Multiple Questions: ಬಹು ಆಯ್ಕೆ ಪ್ರಶ್ನೆಗಳಿಗೆ ಸುಲಭವಾಗಿ ಉತ್ತರಿಸುವುದು ಹೇಗೆ? ಇಲ್ಲಿದೆ ಟಿಪ್ಸ್​​

ನಿಮಗೆ ಯಾವುದಾದರೂ ಎರಡು ಉತ್ತರಗಳ ಮೇಲೆ ಅನುಮಾನವಿದ್ದರೆ ನೀವು ಮೊದಲು ಯಾವುದನ್ನು ಟಿಕ್ ಮಾಡಿರುತ್ತೀರೋ ಅದೇ ಸರಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ.

ಸರಿಯಾಗಿ ಪ್ರಶ್ನೆಯನ್ನು ಓದಿಕೊಳ್ಳುವುದು ಮುಖ್ಯ. ನೀವಿಲ್ಲಿ ಹೆಚ್ಚಾಗಿ ಏನೂ ಬರೆಯುವ ಅವಶ್ಯಕಥೆ ಇರುವುದಿಲ್ಲ ಹಾಗಾಗಿ ನೀವು ಸರಿಯಾಗಿ ಸಮಯಕೊಟ್ಟು ಪ್ರಶ್ನೆ ಓದಿ. 

ಯಾವುದೇ ಕಾರಣಕ್ಕೂ ಎರಡು ಆಯ್ಕೆಗೆ ಉತ್ತರ ಹಾಕಬೇಡಿ. ನೀವು ಸರಿಯಾದ ಹಾಗೂ ತಪ್ಪಾದ ಎರಡಕ್ಕೂ ಗೋಲ ಸುತ್ತಿದರೆ ಅದನ್ನು ಪರಿಗಣಿಸಲಾಗುವುದಿಲ್ಲ. ಹಾಗಾಗಿ ಯಾವುದಾದರೊಂದಕ್ಕೆ ಮಾತ್ರ ಹಾಕಿ. 

ಯಾವ ಇಂಕ್​ ಬಳಸುತ್ತೀರಿ ಎಂಬುದು ಮುಖ್ಯವಾಗುತ್ತದೆ. ನೀವು ಇದೇ ಮೊದಲಬಾರಿ ಬಹು ಆಯ್ಕೆ ಪರೀಕ್ಷೆ ಬರೆಯುತ್ತಿದ್ದರೆ ಇದನ್ನು ಗಮನದಲ್ಲಿಡಿ. ನೀವು ಟಿಕ್ ಮಾಡಿದ ಶಾಯಿ ಹಿಂದಿನ ಪುಟಕ್ಕೆ ಹೋಗಿರಬಾರದು. 

ಮೊದಲು ಪೆನ್ಸಿಲ್​ ಬಳಸಿ ಟಿಕ್ ಮಾಡುವುದು ಮುಖ್ಯವಾಗುತ್ತದೆ. ನಂತರ ಪರಿಶೀಲಿಸಿ ಸರಿಪಡಿಸಲು ಅವಕಾಶ ಇರುತ್ತದೆ. ಹಾಗಂತ ಸಮಯ ವ್ಯರ್ಥ ಮಾಡಬೇಡಿ. 

ಪ್ರತೀ ಪ್ರಶ್ನೆಗೂ ಸಹ ಯಾವಾಗಲೂ ನಾಲ್ಕು ಆಯ್ಕೆಗಳು ಇದ್ದೇ ಇರುತ್ತವೆ. ಅದರಲ್ಲಿ ಯಾವುದಾದರೂ ಒಂದನ್ನು ನೀವು ಆಯ್ಕೆ ಮಾಡಬೇಕಾಗಿರುತ್ತದೆ. 

ಕೊನೆಯದಾಗಿ ಎಲ್ಲಾ ಉತ್ತರಗಳನ್ನು ಸರಿಯಾಗಿ ಪರಿಶೀಲಿಸಿ. ನೀವು ಆಯ್ಕೆ ಮಾಡುವ ಸಂದರ್ಭದಲ್ಲಿ ಕೆಲವೊಂದು ಪ್ರಶ್ನೆಗಳಿಗೆ ಟಿಕ್ ಮಾಡಲು ಮರೆತಿದ್ದರೆ ಆಗ ಟಿಕ್ ಮಾಡಬಹುದು.