Childhood: ಮಕ್ಕಳಿಗೆ ಪ್ರತಿನಿತ್ಯ ಹೇಳಿಕೊಡಲೇಬೇಕಾದ ವಿಷಯ ಇದು

ನಿಮ್ಮ ಮಕ್ಕಳಿಗೆ ಪ್ರತಿದಿನವೂ ಕೆಲವು ವಿಷಯಗಳನ್ನು ಹೇಳಿಕೊಡುವುದರಿಂದ ತುಂಬಾ ಪ್ರಯೋಜನ ಇದೆ. ಹಾಗಾದರೆ ಯಾವ ವಿಷಯವನ್ನು ತಪ್ಪದೆ ಪ್ರತಿನಿತ್ಯ ನೀವು ನಿಮ್ಮ ಮಕ್ಕಳಿಗೆ ಹೇಳಿಕೊಡಬೇಕು ಎಂಬ ಸಂಗತಿ ಇಲ್ಲಿದೆ.

ಬೆಳಿಗ್ಗೆ ಬೇಗನೆ ಏಳುವುದನ್ನು ನೀವು ಪ್ರತಿನಿತ್ಯ ನಿಮ್ಮ ಮಕ್ಕಳಿಗೆ ರೂಢಿ ಮಾಡಿಸಬೇಕು. ಅವರು ಎದ್ದ ನಂತರ ಧ್ಯಾನ್ಯ ಮಾಡಲು ರೂಢಿಸಿಕೊಳ್ಳಲು ತಿಳಿಸಬೇಕು.

ಪ್ರತಿನಿತ್ಯ ಒಂದೊಳ್ಳೆ ಸುಭಾಷಿತ ಅಂದರೆ ಹಿತನುಡಿಯನ್ನು ನೀವು ಮಕ್ಕಳಿಗೆ ಹೇಳಿಕೊಡಬೇಕು. ಆ ಹಿತನುಡಿಯಿಂದ ಅವರಿಗೆ ಆತ್ಮವಿಶ್ವಾಸ ಹೆಚ್ಚುತ್ತಿರಬೇಕು.

ಪ್ರತಿನಿತ್ಯ ಸರಿಯಾದ ಸಮಯಕ್ಕೆ ಶಾಲೆಗೆ ಹೋಗಲು ಅವರೇ ಸಿದ್ಧರಾಗುವ ರೀತಿ ನೋಡಿಕೊಳ್ಳಬೇಕು. ಆದಷ್ಟು ಅವರ ಒತ್ತಡವನ್ನು ನಿಯಂತ್ರಿಸಲು ಹೇಳಿಕೊಡಬೇಕು.

ಪ್ರತಿನಿತ್ಯ ಹೊಸ ಪಾಠ ಹೇಳುವುದರಲ್ಲಿ ತಾಯಿಯದ್ದೊಂದೇ ಅಲ್ಲಾ ತಂದೆಯೂ ಪಾತ್ರವಹಿಸಬೇಕು. ನಿಮ್ಮ ಮಕ್ಕಳನ್ನು ಬೆಳೆಸುವ ಜವಾಬ್ಧಾರಿ ನಿಮಗೂ ಸಮಾನವಾಗಿರುತ್ತದೆ.

ಸರಿಯಾದ ಸಮಯಕ್ಕೆ ತಿಂಡಿ ಹಾಗೂ ಊಟ ಮಾಡುವುದನ್ನು ಹೇಳಿಕೊಡಬೇಕು. ಮಕ್ಕಳ ಆರೋಗ್ಯದ ಕಾಳಜಿಯನ್ನು ಹೇಗೆ ಮಾಡಿಕೊಳ್ಳುವುದು ಎಂಬುದನ್ನು ನೀವೇ ಮಕ್ಕಳಿಗೆ ತಿಳಿಸಿಕೊಡಬೇಕು.

ಬೆಳಿಗ್ಗೆ ಏಳುವುದು ಮಾತ್ರವಲ್ಲ ಮಕ್ಕಳು ಸರಿಯಾದ ಸಮಯಕ್ಕೆ ಮಲಗುವುದು ಕೂಡಾ ತುಂಬಾ ಮುಖ್ಯವಾಗುತ್ತದೆ. ಅವರ ದಿನಚರಿಯನ್ನು ಪ್ರತಿನಿತ್ಯ ಪರಿಶೀಲಿಸುವ ಕಾರ್ಯ ನೀವು ಮಾಡಬೇಕು.