ವಿದ್ಯಾರ್ಥಿಗಳೇ LIC ಸ್ಕಾಲರ್​​ಶಿಪ್​ಗೆ ಅರ್ಜಿ ಹಾಕಲು ಇವತ್ತೇ ಕೊನೆ ದಿನ-20,000 ಮಿಸ್ ಮಾಡ್ಕೋಬೇಡಿ!

LIC Golden Jubilee Scholarship: ಗೋಲ್ಡನ್ ಜುಬಿಲಿ ಸ್ಕಾಲರ್​ಶಿಪ್​​ ದೇಶದಲ್ಲಿ ಆರ್ಥಿಕವಾಗಿ ಹಿಂದುಳಿದ ಕುಟುಂಬಗಳಲ್ಲಿನ ವಿದ್ಯಾರ್ಥಿಗಳು ಉನ್ನತ ವ್ಯಾಸಂಗ ಮಾಡಲು ಭಾರತೀಯ ಜೀವ ವಿಮಾ ನಿಗಮ ನೀಡುವ ವಿದ್ಯಾರ್ಥಿ ವೇತನವಾಗಿದೆ.

ಒಂದು ಕುಟುಂಬದಿಂದ ಒಬ್ಬ ವಿದ್ಯಾರ್ಥಿ ಮಾತ್ರ ವಿದ್ಯಾರ್ಥಿವೇತನ ಪಡೆಯಬಹುದಾಗಿದೆ. ವಿದ್ಯಾರ್ಥಿಗಳು LIC ವೆಬ್​ಸೈಟ್​​ಗೆ ಭೇಟಿ ನೀಡಿ, ಅಲ್ಲಿ 'ಗೋಲ್ಡನ್​ ಜುಬಿಲಿ ಫೌಂಡೇಶನ್ ' ಲಿಂಕ್​ ಮೇಲೆ ಕ್ಲಿಕ್ ಮಾಡುವ ಮೂಲಕ ಈ ಸ್ಕಾಲರ್​ಶಿಪ್​ಗೆ ಅರ್ಜಿ ಸಲ್ಲಿಸಬೇಕು.

ಪ್ರತಿ ವಿಭಾಗದಿಂದ 10 ವಿದ್ಯಾರ್ಥಿಗಳು ಮತ್ತು ವಿಶೇಷ ಹೆಣ್ಣು ಮಕ್ಕಳ ವರ್ಗದಿಂದ 10 ವಿದ್ಯಾರ್ಥಿಳು ಈ ಸ್ಕಾಲರ್​ ಶಿಪ್​ ಪಡೆಯಲು ಅರ್ಹರಾಗಿದ್ದಾರೆ. ಈ ವಿದ್ಯಾರ್ಥಿವೇತನಕ್ಕೆ ಅರ್ಜಿ ಹಾಕಲು ಡಿಸೆಂಬರ್ 18, 2022 ಅಂದರೆ ಇವತ್ತೇ ಕೊನೆಯ ದಿನವಾಗಿದೆ.

ಈ ಸ್ಕಾಲರ್​ಶಿಪ್​ನ ಷರತ್ತು ಮತ್ತು ಪ್ರಯೋಜನಗಳೇನು? LIC ಗೋಲ್ಡನ್ ಜುಬಿಲಿ ವಿದ್ಯಾರ್ಥಿ ವೇತನಕ್ಕೆ ಅರ್ಜಿ ಹಾಕಬೇಕಾದರೆ ವಿದ್ಯಾರ್ಥಿಗಳು ಕೆಲವೊಂದು ಷರತ್ತುಗಳಿಗೆ ಬದ್ದರಾಗಿರಬೇಕು. ಅವುಗಳು ಈ ಕೆಳಕಂಡಂತಿವೆ.

ಅರ್ಜಿದಾರರ ಕುಟುಂಬದ ವಾರ್ಷಿಕ ಆದಾಯ 2.5 ಲಕ್ಷ ರೂಪಾಯಿ ಮೀರಿರಬಾರದು.

2021-22ರಲ್ಲಿ ಶೇ.60 ಅಂಕಗಳೊಂದಿಗೆ 12ನೇ ತರಗತಿ ಪಾಸಾದವರಿಗೆ ಮತ್ತು 2021-22 ರಲ್ಲಿ ಶೇ. 60 ಅಂಕಗಳೊಂದಿಗೆ 10ನೇ ತರಗತಿ ಪಾಸಾದವರಿಗೆ ಡಿಪ್ಲೋಮಾ ವೊಕೇಶನಲ್/ ITI ವ್ಯಾಸಂಗಕ್ಕಾಗಿ ಈ ಸ್ಕಾಲರ್​ ಶಿಪ್ ನೀಡಲಾಗುತ್ತದೆ.

ಉನ್ನತ ವ್ಯಾಸಂಗ ಮಾಡಬಯಸುವ ವಿದ್ಯಾರ್ಥಿಗಳು ಈ ಸ್ಕಾಲರ್​ಶಿಪ್​ಗೆ ಇವತ್ತೇ ಅಪ್ಲೈ ಮಾಡಿ. ವಿದ್ಯಾರ್ಥಿವೇತನದ ಲಾಭ ಪಡೆದುಕೊಳ್ಳಿ. ಅರ್ಹ ವಿದ್ಯಾರ್ಥಿಗಳಿಗೆ ಮತ್ತು ವಿಶೇಷ ಹೆಣ್ಣು ಮಕ್ಕಳಿಗೆ 2 ವರ್ಷಗಳವರೆಗೆ ಈ ವಿದ್ಯಾರ್ಥಿವೇತನದ ಪ್ರಯೋಜನ ಇರುತ್ತದೆ.

ಈ ಸ್ಕಾಲರ್​ಶಿಪ್​ಗೆ ಆಯ್ಕೆಯಾದ ವಿದ್ಯಾರ್ಥಿಗಳ ಬ್ಯಾಂಕ್ ಖಾತೆಗೆ ವರ್ಷಕ್ಕೆ 20,000 ವಿದ್ಯಾರ್ಥಿವೇತನವನ್ನು ಮೂರು ಕಂತುಗಳಲ್ಲಿ ನೀಡಲಾಗುತ್ತದೆ. 12ನೇ ತರಗತಿ ವಿದ್ಯಾರ್ಥಿಗಳಿಗೆ ವಾರ್ಷಿಕ 10,000 ವಿದ್ಯಾರ್ಥಿ ವೇತನ ಕೊಡಲಾಗುತ್ತದೆ.