Summer Holidaysನಲ್ಲಿ ಹೋಮ್​ವರ್ಕ್​​ ಮಾಡಿಲ್ವಾ? ಚಿಂತೆ ಬೇಡ ಈ ರೀತಿ ಮಾಡಿ

ರಜೆಯ ಮೋಜಿನಲ್ಲಿರುವ ವಿದ್ಯಾರ್ಥಿಗಳು ತಮ್ಮ ಹೋಮ್​ವರ್ಕ್​ ಮಾತ್ರ ಮಾಡಲು ಇಷ್ಟಪಡೋದಿಲ್ಲ. ಇದರಿಂದ ಪಾಲಕರಿಗೆ ತಲೆಬಿಸಿ ಆರಂಭವಾಗಿ ಬಿಡುತ್ತದೆ. ಆಗ ಈ ರೀತಿ ಕೆಲವು ಉಪಾಯಗಳನ್ನು ಮಾಡಿ.

ನಿಮ್ಮ ಮನಸ್ಸನ್ನು ನೀವು ನಿಯಂತ್ರಿಸಿ. ದಿನದ 24 ಗಂಟೆಗಳಲ್ಲಿ ಎಷ್ಟು ಸಮಯ ನೀವು ಆಟವಾಡುವುದಕ್ಕೆ ಕಳೆದಿದ್ದೀರಿ ಮತ್ತು ಎಷ್ಟು ಸಮಯವನ್ನು ಬರೆಯಲು ಇಡಬೇಕು ಎಂಬುದನ್ನು ನೀವೇ  ಅರ್ಥಮಾಡಿಕೊಳ್ಳಿ. 

ನಿಮಗೆ ನೀವೆ ಚಾಲೆಂಜ್​ ಹಾಕಿ: ಇಷ್ಟು ಸಮಯದೊಳಗೆ ನಾನು ಇಂದಿನ ವಿಷಯವನ್ನು ಬರೆದು ಮುಗಿಸುತ್ತೇನೆ ಎಂದು ನೀವೇ ನಿರ್ಧಾರ ಮಾಡಿ. ಅಂದುಕೊಂಡಂತೆ ನೆಡೆದುಕೊಳ್ಳಿ. 

ಪ್ರತಿದಿನ ಎಲ್ಲೇ ಇದ್ದರೂ ಸಾಯಂಕಾಲದ ಕೆಲವು ಅವಧಿಗಳನ್ನು ಬರೆಯುವುದಕ್ಕಾಗಿಯೇ ಮೀಸಲಿಡಿ ಆ ಸಮಯದಲ್ಲಿ ನಿಮ್ಮ ಎಲ್ಲಾ ಕೆಲಸಗಳನ್ನು ಮುಗಿಸಿಬಿಡಿ.

ಒಂದು ದಿನ ನೀವು ಹೋಮ್​ವರ್ಕ್​ ಮಾಡಿಲ್ಲಾ ಎಂದರೂ ಮರುದಿನ ಅದನ್ನು ನೀವು ಸರಿದೂಗಿಸಿಕೊಳ್ಳುವಂತೆ ಮುಂದಿನ ದಿನ ಅದನ್ನು ಮುಗಿಸಿಬಿಡಿ. ಯಾವುದನ್ನೂ ಪೆಂಡಿಂಗ್​ ಇಡಬೇಡಿ.

ಒಂದು ಪುಟಕ್ಕೆ ಇಂತಿಷ್ಟು ಎಂದು ಸಮಯವನ್ನು ಹೊಂದಿಸಿ ಅಲರಾಂ ಫಿಕ್ಸ್​ ಮಾಡಿ. ಆ ಸಮಯಕ್ಕೆ ನೀವು ಮುಗಿಸುವಂತೆ ನೋಡಿಕೊಳ್ಳಿ.

ಪ್ರತಿನಿತ್ಯ ನೀವು ಹೋಮ್​ವರ್ಕ್​ ಮಾಡಲೇ ಬೇಕು ಇಲ್ಲವಾದರೆ ದಿನದಿಂದ ದಿನಕ್ಕೆ ಅದು ನಿಮಗೆ ಹೊರೆ ಎನಿಸಲು ಆರಂಭವಾಗುತ್ತದೆ. ಹಾಗಾಗಿ ನಾಳೆಯದನ್ನೂ ಇಂದೇ ಮುಗಿಸಿ. ಇಂದಿನದನ್ನು ಈಗಲೇ ಮುಗಿಸಿ.

ಪ್ರತಿನಿತ್ಯ ಒಂದೇ ಜಾಗವನ್ನು ಮೀಸಲಿಡಿ. ಆ ಜಾಗದಲ್ಲೇ ಕೂತು ನೀವು ಬರೆಯುವುದು ಅಭ್ಯಾಸ ಮಾಡುವುದು ಮಾಡಿ. ದೀರ್ಘಕಾಲ ಒಂದೇ ಕೆಲಸ ಮಾಡಬೇಡಿ.

ನಿಮಗೆ ಯಾವ ವಿಷಯದಲ್ಲಾದರು ಗೊಂದಲ ಬಂದರೆ ಅದಕ್ಕಾಗಿ ಹುಡುಕುತ್ತಾ ಸಮಯ ಹಾಳು ಮಾಡಬೇಡಿ ತಕ್ಷಣ ಗೊತ್ತಿದ್ದವರಿಂದ ಕೇಳಿ ತಿಳಿದು ಬೇಗ ಬೇಗ ಮಾಡಿ ಮುಗಿಸಿ.