Exam Stress: ಪರೀಕ್ಷೆ ಒತ್ತಡ ನಿವಾರಿಸಲು ಈ ಟಿಪ್ಸ್​ ಫಾಲೋ ಮಾಡಿ

ಹತ್ತು ಹಾಗೂ ಹನ್ನರಡನೇ ತರಗತಿ ಪರೀಕ್ಷಾ ವೇಳಾಪಟ್ಟಿ ಈಗಾಗಲೇ ಬಿಡುಗಡೆಯಾಗಿದ್ದು. ನೀವು ಪರೀಕ್ಷೆ ಎದುರಿಸಲು ನ ಹಲವಾರು ರೀತಿಯಲ್ಲಿ ಸಿದ್ಧತೆ ಮಾಡಿಕೊಳ್ಳಬೇಕಾಗುತ್ತದೆ. ಆದರೆ ನೀವು ಪರೀಕ್ಷಾ ಭಯಹೊಂದಿದ್ದರೆ ಈ ರೀತಿ ಪರಿಹರಿಸಿಕೊಳ್ಳಬಹುದು.

ಯಾವುದೇ ಟಾಪರ್​ ಆಗಿರಲಿ ಅಥವಾ ಸಾಮಾನ್ಯ ಅಂಕಗಳಿಸುವವರಾಗಿರಲಿ, ಎಲ್ಲರಿಗೂ ಭಯ ಇದ್ದೇ ಇರುತ್ತದೆ. ಅದನ್ನು ನಿವಾರಿಸಲು ಅಧ್ಯಯನ ಮಾಡುವುದು ತುಂಬಾ ಮುಖ್ಯವಾಗಿರುತ್ತದೆ. ಸರಿಯಾದ ಅಭ್ಯಾಸ ಮಾಡಿದರೆ ಯಾವ ಭಯವೂ ನಿಮ್ಮನ್ನು ಕಾಡುವುದಿಲ್ಲ.

ಪರಿಣಾಮಕಾರಿ ಅಧ್ಯಯನ ಮಾಡಬೇಕು. ಅದಕ್ಕಾಗಿ ಸರಿಯಾದ ವೇಳಾಪಟ್ಟಿ ಸಿದ್ಧಪಡಿಸಬೇಕು. ಷಯವಾರು ಪರಿಣಾಮಕಾರಿ ಅಧ್ಯಯನ ಯೋಜನೆಯನ್ನು ತಯಾರಿಸಿ ಮತ್ತು ಅದಕ್ಕೆ ಅನುಗುಣವಾಗಿ ವಿಷಯಕ್ಕೆ ತಯಾರಿ ನಡೆಸಿ.

ಯಾವುದೇ ರೀತಿಯ ಗುರಿಯನ್ನು ಸಾಧಿಸಲು ಪರಿಣಾಮಕಾರಿ ಮಾರ್ಗವೆಂದರೆ ನಾವು ಏನನ್ನು ಸಾಧಿಸಲು ಬಯಸುತ್ತೇವೆ ಎಂಬುದರ ಗೋಲ್ ಕಾರ್ಡ್ ಅನ್ನು ಸಿದ್ಧಪಡಿಸುವುದು. ಆ ಕಾರಣದಿಂದ ನೀವು ಯಾವ ಗುರಿ ಹೊಂದಿದ್ದೀರಿ ಎಂಬ ನೀಲಿ ನಕ್ಷೆಯನ್ನು ನಿಮ್ಮಲ್ಲೇ ತಯಾರಿಸಿ.

ಬೋರ್ಡ್ ಪರೀಕ್ಷೆಗಳು ಹೊಸ ವರ್ಷದಿಂದ ಪ್ರಾರಂಭವಾಗಲಿದೆ. ಆಕಾರಣದಿಂದ ವಿದ್ಯಾರ್ಥಿಗಳ ಉಜ್ವಲ ಭವಿಷ್ಯಕ್ಕಾಗಿ, 10 ಮತ್ತು 12 ನೇ ಪರೀಕ್ಷೆಗಳು ಪ್ರತಿಯೊಬ್ಬ ವಿದ್ಯಾರ್ಥಿಗೆ ಬಹಳ ಮುಖ್ಯ. ಕಡಿಮೆ ಅಂಕ ಬಂದರೆ ನಿಮ್ಮ ಜೀವನ ಅಲ್ಲಿಗೇ ಮುಕ್ತಾಯವಾಯಿತು ಎಂದಲ್ಲಾ ಇದನ್ನು ಹೊರತುಪಡಿಸಿ ಇನ್ನೂ ಹಲವು ಅವಕಾಶವಿರುತ್ತದೆ.

ಪರೀಕ್ಷೆಯ ಒತ್ತಡವನ್ನು ನಿಯಂತ್ರಿಸುತ್ತಾ ಸರಿಯಾದ ಸಮಯದಲ್ಲಿ ನಿದ್ರೆ ಮಾಡುತ್ತಾ, ಆರೋಗ್ಯಕರವಾದ ಆಹಾರ ತಿನ್ನುತ್ತಾ ಇದ್ದರೆ ಪರೀಕ್ಷಾ ದಿನಗಳಲ್ಲಿ ತುಂಬಾ ಸಹಾಯವಾಗುತ್ತದೆ.

ಬೋರ್ಡ್ ಪರೀಕ್ಷೆಗಳ ಭಯದಿಂದಾಗಿ, ಅನೇಕ ವಿದ್ಯಾರ್ಥಿಗಳು ತುಂಬಾ ಆತಂಕಕ್ಕೊಳಗಾಗುತ್ತಾರೆ. ಅವರು ಪರೀಕ್ಷೆಯ ಮೊದಲು ಎಲ್ಲಿಗಾದರು ಹೋಗುವುದನ್ನು ನಿಲ್ಲಿಸುತ್ತಾರೆ. ಅಷ್ಟೇ ಅಲ್ಲ ಸ್ನೇಹಿತರನ್ನು ಭೇಟಿಯಾಗುವುದನ್ನೂ ನಿಲ್ಲಿಸುತ್ತಾರೆ. ಈ ರೀತಿ ಮಾಡುವುದರ ಬದಲಾಗಿ ಆರಾಮಾಗಿ ಇರಲು ಕಲಿಯಿರಿ.