ್​ ಶಿಪ್ ನೀಡಲಾಗುತ್ತದೆ.

ಇದು ವಿಶೇಷವಾಗಿ ಗ್ರಾಮೀಣ ಭಾರತ ಮತ್ತು ಕಡಿಮೆ ಸಾಮಾಜಿಕ-ಆರ್ಥಿಕ ಹಿನ್ನೆಲೆಯ ಹೆಣ್ಣು ಮಕ್ಕಳಿಗೆ ಸಹಕಾರ ನೀಡುವ ಉದ್ದೇಶದಿಂದ ಆರಂಭಿಸಿದ ವಿದ್ಯಾರ್ಥಿ ವೇತನವಾಗಿದೆ. ಆರ್ಥಿಕವಾಗಿ ಯಾರೇ ತೊಂದರೆ ಅನುಭವಿಸಿ ಶಿಕ್ಷಣದಿಂದ ವಂಚಿತರಾಗಬಾರದು ಎಂಬುದೇ ಇದರ ಉದ್ದೇಶ.

ವಿದ್ಯಾರ್ಥಿಗಳಿಗೆ, ತಮ್ಮ ಪದವಿಪೂರ್ವ ಅಧ್ಯಯನದ ಉದ್ದಕ್ಕೂ ಹಣಕಾಸಿನ ಬೆಂಬಲ ಮತ್ತು ಮಾರ್ಗದರ್ಶನವನ್ನು ನೀಡುವ ಮೂಲಕ ಇದು ಸಹಾಯ ಮಾಡುತ್ತದೆ. ಮತ್ತು ವಿದ್ಯಾರ್ಥಿನಿಯರಿಗೆ ನೆರವಾಗುತ್ತದೆ.

ಸ್ಕಾಲರ್‌ಶಿಪ್‌ಗಳು 12 ನಿರ್ದಿಷ್ಟ ವಿಜ್ಞಾನ ಕಾಲೇಜುಗಳಲ್ಲಿ ಪ್ರವೇಶ ಪಡೆಯುವ ವಿದ್ಯಾರ್ಥಿಗಳಿಗೆ ಸೀಮಿತವಾಗಿದೆ. ನಿಗದಿ ಪಡಿಸಿದ ಈ 12 ಕಾಲೇಜುಗಳಲ್ಲಿ ಮಾತ್ರ ವಿದ್ಯಾರ್ಥಿ ವೇತನ ನೀಡಲಾಗುತ್ತದೆ.

3 ವರ್ಷಗಳ ಅಧ್ಯಯನಕ್ಕಾಗಿ INR 2.4 ಲಕ್ಷ ಮೊತ್ತದ ವಿದ್ಯಾರ್ಥಿ ವೇತನವನ್ನು ಪಡೆಯುತ್ತಾರೆ. ಕೆಲವು ಅರ್ಹತೆಗಳನ್ನು ನೀವು ಹೊಂದಿರುವುದು ಕಡ್ಡಾಯವಾಗಿರುತ್ತದೆ. ಈ ಕುರಿತು ಇಲ್ಲಿದೆ ಮಾಹಿತಿ.

ಭಾರತೀಯ ಪ್ರಜೆಯಾಗಿರಬೇಕು. ವಿದ್ಯಾರ್ಥಿನಿಯಾಗಿರಬೇಕು. ಉತ್ತಮ ದಾಖಲೆಯನ್ನು ಹೊಂದಿರಬೇಕು. B.Tech., MBBS ಅಥವಾ B.Sc ಆಯ್ಕೆ ಮಾಡಿಕೊಂಡಿರಬೇಕು.

ಗ್ರಾಮೀಣ ಹಿನ್ನೆಲೆಯುಳ್ಳ, ಆರ್ಥಿಕವಾಗಿ ದುರ್ಬಲ ಹಿನ್ನೆಲೆಯುಳ್ಳ ಮತ್ತು ವೈಜ್ಞಾನಿಕ ಸಂಶೋಧನೆಯಲ್ಲಿ ಆಸಕ್ತಿ ಹೊಂದಿರುವ ವಿದ್ಯಾರ್ಥಿಗಳಿಗೆ ಹೆಚ್ಚಿನ ಆದ್ಯತೆಯನ್ನು ನೀಡಲಾಗುತ್ತದೆ.  30 ನವೆಂಬರ್ 2023ರ ಒಳಗೆ ಅಪ್ಲೈ ಮಾಡಿ