Music Class: ನಿಮ್ಮ ಮಕ್ಕಳಿಗೆ ಸಂಗೀತ ಕಲಿಸುವುದರಿಂದ ಎಷ್ಟೆಲ್ಲಾ ಪ್ರಯೋಜನ ಇದೆ ನೋಡಿ

ಮಕ್ಕಳಿಗಾಗಿ ಸಂಗೀತ ಚಟುವಟಿಕೆಗಳು ಸಂಪೂರ್ಣವಾಗಿ ಹೊಸ ಆಸಕ್ತಿಯನ್ನು ಹುಟ್ಟುಹಾಕುತ್ತದೆ. ನೆನಪಿನ ಶಕ್ತಿ ಹೆಚ್ಚಿಸಲು ಸಂಗೀತ ಒಂದು ಉತ್ತಮ ಮಾಧ್ಯಮ ಎಂದು ಸಂಶೋಧನೆಗಳು ತಿಳಿಸಿವೆ.

ಸಂಗೀತವು ಕಲಾತ್ಮಕ ಚಟುವಟಿಕೆಯಾಗಿದ್ದು, ಅದರ ಕಲಿಕೆಯನ್ನು ಸಾಧಿಸಲು ಸಾಕಷ್ಟು ಶಿಸ್ತು ಅಗತ್ಯವಿರುತ್ತದೆ. ಇದು ವಿದ್ಯಾರ್ಥಿಗಳಲ್ಲಿನ ವಿವಿಧ ಸಾಮರ್ಥ್ಯಗಳನ್ನು ಬಹಿರಂಗಪಡಿಸಲು ಅವಕಾಶ ಮಾಡಿಕೊಡುತ್ತದೆ.

ಮೆಮೊರಿ, ಹೊಸ ಶಬ್ದಗಳನ್ನು ಕಲಿಯುವುದು, ಅರಿವಿನ ಸಾಮರ್ಥ್ಯ ಹೆಚ್ಚಿಸುವುದು ಮಾನಸಿಕ ಗುಣಲಕ್ಷಣಗಳಿಗೆ ಸಂಬಂಧಿಸಿದಂತೆ, ಮಕ್ಕಳು ತಮ್ಮ ಭಾವನೆಗಳನ್ನು ಸಂಗೀತದ ಮೂಲಕ ಹೇಳಿಕೊಳ್ಳುವುದು ಅಥವಾ ವ್ಯಕ್ತಪಡಿಸುವುದನ್ನು ಕಲಿಯುತ್ತಾರೆ.

ಈ ಕೌಶಲ್ಯವನ್ನು ಅಭ್ಯಾಸಕ್ಕೆ ತರಲು ಹಲವಾರು ಮಾರ್ಗಗಳಿವೆ, ಹಾಡುವಿಕೆಯಿಂದ, ಅದರ ವಿಭಿನ್ನ ಪಿಚ್ ಮಾಡ್ಯುಲೇಶನ್‌ ಆಗುತ್ತದೆ. ಟ್ಯೂನಿಂಗ್‌ನಲ್ಲಿ ಪರಿಣಿತರಾಗುತ್ತಾರೆ. ಅವರೇ ಹೊಸ ಟ್ಯೂನಿಂಗ್‌ ಸಂಯೋಜಿಸುತ್ತಾರೆ.

ತಮ್ಮದೇ ಆದ ಕೆಲವು ಸಂಶೋಧನೆಗಳನ್ನು ಮತ್ತು ಹೊಸ ಸಾಹಿತ್ಯವನ್ನು ರಚಿಸುವಲ್ಲಿ ಅವರು ಹೆಚ್ಚು ಆಸಕ್ತಿಹೊಂದುತ್ತಾರೆ. ಆಗ ಅವರಲ್ಲಿನ ಬುದ್ಧಿ ಹೆಚ್ಚು ಬೆಳವಣಿಗೆಯಾಗುತ್ತದೆ. ಕೆಲಸ ಮಾಡುವುದು ಮತ್ತು ತಮ್ಮದೇ ಆದ ಸಾಹಿತ್ಯವನ್ನು ರಚಿಸುವ ಸಾಮರ್ಥ್ಯ ಅವರಲ್ಲಿ ಬೆಳೆದರೆ ಅವರು ಸಾಧನೆ ಮಾಡುತ್ತಾರೆ.

ವಾದ್ಯ ನುಡಿಸುವುದು ಸಹ ಸಂಗೀತದ ಪ್ರಮುಖ ಭಾಗವಾಗಿರುತ್ತದೆ. ಇವುಗಳನ್ನು ನುಡಿಸಲು ಏಕಾಗ್ರತೆಯ ಅವಶ್ಯಕಥೆ ಇರುತ್ತದೆ. ಆದ್ದರಿಂದ ಶಾಲೆಗೆ ನಿಮ್ಮ ಮಗು ಹೋಗುತ್ತಿದ್ದರೆ ಅದರೊಟ್ಟಿಗೆ ಸಂಗೀತವನ್ನೂ ಸಹ ನೀವು ಕಲಿಸಬಹುದು.

ಸಂಗೀತದಲ್ಲಿ ದೀರ್ಘ ಉಚ್ಚಾರಣೆ ಮಾಡುವ ಅಗತ್ಯವಿರುತ್ತದೆ ಆದ್ದರಿಂದ ಮಕ್ಕಳು ಉದ್ದನೆಯ ಪದಗಳನ್ನು ಹೇಳಲು ಕಲಿಯುತ್ತಾರೆ. ಉಸಿರಿನ ಹಿಡಿತದಿಂದ ಆರೋಗ್ಯ ಪ್ರಯೋಜನಗಳೂ ಸಹ ಹೆಚ್ಚುತ್ತವೆ.

ಈ ಎಲ್ಲಾ ಕಾರಣಗಳಿಂದ ನಿಮ್ಮ ಮಗುವನ್ನು ಸಂಗೀತ ತರಗತಿಗೆ ಕಳಿಸಿ. ಅವರಲ್ಲಿ ಸಂಗೀತ ಇಷ್ಟ ಪಡುವ ಗುಣ ಬೆಳೆಸಿ ಹಾಗಾದಾಗ ಈ ಮೇಲೆ ತಿಳಿಸಿರುವ ಎಲ್ಲಾ ಪ್ರಯೋಜನಗಳೂ ಸಹ ನಿಮ್ಮ ಮಕ್ಕಳಿಗೆ ದೊರೆಯುತ್ತದೆ.