Spain: ರಾಜಕುಮಾರಿಯೂ 3 ವರ್ಷ ಮಿಲಿಟರಿ ಟ್ರೇನಿಂಗ್​ ಪಡೆಯಲೇಬೇಕು! ಈ ದೇಶದ ಶಿಕ್ಷಣ ಹೇಗಿದೆ ನೋಡಿ

ಸ್ಪೇನ್‌ನ ಸೇನೆ, ನೌಕಾಪಡೆ ಮತ್ತು ವಾಯುಪಡೆಯೊಂದಿಗೆ ಪ್ರತಿ ವರ್ಷವೂ ಅವರ ಅಕಾಡೆಮಿಗಳಲ್ಲಿ ಕಳೆಯುವ ರಾಜಕುಮಾರಿಯ ತರಬೇತಿಯ ಅವಧಿಯನ್ನು ಮೂರು ವರ್ಷಗಳವರೆಗೆ ಹೆಚ್ಚಿಸಲಾಗಿದೆ. ಈ ದೇಶದಲ್ಲಿ ರಾಜಕುಮಾರಿಯು ನಿಗದಿ ಪಡಿಸಿದ ತರಬೇತಿ ಹಾಗೂ ಶಿಕ್ಷಣವನ್ನು ಪಡೆಯಲೇ ಬೇಕಾಗುತ್ತದೆ.

ಕ್ರೌನ್ ಪ್ರಿನ್ಸೆಸ್ ಆಫ್ ಸ್ಪೇನ್ ಲಿಯೋನರ್ ಮೂರು ವರ್ಷಗಳ ಮಿಲಿಟರಿ ತರಬೇತಿಗೆ ಸೇರುತ್ತಾರೆ. ಲಿಯೊನರ್ ಸ್ಪೇನ್ ರಾಣಿಯಾಗಿ ಆಯ್ಕೆಯಾಗುವ ಮೊದಲು ಮೂರು ವರ್ಷಗಳ ಮಿಲಿಟರಿ ತರಬೇತಿಯನ್ನು ಪಡೆಯಲಿದ್ದಾರೆ ಎಂದು ರಕ್ಷಣಾ ಸಚಿವ ಮಾರ್ಗರಿಟಾ ರೋಬಲ್ಸ್ ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ದೃಢಪಡಿಸಿದ್ದಾರೆ.

ಕ್ಯಾಬಿನೆಟ್ ಸಭೆಯಲ್ಲಿ, ರಾಜನ ಆದೇಶವನ್ನು ಜಾರಿಗೆ ತರಲು ನಿರ್ಧರಿಸಲಾಯಿತು, ಇದರಲ್ಲಿ ರಾಜಕುಮಾರಿ ಲಿಯೊನರ್ ಮಿಲಿಟರಿ ತರಬೇತಿಯ ಬಗ್ಗೆ ಕೂಡಾ ತಿಳಿಸಲಾಯಿತು. ಇವರಿಗೆ ಈಗ 17 ವರ್ಷ ತುಂಬಿದೆ.

ಕಿಂಗ್ ಫಿಲಿಪ್ VI ರ ಇಬ್ಬರು ಹೆಣ್ಣುಮಕ್ಕಳಲ್ಲಿ ಹಿರಿಯವರಾಗಿ, 17 ವರ್ಷದ ಲಿಯೊನರ್ ಸಿಂಹಾಸನ ಪಡೆಯುವ ಸ್ಥಾನದಲ್ಲಿದ್ದಾರೆ. ಆದ್ದರಿಂದ ಕಿಂಗ್ ಫಿಲಿಪ್ VI ತ್ಯಜಿಸಿದಾಗ ಅಥವಾ ಮರಣಹೊಂದಿದಾಗ ಲಿಯೊನರ್ ಸಶಸ್ತ್ರ ಪಡೆಗಳ ಸರ್ವೋಚ್ಚ ಕಮಾಂಡರ್ ಆಗುತ್ತಾರೆ.

"ಇತ್ತೀಚಿನ ವರ್ಷಗಳಲ್ಲಿ, ಸಶಸ್ತ್ರ ಪಡೆಗಳಲ್ಲಿ ಮಹಿಳೆಯರನ್ನು ಸೇರಿಸಲು ಕಾರ್ಯವಿಧಾನಗಳನ್ನು ಪ್ರಾರಂಭಿಸಲಾಗಿದೆ" ಎಂದು ಅಲ್ಲಿನ ರಾಜ ಹೇಳಿದರು ವೇಲ್ಸ್‌ನ UWC ಅಟ್ಲಾಂಟಿಕ್ ಕಾಲೇಜಿನಲ್ಲಿ ತನ್ನ ಅಧ್ಯಯನವನ್ನು ಪೂರ್ಣಗೊಳಿಸಿದ ನಂತರ ಲಿಯೊನರ್ ಅವರ ತರಬೇತಿಯು ಆಗಸ್ಟ್ ಅಥವಾ ಸೆಪ್ಟೆಂಬರ್‌ನಲ್ಲಿ ಪ್ರಾರಂಭವಾಗುತ್ತದೆ.

ಅಲ್ಲಿ ಅನೇಕ ರಾಷ್ಟ್ರದ ಮುಖ್ಯಸ್ಥರು ಮತ್ತು ಕುಟುಂಬದ ಸದಸ್ಯರು UWC ಅಟ್ಲಾಂಟಿಕ್ ಕಾಲೇಜಿನ ವಿದ್ಯಾರ್ಥಿಗಳು ಅಥವಾ ಹಳೆಯ ವಿದ್ಯಾರ್ಥಿಗಳು, ನೆದರ್‌ಲ್ಯಾಂಡ್‌ನ ರಾಜ ವಿಲ್ಲೆಮ್-ಅಲೆಕ್ಸಾಂಡರ್ ಮತ್ತು ಅವರ ಮಗಳು ರಾಜಕುಮಾರಿ ಅಲೆಕ್ಸಿಯಾ ಸೇರಿದಂತೆ ಹಲವರು ಭಾಗಿಯಾಗಿದ್ದರು.

"ನಮ್ಮ ದೇಶದ ರಾಜಮನೆತನದ ಸ್ಥಾನಕ್ಕೆ ರಾಜಕುಮಾರಿ ಲಿಯೊನರ್ಗೆ ಇದು ಒಂದು ಪ್ರಮುಖ ಹೆಜ್ಜೆಯಾಗಿದೆ" ಎಂದು ರೋಬಲ್ಸ್ ಹೇಳಿದರು. ಮಿಲಿಟರಿ ತರಬೇತಿ ಮುಗಿದ ನಂತರವಷ್ಟೇ ಸಿಂಹಾಸನ ಏರಲು ಅನುಮತಿ ಸೂಚಿಸಲಾಗುತ್ತದೆ.