Floating School: ಈ ದೇಶದಲ್ಲಿದೆ ತೇಲುವ ಶಾಲೆ! ಮಕ್ಕಳು ಶಾಲೆಗೆ ಹೋಗದಿದ್ದರೆ ಶಾಲೆಯೇ ಅವರ ಬಳಿ ಬುರತ್ತೆ

ಶಾಲೆ ಎಂದರೆ ಅದೊಂದು ಕಟ್ಟಡ ರೂಪದಲ್ಲಿರುತ್ತದೆ ಎಂದು ನಮಗೆಲ್ಲಾ ತಿಳಿದಿದೆ. ಆದರೆ ಬಾಂಗ್ಲಾದೇಶದಲ್ಲಿ ತೇಲುವ ಶಾಲೆಗಳಿವೆ. ಅಂದರೆ ನೀರಿನ ಮೇಲೆ ತೇಲುವ ದೋಣಿಗಳಲ್ಲಿ ಪಾಠ ಮಾಡಲಾಗುತ್ತದೆ.

ಬಾಂಗ್ಲಾದೇಶದ ವಾಯುವ್ಯದಲ್ಲಿರುವ ಅಟ್ರೈ ನದಿಯ ದಡದಲ್ಲಿ ಎತ್ತರದ ಹುಲ್ಲಿನಲ್ಲಿ ಸಣ್ಣ ಸಣ್ಣ ಗುಡಿಸಿಲಿನಂತೆ ಕಾಣುವ ಅದೆಷ್ಟೋ ಶಾಲೆಗಳನ್ನು ದೋಣಿಯ ಮೇಲೆ ಕಟ್ಟಲಾಗಿದೆ. ಮಕ್ಕಳಿಗೆ ಇದರೊಳಗೇ ಪಾಠ ಮಾಡಲಾಗುತ್ತದೆ.

ದೋಣಿಯ ಒಳಭಾಗವು ಕಿರಿದಾದ ಬೆಂಚುಗಳಿಂದ ಕೂಡಿರುತ್ತದೆ. ಒಟ್ಟು 29 ವಿದ್ಯಾರ್ಥಿಗಳನ್ನು ಒಂದು ದೋಣಿಯಲ್ಲಿ ಕೂರಿಸುತ್ತಾರೆ. ಇನ್ನೂ ಹೆಚ್ಚಿನ ತೂಕವನ್ನು ಈ ದೋಣಿಗಳು ತಾಳುವುದಿಲ್ಲವಂತೆ.

ಬಾಂಗ್ಲಾದೇಶದ ಶಿಕ್ಷಕರಿಗೆ ಸಮಸ್ಯೆ ಇದೆ. ಇತರ ಶಿಕ್ಷಕರಂತೆಯೇ ಅವರು ಅನೇಕ ಸವಾಲುಗಳನ್ನು ಎದುರಿಸುತ್ತಾರೆ. ಶಾಲೆಗಳಲ್ಲೂ ಹಲವಾರು ಮೂಲಭೂತ ಸೌಕರ್ಯಗಳ ಕೊರತೆ ಇರುತ್ತದೆ. ಹಣಕಾಸಿನ ನಿರ್ಬಂಧಗಳು, ಹಳತಾದ ಪಠ್ಯಪುಸ್ತಕಗಳು, ಕಿಕ್ಕಿರಿದ ತರಗತಿಗಳು ಅದರಲ್ಲೂ ಮಳೆಗಾಲ ಬಂದರೆ ಇವರಿಗಿರುವ ಕಷ್ಟ ಅಷ್ಟಿಷ್ಟಲ್ಲ.

ವಿದ್ಯಾರ್ಥಿಗಳು ಆಗಾಗ ಶಾಲೆಗೆ ಹೋಗಲು ನಿರಾಕರಿಸುತ್ತಾರಂತೆ. ಆಗ ಸ್ಥಳೀಯ ಚಾರಿಟಿಯೊಂದು ಬೋಟ್‌ಗಳಲ್ಲಿ ಶಾಲೆಗಳ ರೂಪದಲ್ಲಿ ವಿದ್ಯಾರ್ಥಿಗಳ ಬಳಿಗೇ ಹೋಗಿ ಪಾಠ ಮಾಡಲಾಗುತ್ತದೆಯಂತೆ. ಇಲ್ಲಿ ಮಹಿಳೆಯರಿಗೂ ಶಿಕ್ಷಣ ನೀಡಲಾಗುತ್ತದೆ.

ಒಟ್ಟು 23 ತೇಲುವ ಶಾಲೆಗಳು ಅಲ್ಲಿ ಯಾವಾಗಲೂ ಇರುತ್ತವೆಯಂತೆ. ಪ್ರತಿದಿನ ಬೆಳಿಗ್ಗೆ ದೋಣಿ ವಿದ್ಯಾರ್ಥಿಗಳನ್ನು ಎತ್ತಿಕೊಂಡು ನದಿಯ ಉದ್ದಕ್ಕೂ ಹೋಗುತ್ತದೆ. ಬೆಂಗಾಲಿ, ಇಂಗ್ಲಿಷ್, ಗಣಿತ ಮತ್ತು ವಿಜ್ಞಾನ ಹೀಗೆ ಬೇರೆ ಬೇರೆ ವಿಷಯ ಕಲಿಸಲಾಗುತ್ತದೆ.

ಶಾಲಾ ಸಮಯ ಮುಗಿದ ತಕ್ಷಣ ಅವರನ್ನು ದಡಕ್ಕೆ ತಂದು ಬಿಡಲಾಗುತ್ತದೆ. ವಿದ್ಯಾರ್ಥಿಗಳು ಈ ಶಾಲೆಯನ್ನು ಇಷ್ಟಪಡುತ್ತಾರೆ.

ಈ ಶಾಲೆಗಳ ಒಳಗೆ ಎಲ್ಲಾ ರೀತಿಯ ಸೌಕರ್ಯಗಳೂ ಇರುತ್ತವೆ. ಕಂಪ್ಯೂಟರ್​ ತರಗತಿ ಹಾಗೂ ರೇಡಿಯೋ ತರಗತಿಗಳನ್ನೂ ಸಹ ಇಲ್ಲಿ ನಡೆಸಲಾಗುತ್ತದೆ.