Ramesh Aravind: ಸಾಧಕರ ಸಾಧನೆ ವಿವರಿಸುವ ನಟ ರಮೇಶ್ ಅರವಿಂದ್ ಯಾವ ಪದವಿ ಪಡೆದಿದ್ದಾರೆ ನೋಡಿ

ಕೆಲವೇ ಕೆಲವು ಸಿನಿಮಾ ನಟರು ಮಾತ್ರ ಉನ್ನತ ಶಿಕ್ಷಣವನ್ನು ಪಡೆದಿದ್ದಾರೆ. ಅದರಲ್ಲಿ ಇವರೂ ಒಬ್ಬರು. ಕಲಿತ ಕ್ಷೇತ್ರದಿಂದ ನಟನಾ ಕ್ಷೇತ್ರಕ್ಕೆ ಆಗಮಿಸಿದ ಇವರು ತಮ್ಮ ವೃತ್ತಿ ಜೀವನದಲ್ಲಿ ಯಶಸ್ವಿಯಾಗಿದ್ದಾರೆ.

ರಮೇಶ್ ಜನಪ್ರಿಯ ನಟ ಮತ್ತು ಚಲನಚಿತ್ರ ನಿರ್ಮಾಪಕ. ಅವರು ಇಂಜಿನಿಯರಿಂಗ್ ಪದವೀಧರರೂ ಹೌದು. ಅವರು ವಿಶ್ವೇಶ್ವರಯ್ಯ ಕಾಲೇಜ್ ಆಫ್ ಇಂಜಿನಿಯರಿಂಗ್‌ನಲ್ಲಿ ಪದವಿ ಪಡೆದಿದ್ದಾರೆ.

ತಾವು ಯಶಸ್ವಿಯಾಗುವುದರೊಟ್ಟಿಗೆ ಇನ್ನೂ ಎಷ್ಟೋ ಜನ ಜೀವನದಲ್ಲಿ ಸಾಧನೆ ಮಾಡಿದವರನ್ನು ಮಾತನಾಡಿಸುವ ಹಾಗೂ ಜನತೆಗೆ ಇತತರ ಸಾಧನೆಯ ಮೂಲಕ ಸ್ಪೂರ್ತಿ ಹಂಚುವ ಕಾರ್ಯವನ್ನೂ ಇವರು ಮಾಡುತ್ತಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ನೀವೆಲ್ಲಾ ಗಮನಿಸುವಂತೆ ಇವರ ಮಾತಿನ ತುಣುಕುಗಳು ಹರಿದಾಡುತ್ತಿರುತ್ತವೆ, ಜೀವನ ಪಾಠ ಹಾಗೂ ಕೆಲವು ನೀತಿ ಕಥನದ ರೂಪದಲ್ಲಿ ವ್ಯಕ್ತಿತ್ವ ರೂಪಿಸುವ ಹಲವು ವಿಷಯಗಳ ಬಗ್ಗೆ ತಿಳಿಸಿಕೊಡುತ್ತಾರೆ.

ಒಬ್ಬ ಉತ್ತಮ ಮಾತುಗಾರನಾಗಿ ಕಾಣಿಸಿಕೊಳ್ಳುತ್ತಿರುವ ಇವರು. ಕೋವಿಡ್​ ಸಂದರ್ಭದಲ್ಲಿ ಜಾಗೃತಿ ಮೂಡಿಸುವ ಅಂಬಾಸಿಡರ್​ ಆಗಿ ಕೂಡಾ ಇವರು ಸಮಾಜಮುಖಿ ಕಾರ್ಯ ಮಾಡಿದ್ದಾರೆ.

2022ರಲ್ಲಿ ಡಾ. ಶಿವರಾಮ ಕಾರಂತ ಪ್ರಶಸ್ತಿಗೆ ಇವರು ಭಾಜನರಾಗಿದ್ದಾರೆ. ಇವರು ತಮಿಳು, ತೆಲುಗು ಮತ್ತು ಹಿಂದಿ ಚಿತ್ರಗಳ ಜೊತೆಗೆ 100 ಕ್ಕೂ ಹೆಚ್ಚು ಕನ್ನಡ ಚಲನಚಿತ್ರಗಳನ್ನು ನಾಯಕರಾಗಿ ಅಭಿನಯಿಸಿದ್ದಾರೆ.

ರಮೇಶ್ ಅರವಿಂದ್ ಅವರು ತಮ್ಮ ವಾಕ್ಚಾತುರ್ಯಕ್ಕೂ ಹೆಸರುವಾಸಿಯಾಗಿದ್ದಾರೆ. ಹಲವಾರು ಜನ ಇವರ ಭಾಷಣವನ್ನು ಹುಡುಕಿ ಕೇಳುವ ಆಸಕ್ತಿಯನ್ನು ಹೊಂದಿದ್ದಾರೆ.