Education Loan: ಎಜುಕೇಶನ್​ ಲೋನ್​ ತೆಗೆದುಕೊಳ್ಳುವವರ ಸಂಖ್ಯೆಯಲ್ಲಿ ಭಾರೀ ಇಳಿಕೆ!

ಹಿಂದೆಲ್ಲಾ ಬ್ಯಾಂಕ್​ಗಳಲ್ಲಿ ಶಿಕ್ಷಣಕ್ಕೆ ಸಾಲ ಸಿಗುತ್ತಿಲ್ಲ ಎಂದು ಪಾಲಕರು ಮತ್ತು ವಿದ್ಯಾರ್ಥಿಗಳು ಅಲವತ್ತುಕೊಳ್ಳುತ್ತಿದ್ದರು. ಶೈಕ್ಷಣಿಕ ಸಾಲ ಸಿಗುತ್ತಿಲ್ಲ ಎಂದು ಆಗಾಗ ದೂರುತ್ತಿದ್ದರು. ಆದರೆ ಇಲ್ಲಿ ಆಗಿರುವುದೇ ಬೇರೆ ಆ ಕುರಿತು ಮಾಹಿತಿ ನೀಡಿದ್ದೇವೆ ನೋಡಿ.

ದಾವಣಗೆರೆ ಜಿಲ್ಲೆಯ ಬಹುತೇಕ ಬ್ಯಾಂಕ್‌ಗಳು ಶಿಕ್ಷಣ ಸಾಲಕ್ಕೆ ಬೇಡಿಕೆ ಕಡಿಮೆಯಾಗಿದೆ ಎಂದು ಹೇಳುತ್ತಿದ್ದು, ಶೈಕ್ಷಣಿಕ ಸಾಲ ಬೇಕು ಎಂದು ವಿದ್ಯಾರ್ಥಿಗಳು ಬ್ಯಾಂಕ್​ಗೆ ಬೇಡಿಯನ್ನೇ ಸಲ್ಲಿಸುತ್ತಿಲ್ಲ ಎಂಬ ವಿಷಯ ಹೊರಬಿದ್ದಿದೆ.

ಸಾಲ ಕೊಡೋಕೆ ನಾವ್‌ ರೆಡಿ ಆದರೆ ಸಾಲ ತೆಗೆದುಕೊಳ್ಳಲು ಪೋಷಕರಾಗಲಿ ಅಥವಾ ವಿದ್ಯಾರ್ಥಿಗಳಾಗಲಿ ಮುಂದೆ ಬರುತ್ತಿಲ್ಲ ಎಂದು ಬ್ಯಾಂಕ್​ ಅಧಿಕಾರಿಗಳು ಹೇಳುತ್ತಿದ್ದಾರೆ.

ದಾವಣಗೆರೆ ಜಿಲ್ಲೆಯ ಬಹುತೇಕ ಬ್ಯಾಂಕ್‌ಗಳು ಶಿಕ್ಷಣ ಸಾಲಕ್ಕೆ ಬೇಡಿಕೆ ಕಡಿಮೆಯಾಗಿದೆ ಎಂದು ಹೇಳುತ್ತಿವೆ. ಈ ವರ್ಷದ ಜಿಲ್ಲಾ ಸಾಲ ಯೋಜನೆ ವೆಚ್ಚದ ಅಂಕೆಗಳು ಇದನ್ನೇ ಹೇಳುತ್ತಿವೆ.

ಇತರೆ ಆದ್ಯತೆ ಕ್ಷೇತ್ರದಲ್ಲಿ ಈ ಬಾರಿ ಜಿಲ್ಲಾದ್ಯಂತ 422.67 ಕೋಟಿ ರೂ. ಸಾಲ ನೀಡುವ ಗುರಿ ಹೊಂದಲಾಗಿತ್ತು. ಆದರೆ, ಕೇವಲ 104.99 ಕೋಟಿ ರೂ. ಸಾಲ ನೀಡಲಾಗಿದ್ದು, ಶೇ. 24.63 ರಷ್ಟು ಮಾತ್ರ ಬಿಡುಗಡೆಯಾಗಿದೆ ಎಂದು ತಿಳಿದುಬಂದಿದೆ.

ಈ ಬಾರಿ ಮುಖ್ಯವಾಗಿ ಶೈಕ್ಷಣಿಕ ಸಾಲ, ಮನೆ ಸಾಲ ಪ್ರಮುಖ ಸಾಲ ಯೋಜನೆಗಳಾಗಿವೆ. ಬ್ಯಾಂಕ್‌ಗಳು ಹೇಳುವ ಪ್ರಕಾರ ಇತ್ತೀಚಿನ ವರ್ಷಗಳಲ್ಲಿ ಶೈಕ್ಷಣಿಕ ಸಾಲ ಕೇಳಿಕೊಂಡು ಬರುವವರ ಸಂಖ್ಯೆ ಕಡಿಮೆ ಆಗಿದೆ.

ಇಂಜಿನಿಯರಿಂಗ್‌ ಕಾಲೇಜು, ಮೆಡಿಕಲ್‌ ಕಾಲೇಜುಗಳಾಗಿವೆ. ಹಾಗಾಗಿ ಪೋಷಕರಿಗೆ ದೂರದ ಊರಿಗೆ ಓದಲು ಕಳಿಸುವಂತಹ ಪರಿಸ್ಥಿತಿ ಕಡಿಮೆ ಆಗಿದೆ. ವಿದ್ಯಾರ್ಥಿಗಳು ಈ ನಿಟ್ಟಿನಲ್ಲಿ ವಸತಿ ವೆಚ್ಚ ಕಡಿಮೆ ಮಾಡಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.