RTE Admission 2023: ಶಾಲಾ ದಾಖಲಾತಿ ಅರ್ಜಿ ವಿಸ್ತರಣೆ ಮಾಡಿದ ಶಿಕ್ಷಣ ಇಲಾಖೆ

ಈ ಬಾರಿ ನಿಮ್ಮ ಮಕ್ಕಳನ್ನು ಶಾಲೆಗೆ ಸೇರಿಸಲು ನೀವು ಕಾಯುತ್ತಿದ್ದರೆ. ಈ ನಿಯಮವನ್ನು ನೀವು ಗಮನಿಸಲೇ ಬೇಕು. RTI ನಿಯಮದ ಅನುಸಾರ ಈ ಬಾರಿ ಶಿಕ್ಷಣ ಇಲಾಖೆ ಹೊಸ ನಿಯಮ ಜಾರಿಗೆ ತಂದಿದೆ.

RTI ಅಡಿ ಮಗು ದಾಖಲಿಸಲು ಅರ್ಜಿ ವಿಸ್ತರಣೆ ಮಾಡಿದ ಶಿಕ್ಷಣ ಇಲಾಖೆ. ಶಿಕ್ಷಣ ಹಕ್ಕು ಕಾಯ್ದೆಯಡಿ ಶಾಲೆಗಳಲ್ಲಿ ದಾಖಲಾತಿ ಕೋರಲು ಇನ್ನೂ ಅವಕಾಶ ನೀಡಿದೆ.

ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಮೇ 10ರವರೆಗೆ ಅವಕಾಶ ನೀಡಲಾಗಿತ್ತು. ಈ ಸಂಬಂಧ ಆದೇಶ ಹೊರಡಿಸಿದ ಶಾಲಾ ಶಿಕ್ಷಣ ಇಲಾಖೆ, ಮೇ 11ರವರೆಗೂ ಅರ್ಜಿಗಳ ದತ್ತಾಂಶಗಳ ನೈಜತೆ ಪರಿಶೀಲನೆ ಮಾಡಲಿದೆ.

ಮೇ. 15ಕ್ಕೆ ಲಾಟರಿ ಪ್ರಕ್ರಿಯೆಗೆ ಅರ್ಹ ಅಭ್ಯರ್ಥಿಗಳ ಅಂತಿಮ ಪಟ್ಟಿ ಪ್ರಕಟವಾಗಲಿದೆ. ಆನ್‌ಲೈನ್ ಮೂಲಕ ಮೊದಲ ಸುತ್ತಿನ ಸೀಟು ಹಂಚಿಕೆ ಮಾಡಲಾಗುತ್ತದೆ.

ಮೇ 18ಕ್ಕೆ ಸೀಟು ಹಂಚಿಕೆ ಮಾಡಲಾಗುತ್ತದೆ. ಇದರಲ್ಲಿ ಆಯ್ಕೆಯಾದ ವಿದ್ಯಾರ್ಥಿಗಳ ದಾಖಲಾತಿ ಮೇ 19ರಿಂದ ಮೇ 29ರವರೆಗೆ ನಡೆಯಲಿದೆ.

ಎರಡನೇ ಸುತ್ತಿನ ಸೀಟು ಹಂಚಿಕೆ ಜೂನ್ 6ರಂದು ನಡೆಯಲಿದೆ. ಈ ಸುತ್ತಲ್ಲಿ ಆಯ್ಕೆ ಆದವರಿಗೆ ಜೂನ್ 15ರವರೆಗೆ ಶಾಲೆಗಳಲ್ಲಿ ದಾಖಲಾತಿಗೆ ಅವಕಾಶ ನೀಡಲಾಗಿದೆ.

ಈ ಬಾರಿ ನಿಮ್ಮ ಮಕ್ಕಳನ್ನು ಶಾಲೆಗೆ ಸೇರಿಸುತ್ತಿದ್ದರೆ ಖಂಡಿತ ಈ ಬಾರಿ ನಿಮ್ಮ ಮಕ್ಕಳಿಗೆ 6 ವರ್ಷ ತುಂಬಿರಲೇ ಬೇಕು. ಈ ನಿಯಮವು ಈ ಶೈಕ್ಷಣಿಕ ವರ್ಷದಿಂದಲೇ ಆರಂಭವಾಗಿದೆ.