Project Plan: ಮಕ್ಕಳೇ, ಸ್ಕೂಲ್​ ಪ್ರಾಜೆಕ್ಟ್​ ಮಾಡುವಾಗ ಈ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಿ

ಪ್ರತಿಯೊಂದು ಶಾಲೆಯಲ್ಲೂ ಈಗ ಮಕ್ಕಳ ಕಲಿಕೆಗೆ ಆದ್ಯತೆ ನೀಡಲಾಗುತ್ತಿದೆ. ಅಷ್ಟೇ ಅಲ್ಲಾ ಪ್ರಾಯೋಗಿಕ ಕಲಿಕೆಗೆ ಹೆಚ್ಚಿನ ಒತ್ತು ನೀಡಲಾಗುತ್ತಿದೆ. ಹೇಗೆ ತುಂಬಾ ಕ್ರಿಯೇಟಿವ್​ ಆಗಿ ನಾನು ಪ್ರಾಜೆಕ್ಟ್​ ಮಾಡಬಹುದು ಎಂದು ವಿದ್ಯಾರ್ಥಿಗಳು ಕಾಯುತ್ತಿರುತ್ತಾರೆ.

ಇಲ್ಲಿ ನಿಮ್ಮ ಪ್ರಾಜೆಕ್ಟ್​​ ಅಂದಗಾಣಿಸಲು ಕೆಲವು ಸಂಗತಿಗಳನ್ನು ತಿಳಿಸುತ್ತೇವೆ. ನೀವು ಇದನ್ನು ಫಾಲೋ ಮಾಡಿದರೆ ನಿಮ್ಮ ಶಾಲೆಯಲ್ಲಿ ಖಂಡಿತ ಭೇಷ್​ ಎನಿಸಿಕೊಳ್ಳುತ್ತೀರಾ.

ನಿಮ್ಮ ಪ್ರಾಜೆಕ್ಟ್​ ಮುಖಪುಟವನ್ನು ನೀವು ಮೊದಲು ತುಂಬಾ ಇಂಪ್ರೆಸ್ಸಿವ್ ಆಗಿ ಮಾಡಬೇಕು. ಹಾಗೆ ಮಾಡಿದಾಗ ಮಾತ್ರ ನೀವು ಎಷ್ಟು ಪ್ರಯತ್ನಪಟ್ಟಿದ್ದೀರಿ ಎಂಬುದು ಶಿಕ್ಷಕರಿಗೆ ತಿಳಿಯುತ್ತದೆ.

ಕವರ್ ಪುಟವು ಯಾವುದೇ ಡಾಕ್ಯುಮೆಂಟ್ ಅನ್ನು ಎದ್ದು ಕಾಣುವಂತೆ ಮಾಡುತ್ತದೆ. ಹಾಗಾಗಿ ನಿಮ್ಮ ಪ್ರಾಜೆಕ್ಟ್​ಗೆ ಹೆಚ್ಚಿನ ಅಂಕ ತಂದುಕೊಡಲು ಸಹಾಯಮಾಡುವುದೇ ಮುಖಪುಟ ಆಗಿರುತ್ತದೆ.

ಅಥವಾ ಯಾವುದೇ ಪೇಪರ್​ ಮೂಲಕವಲ್ಲದೆ ನೀವು ಪ್ರಾಜೆಕ್ಟ್​ ಮಾಡುತ್ತಿದ್ದೀರಿ ಎಂದಾದರೆ ಅದರಲ್ಲಿ ಗ್ರೂಪ್​ ವರ್ಕ್​​ ತುಂಬಾ ಮುಖ್ಯವಾಗುತ್ತದೆ. ಆ ಕಾರಣದಿಂದ ನೀವು ಇತರ ಸ್ನೇಹಿತರೊಂದಿಗೆ ಹೊಂದಿಕೊಂಡಿರಬೇಕು.

ಇನ್ನು ತುಂಬಾ ಚಿಕ್ಕ ಮಕ್ಕಳು ನೀವಾಗಿದ್ದು ಪ್ರಾಥಮಿಕ ಕಲಿಕೆಯ ಹಂತದಲ್ಲಿದ್ದರೆ ಎಲೆಗಳನ್ನು ಒಣಗಿಸಿ ನಂತರ ಅದನ್ನು ಒಂದು ಹಾಳೆಗೆ ಅಂಟಿಸಿ ಮುಖಪುಟ ಮಾಡಿ.

ನಿಮ್ಮ ಮಕ್ಕಳು ಏನಾದರೂ ಹೊಸತನ್ನು ಕಲಿಯಲು ಬಯಸುತ್ತಿದ್ದಾರೆ ಎಂದರೆ ಪಾಲಕರಾದ ನೀವೂ ಕೂಡಾ ಅವರ ಬೆನ್ನೆಲುವಾಗಿ ನಿಲ್ಲಬೇಕು. ಅವರು ಕೇಳಿದ ಸಹಾಯವನ್ನು ಮಾಡಬೇಕು. ಆಗ ಮಾತ್ರ ಮಕ್ಕಳು ಚುರುಕಾಗುತ್ತಾರೆ.