Parenting Tip: ನಿಮ್ಮ ಮಕ್ಕಳಿಗೆ ಕಲಿಸಿಕೊಡಲೇಬೇಕಾದ ವಿಷಯ ಇದು!

ಪಾಲಕರಿಗೆ ಮಕ್ಕಳು ಯಾವಾಗಲೂ ಚಿಕ್ಕವರ ಹಾಗೆ ಕಾಣುತ್ತಾರೆ. ಆದರೆ ಎಲ್ಲರೂ ಬೆಳೆದಂತೆಲ್ಲಾ ಕೆಲವು ವಿಷಯಗಳನ್ನು ಪಾಲಕರೇ ಹೇಳಿಕೊಡಬೇಕಾಗುತ್ತದೆ. ಆ ಸಂಗತಿಗಳ ಬಗ್ಗೆ ಇಲ್ಲಿದೆ ಮಾಹಿತಿ. 

ಸ್ವಚ್ಛತೆ- ಹದಿಮೂರನೇ ವಯಸ್ಸಿನವರೆಗೆ ಹೆಚ್ಚೆಂದರೆ ನೀವು ಅವರ ಆರೈಕೆಯನ್ನು ಹೆಚ್ಚಾಗಿ ಮಾಡಿ ನಂತರ ಅವರ  ಬಟ್ಟೆ, ಮಲಗುವ ಕೋಣೆ, ಊಟದ ತಟ್ಟೆ, ಹೀಗೆ ಅವರಿಗೇ ಸ್ವಚ್ಛತೆಯ ಪಾಠ ಕಲಿಸಿಕೊಡಿ. 

ಮಕ್ಕಳು ಶಾಲೆಯಿಂದ ಮನೆಗೆ ಅಥವಾ ಮನೆಯಿಂದ ಶಾಲೆಗೆ ಹೋಗಲು ನಿಮ್ಮದೇ ವಾಹನ ಬಳಸಿ ನೀವು ಅವರನ್ನು ಬಿಟ್ಟು ಬರಬೇಡಿ. ಸಾರ್ವಜನಿಕ ವಾಹನ ಬಳೆಸುವುದಕ್ಕೆ ಅವರಿಗೆ ಮಾಹಿತಿ ನೀಡಿ. ರಸ್ತೆ ನಿಯಮಗಳನ್ನು ಪರಿಚಯಿಸಿ. 

ಅಡುಗೆ ಕಲಿಸಿ- ನೀವು ಅಡುಗೆ ಮಾಡುವುದನ್ನು ಮಕ್ಕಳಿಗೆ ಅವರ 13ನೇ ವಯಸ್ಸಿನಲ್ಲೇ ಹೇಳಿಕೊಡುವುದು ಉತ್ತಮ. ಅನಿವಾರ್ಯ ಪರಿಸ್ಥಿತಿಯಲ್ಲಿ ಮಕ್ಕಳಿಗೆ ಅವರೇ ಅಡುಗೆ ಮಾಡಿ ತಿನ್ನಲು ತಿಳಿದಿರಬೇಕು. 

ಶಾಪಿಂಗ್- ನೀವು ಅವರನ್ನು ದಿನಸಿ ಶಾಪಿಂಗ್‌ಗೆ ಕರೆದುಕೊಂಡು ಹೋಗಬೇಕು. ಅವರು ತರಕಾರಿಗಳ ಬೆಲೆಗಳನ್ನು ತಿಳಿದುಕೊಳ್ಳಲು ಅಥವಾ ಹಣವನ್ನು ಉಳಿಸಲು ಕಲಿಯುತ್ತಾರೆ. ನೀವು ಹಾಲು, ಬಿಸ್ಕತ್ತುಗಳು, ನೋಟ್‌ಬುಕ್‌ಗಳು, ತಿಂಡಿಗಳ ಖರೀದಿಯನ್ನು ಮಾಡುವಾಗಲೂ ಅವರಿಗೆ ಅದರ ಬೆಲೆ ತಿಳಿದಿರಬೇಕು. 

ಹೋಮ್‌ವರ್ಕ್ ಅಭ್ಯಾಸ- ಮಕ್ಕಳು ತಮ್ಮ ಸ್ವಂತ ಮನೆಕೆಲಸವನ್ನು ಮಾಡುವಂತೆ ಮಾಡಬೇಕು. ಸಮಯಕ್ಕೆ ಸರಿಯಾಗಿ ಅವರೇ ತಮ್ಮ ಕೆಲಸಗಳನ್ನು ಮಾಡಿಕೊಳ್ಳುವುದನ್ನು ಕಲಿಸಿ.  ಅಚ್ಚಕಟ್ಟಾಗಿ  ಯಾರ ಸಯಾವೂ ಇಲ್ಲದೆ ಅವರು ಕೆಲಸ ಮಾಡುವಂತಾಗಲಿ. 

ಪೋಷಕರ ಹೊರತಾಗಿ ಇನ್ನಿತರ ಸಂಬಂಧಿಗಳೊಡನೆ ಸಂಪರ್ಕ ಸಾಧಿಸುವಂತಾಗಲಿ. ನಿಮ್ಮ ಹೊರತಾಗಿ ಬದುಕಲೇ ಸಾಧ್ಯವಿಲ್ಲ ಎಂಬ ಸಂದರ್ಭ ಅವರಿಗೆ ಬರದಂತೆ  ನೋಡಿಕೊಳ್ಳಿ. 

ಪ್ರಥಮ ಚಿಕಿತ್ಸೆ- ಅವರಿಗೆ ಯಾವ ಔಷದವನ್ನು ಯಾವ ಸಮಯದಲ್ಲಿ ಬಳಸಬೇಕು. ಯಾವುದರಿಂದ ಏನಾಗುತ್ತದೆ ಎಂಬ ಸಾಮಾನ್ಯ ತಿಳುವಳಿಕೆಯನ್ನು ನೀಡಿ ಬೆಳೆಸಬೇಕು.