Time Management: ವಿದ್ಯಾರ್ಥಿ ಜೀವನದಲ್ಲಿ ಸಮಯ ಪಾಲನೆಯ ಪ್ರಾಮುಖ್ಯತೆ ಏನು? ಇಲ್ಲಿದೆ ಡೀಟೆಲ್ಸ್​

ಸಮಯ ನಿರ್ವಹಣೆ ಎಂದರೆ ಸಮಯವನ್ನು ಸಮರ್ಥವಾಗಿ ಬಳಸಿಕೊಳ್ಳುವ ಸಾಮರ್ಥ್ಯ. ನೀವು ವಿದ್ಯಾರ್ಥಿಯಾಗಿರಲಿ, ಉದ್ಯಮಿಯಾಗಿರಲಿ, ಕಛೇರಿಯ ಉದ್ಯೋಗಿಯಾಗಿರಲಿ, ಸೇವಾನಿರತರಾಗಿರಲಿ ಅಥವಾ ಬೇರೆಯವರಾಗಿರಲಿ, ಒಬ್ಬರ ವೈಯಕ್ತಿಕ ಸಮಯವನ್ನು ಸದುಪಯೋಗಪಡಿಸಿಕೊಳ್ಳುವುದು ಅತ್ಯಗತ್ಯ.

ಸಮಯ ನಿರ್ವಹಣೆ ಎಂದರೆ ಸಮಯವನ್ನು ಸಮರ್ಥವಾಗಿ ಬಳಸಿಕೊಳ್ಳುವ ಸಾಮರ್ಥ್ಯ. ನೀವು ವಿದ್ಯಾರ್ಥಿಯಾಗಿರಲಿ, ಉದ್ಯಮಿಯಾಗಿರಲಿ, ಕಛೇರಿಯ ಉದ್ಯೋಗಿಯಾಗಿರಲಿ, ಸೇವಾನಿರತರಾಗಿರಲಿ ಅಥವಾ ಬೇರೆಯವರಾಗಿರಲಿ, ಒಬ್ಬರ ವೈಯಕ್ತಿಕ ಸಮಯವನ್ನು ಸದುಪಯೋಗಪಡಿಸಿಕೊಳ್ಳುವುದು ಅತ್ಯಗತ್ಯ. ಯಶಸ್ಸಿನ ಮೊದಲ ಹೆಜ್ಜೆ ಸಮರ್ಥ ಸಮಯ ನಿರ್ವಹಣೆಯಾಗಿದೆ.

ವಿದ್ಯಾರ್ಥಿಗಳು ಸಮಯವನ್ನು ಸರಿಯಾದ ರೀತಿಯಲ್ಲಿ ನಿರ್ವಹಿಸಲು ಕಲಿತಾಗ ಹೆಚ್ಚು ಪರಿಣಾಮಕಾರಿಯಾಗಿ ತಮ್ಮ ಜೀವನವನ್ನು ನಿರ್ವಹಿಸುತ್ತಾರೆ. ಸಮಯ ಎಂಬುದು ಹಣಕ್ಕಿಮತಲೂ ಮುಖ್ಯವಾದದ್ದು. ಅದರಲ್ಲೂ ವಿದ್ಯಾರ್ಥಿ ಜೀವನ ಎಂಬ ಅವಧಿಯಂತು ಇನ್ನೂ ಮುಖ್ಯವಾಗದದ್ದು.

ಶಾಲೆಗೆ ಸರಿಯಾದ ಸಮಯಕ್ಕೆ ಹೋಗುವುದು, ಸರಿಯಾದ ಸಮಯದಲ್ಲಿ ಊಟ ಮಾಡುವುದು, ಸರಿಯಾದ ಸಮಯಕ್ಕೆ ನಿದ್ರೆ ಮಾಡುವುದು ಮತ್ತು ಸರಿಯಾದ ಸಮಯದಲ್ಲಿ ಓದಿಕೊಳ್ಳುವುದು ವಿದ್ಯಾರ್ಥಿಗಳ ಜೀವನದಲ್ಲಿ ಮುಖ್ಯವಾಗಿರುತ್ತದೆ.

ಸಮಯವನ್ನು ನಿರ್ವಹಿಸಲು ನಿಮಗೆ ಸಾಧ್ಯವಾಗದಿದ್ದರೆ, ನಿಮ್ಮ ಜೀವನದ ಬೇರೆ ಯಾವುದೇ ಭಾಗವನ್ನು ನಿರ್ವಹಿಸಲು ನಿಮಗೆ ಸಾಧ್ಯವಾಗುವುದಿಲ್ಲ ಎಂಬ ಮಾತಿದೆ. ನೀವು ಏನನ್ನಾದರು ಗಳಿಸಬೇಕು ಎಂದರೆ ಜೀವನದ ಪ್ರತಿಯೊಂದು ನಿಮಿಷವೂ ಅತ್ಯಮೂಲ್ಯ.

ಸಮಯ ನಿರ್ವಹಣೆಯ ಕಲೆಯನ್ನು ನೀವು ಚೆನ್ನಾಗಿ ಕರಗತ ಮಾಡಿಕೊಂಡರೆ, ನಿಮ್ಮ ಕಾರ್ಯಗಳನ್ನು ಉತ್ತಮವಾಗಿ ನಿಭಾಯಿಸಲು ನಿಮಗೆ ಸಾಧ್ಯವಾಗುತ್ತದೆ. ಅದೇ ಸಮಯದಲ್ಲಿ ಕಡಿಮೆ ಕೆಲಸಮಾಡಿ ಹೆಚ್ಚಿನ ಲಾಭ ಹೊಂದಿ.

ಮಾನವನ ಮೆದುಳು ಬೆಳಗಿನ ಸಮಯದಲ್ಲಿ ತಾಜಾವಾಗಿರುತ್ತದೆ ಮತ್ತು ಬಹಳಷ್ಟು ಕಂಠಪಾಠ ಮಾಡಬೇಕಾದ ವಿಷಯಗಳನ್ನು ಅಧ್ಯಯನ ಮಾಡಲು ಇದು ಅತ್ಯುತ್ತಮ ಸಮಯವಾಗಿದೆ. ಹಾಗಾಗಿ ವಿದ್ಯಾರ್ಥಿಗಳು ಬೆಳಿಗ್ಗೆ ಬೇಗ ಏಳುವುದು ಅತಿ ಮುಖ್ಯ.