Zoology: ಪ್ರಾಣಿಶಾಸ್ತ್ರದಲ್ಲಿ ಕಲಿಸುವ ಇಂಟ್ರೆಸ್ಟಿಂಗ್​ ವಿಚಾರ ಇದು!

ಕೆಲವು ಜೀವಶಾಸ್ತ್ರಜ್ಞರು ಸಸ್ಯಗಳನ್ನು ಅಧ್ಯಯನ ಮಾಡುತ್ತಾರೆ. ಇತರರು ಸೂಕ್ಷ್ಮಜೀವಿಗಳನ್ನು ಅಧ್ಯಯನ ಮಾಡುತ್ತಾರೆ ಮತ್ತು ಕೆಲವರು ಅಣಬೆಗಳಂತಹ ಶಿಲೀಂಧ್ರಗಳನ್ನು ಅಧ್ಯಯನ ಮಾಡುತ್ತಾರೆ. ಇದೆಲ್ಲದಕ್ಕೂ ಬೇರೆ ಬೇರೆ ಹೆಸರುಗಳಿವೆ. ಆದರೆ ಇವೆಲ್ಲವೂ ವಿಜ್ಞಾನ ಕ್ಷೇತ್ರದಲ್ಲಿ ಕಲಿಯಬಹುದಾದ ವಿಷಯಗಳಾಗಿವೆ.

ಪ್ರಾಣಿಶಾಸ್ತ್ರಜ್ಞರು ಹುಳುಗಳು, ಕೀಟಗಳು ಮತ್ತು ಮೃದ್ವಂಗಿಗಳಿಂದ ಮೀನು, ಪಕ್ಷಿಗಳು ಮತ್ತು ಸಸ್ತನಿಗಳವರೆಗೆ ಬೆನ್ನುಮೂಳೆ ಹೊಂದಿರುವ ಪ್ರಾಣಿಗಳ ಅಧ್ಯಯನ ಮಾಡುವ ವಿಷಯವೇ ಪ್ರಾಣಿಶಾಸ್ತ್ರವಾಗಿದೆ ಇದೊಂದು ತುಂಬಾ ಆಸಕ್ತಿದಾಯಕ ವಿಷಯವಾಗಿದೆ.

ಈ ಕೋರ್ಸ್​ ಆಯ್ಕೆ ಮಾಡಿಕೊಂಡರೆ ಸಂಪೂರ್ಣ ಜೀವಿಗಳನ್ನು ಅಧ್ಯಯನ ಮಾಡುತ್ತೀರಿ. ಅದರ ಭಾಗಗಳನ್ನು ಸಹ ನೋಡುತ್ತೀರಿ, ಅದರ ದೇಹದ ರಾಸಾಯನಿಕ ಸಂಯೋಜನೆಯಿಂದ ಅದರ ಜೀವಕೋಶಗಳು ಮತ್ತು ಅಂಗಗಳವರೆಗೆ ಎಲ್ಲಾ ಮಾಹಿತಿಯನ್ನೂ ಸಹ ಪಡೆಯುತ್ತೀರಿ.

ಪ್ರಾಣಿಗಳ ಜಾತಿಗಳ ಸಂಪೂರ್ಣ ಸಂಖ್ಯೆಯನ್ನು ಮತ್ತು ಪ್ರಾಣಿಗಳು ತಮ್ಮ ಪರಿಸರಕ್ಕೆ ಹೊಂದಿಕೊಳ್ಳುವ ವಿಧಾನಗಳನ್ನು ಅಧ್ಯಯನ ಮಾಡುತ್ತೀರಿ. ಪರಿಸರ ವಿಜ್ಞಾನದಲ್ಲಿ, ಪ್ರಾಣಿಗಳು ತಮ್ಮ ಪರಿಸರದಲ್ಲಿ ಹೇಗೆ ವಾಸಿಸುತ್ತವೆ ಎಂಬುದನ್ನು ತಿಳಿದುಕೊಳ್ಳಬಹುದು.

ಪ್ರಾಣಿಗಳಿಗೂ ಪರಿಸರಕ್ಕೂ ಇರುವ ಸಂಬಂಧವನ್ನು ಅಧ್ಯಯನ ಮಾಡುತ್ತೀರಿ. ಜೀವಿಗಳು ಸಸ್ಯಗಳೊಂದಿಗೆ ಸಂವಹನ ನಡೆಸುವ ವಿಧಾನವನ್ನು ಮತ್ತು ಅವುಗಳನ್ನು ಸುತ್ತುವರೆದಿರುವ ನಿರ್ಜೀವ ವಸ್ತುಗಳ ಬಗ್ಗೆ ನೀವು ಮಾಹಿತಿ ಪಡೆಯುತ್ತೀರಿ. ಪ್ರಾಣಿಗಳ ಬಣ್ಣ ಮತ್ತು ಆಹಾರದ ಕುರಿತು ಮಾಹಿತಿ ಪಡೆಯುತ್ತೀರಿ.

ಪ್ರಾಣಿಶಾಸ್ತ್ರವು ಜೀವಶಾಸ್ತ್ರದ ಒಂದು ಭಾಗವಾಗಿದೆ. ಪ್ರಾಣಿಶಾಸ್ತ್ರದ ಪದವಿಯಲ್ಲಿ, ಸೂಕ್ಷ್ಮ ಜೀವವಿಜ್ಞಾನ, ತಳಿಶಾಸ್ತ್ರ, ವಿಕಸನ, ಸಂರಕ್ಷಣೆ, ಜೀವವೈವಿಧ್ಯ, ನಡವಳಿಕೆ, ಶರೀರಶಾಸ್ತ್ರ, ಪರಿಸರ ವ್ಯವಸ್ಥೆಗಳು ಮತ್ತು ಪಾಲನೆ ಸೇರಿದಂತೆ ಇನ್ನೂ ಹಲವು ವಿಚಾರಗಳನ್ನು ತಿಳಿಸಿಕೊಡಲಾಗುತ್ತದೆ.

ನೀವು ಪ್ರಾಣಿಶಾಸ್ತ್ರವನ್ನು ಅಧ್ಯಯನ ಮಾಡುತ್ತಿದ್ದೀರಿ ಎಂದು ನೀವು ಜನರಿಗೆ ಹೇಳಿದಾಗ, ಅನೇಕ ಜನರು "ಹಾಗಾದರೆ ನೀವು ಮೃಗಾಲಯದಲ್ಲಿ ಕೆಲಸ ಮಾಡಲು ಹೋಗುತ್ತೀರಾ?" ಎಂದು ಪ್ರತಿಕ್ರಿಯಿಸುತ್ತಾರೆ. ಯಾಕೆಂದರೆ ಇಂಗ್ಲೀಷ್​ನಲ್ಲಿ ಇದನ್ನು Zoology ಎಂದು ಕರೆಯಲಾಗುತ್ತದೆ.