Competitive Exams: ಮನೆಯಲ್ಲೇ ಕೂತು ಈ ರೀತಿಯಾಗಿ ಪರೀಕ್ಷಾ ಸಿದ್ಧತೆ ನಡೆಸಿ, ಹೆಚ್ಚಿನ ಅಂಕ ಗಳಿಸಿ

ಎಷ್ಟೋಜನರು ಸ್ಪರ್ಧಾತ್ಮಕ ಪರೀಕ್ಷೆಯನ್ನು ಬರೆಯಬೇಕು ಉತ್ತಮ ಅಂಕ ಗಳಿಸಬೇಕು ಎಂಬ ಆಸೆ ಇಟ್ಟುಕೊಂಡಿರುತ್ತಾರೆ. ಇನ್ನು ಕೆಲವರು ಇತತರು ಮಾಡುತ್ತಿದ್ದಾರೆ ಎಂದು ತಾವೂ ಸಹ ಬರೆಯಲು ಯೋಚಿಸುತ್ತಿರುತ್ತಾರೆ. ಅಂತವರಿಗೆ ಇಲ್ಲಿದೆ ಟಿಪ್ಸ್​.

ನಿಮ್ಮ ಗುರಿ ಸ್ಪಷ್ಟ ಇರಲಿ. ಬ್ಯಾಂಕಿಂಗ್, ಪಿ ಎಸ್ ಸಿ , ಎಸ್ ಎಸ್ ಸಿ , ಯುಪಿ ಎಸ್ಸಿ ಹೀಗೆ ಹಲವು ಪರೀಕ್ಷೆಗಳಿವೆ . ಬ್ಯಾಂಕಿಂಗ್ ಪರೀಕ್ಷೆಗೆ ಗಣಿತ, ಇಂಗ್ಲೀಷಿಗೆ ಆದ್ಯತೆ. SSC ಯಲ್ಲಿ ಸಾಮಾನ್ಯ ಜ್ಞಾನಕ್ಕೆ ಹೆಚ್ಚಿನ ಮಹತ್ವ.ಎಲ್ಲಾ ಪರೀಕ್ಷೆಗಳಿಗೆ ಅದರದ್ದೇ ಆದ ಸಿಲೆಬಸ್ ಇರುತ್ತದೆ.

ಸರಿಯಾಗಿ ಅಭ್ಯಾಸ ಮಾಡಿದರಷ್ಟೇ ನಿಮ್ಮ ಸಿಲೆಕ್ಷನ್ ಸಾಧ್ಯ. ಹಾಗಾಗಿ ಪರೀಕ್ಷೆಯನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳಿ .ಲೆಕ್ಕ ಕಷ್ಟವಾಗುವವರಿಗೆ ಬ್ಯಾಂಕ್ ಪರೀಕ್ಷೆ ಕಷ್ಟ. ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ಪರೀಕ್ಷೆ ಆಯ್ಕೆ ಮಾಡಿ. ಹಿಂದಿನ ವರ್ಷದ ಪ್ರಶ್ನೆ ಪತ್ರಿಕೆ ಬಿಡಿಸಿ.

ಯಾರೋ ಹೇಳುತ್ತಾರೆಂದು ಪರೀಕ್ಷೆ ಬರೆಯಬೇಡಿ. ನಿಮಗೆ ಆಸಕ್ತಿ ಇದ್ದರೆ ಮಾತ್ರ ಬರೆಯಿರಿ. ಸ್ವರ್ಧಾತ್ಮಕ ಪರೀಕ್ಷೆ ತುಂಬಾ ಸಮಯ ತೆಗೆದು ಕೊಳ್ಳುತ್ತದೆ. ಒಂದೇ ಪರೀಕ್ಷೆಗೆ ಹಲವು ವರ್ಷಗಳನ್ನು ವ್ಯರ್ಥ ಮಾಡಬೇಡಿ. ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಫೇಲ್​ ಆದರೂ ಹಲವು ಮಾರ್ಗಗಳಿವೆ.

ಸಿಲೆಬಸ್ ಅರಿವಿರಲಿ. ಸಮುದ್ರದಷ್ಟು ಮೆಟೀರಿಯಲ್ ಲಭ್ಯ ಇರುವ ಈ ಕಾಲದಲ್ಲಿ ಎಲ್ಲವನ್ನು ಓದಿ ಸಮಯ ಹಾಳು ಮಾಡಬೇಡಿ. ನೆನಪಿಡಿ ಮಾರುಕಟ್ಟೆಯಲ್ಲಿ ಸಿಗುವ ಎಲ್ಲಾ ಪುಸ್ತಕಗಳಿಂದ ಏನೂ ಪ್ರಯೋಜನವಿಲ್ಲ. ಬೇಸಿಕ್ಸ್ ಸರಿ ಇರಲಿ. ಹತ್ತು ಪುಸ್ತಕ ಓದುದಕ್ಕಿಂತ ಒಂದೇ ಪುಸ್ತಕ ಹತ್ತು ಬಾರಿ ಓದಿ.

ಮನೆಯಲ್ಲಿದ್ದು ಕಲಿಯಲು ಕಷ್ಟವಾದರೆ ಸಮೀಪದ ಗ್ರಂಥಾಲಯ ಅಥವಾ ಶಾಂತ ವಾತಾವರಣ ಇರುವ ಸ್ಥಳವನ್ನು ಆಯ್ದುಕೊಳ್ಳಿ. ನಿಮ್ಮ ಮನೆಯಲ್ಲಿ ನಿಮ್ಮನ್ನು ಯಾರಾದರು ಬೇರೆ ಕೆಲಸಕ್ಕೆ ಕರೆಯಬಹುದು.

ದಿನ ಪತ್ರಿಕೆ ಓದಿ. ರಾಷ್ಟ್ರೀಯ ಮಟ್ಟದ ಪರೀಕ್ಷೆಗೆ ತಯಾರಿ ಮಾಡುವುದಾದರೆ, ರಾಷ್ಟ್ರ ಮಟ್ಟದ ದಿನ ಪತ್ರಿಕೆ ಓದಿ. ಸಾಮಾನ್ಯ ಜ್ಞಾನದೊಂದಿಗೆ ಇಂಗ್ಲೀಷ್ ಭಾಷಾ ಪ್ರವೀಣತೆಯೂ ಬರುತ್ತದೆ. ಹಾಗಾದಾಗ ನಿಮಗೆ ಈ ಪರೀಕ್ಷೆಗಳನ್ನು ಎದುರಿಸಲು ಸುಲಭವಾಗುತ್ತದೆ.

ಮನೆಯಲ್ಲಿ ಸಮಯ ಹಾಳು ಮಾಡಲು ತುಂಬಾ ಅವಕಾಶಗಳಿವೆ. ಈಗ ಸ್ವರ್ಥೆ ತುಂಬಾ ಹೆಚ್ಚಿದೆ. ನೀವು ಸಮಯ ಹಾಳು ಮಾಡುವಾಗ ಯಾವುದೋ ವಿದ್ಯಾರ್ಥಿ ನೀವು ಮಾಡಬೇಕು ಎಂದ ಕೆಲಸವನ್ನು ಈಗಾಗಲೇ ಮಾಡಿ ಮುಗಿಸಿರುತ್ತಾನೆ.