College Search: ನೀವು ಹೊಸ ಕಾಲೇಜಿಗೆ ಸೇರ್ತಾ ಇದ್ದೀರಾ? ಹಾಗಿದ್ರೆ ಬೆಸ್ಟ್ ಕಾಲೇಜ್​ನ ಹೀಗೆ ಸೆಲೆಕ್ಟ್ ಮಾಡಿ

ನೀವು ಹೊಸ ಕಾಲೇಜಿಗೆ ಸೇರಲು ಸಜ್ಜಾಗಿದ್ದೀರಾ? ಇದಕ್ಕಾಗಿ ಯಾವ ಕಾಲೇಜಿಗೆ ಸೇರಲಿ ಅಂತ ಯೋಚಿಸ್ತಾ ಇದ್ದೀರಾ? ಹಾಗಾದ್ರೆ ಇಲ್ಲಿ ಕೊಡಲಾದ ಒಂದಷ್ಟು ಟಿಪ್ಸ್​ಗಳನ್ನು ಅನುಸರಿಸಿ.

ಹೌದು. ಹೊಸ ಕಾಲೇಜು ಅಂದ ಕೂಡಲೇ ಸಾವಿರ ಯೋಚನೆಗಳು, ಗೊಂದಲಗಳು ಮನಸ್ಸಿನಲ್ಲಿ ಮೂಡುತ್ತದೆ. ಆದರೆ, ನಾವು ಯಾವುದೇ ಕಾರಣಕ್ಕೂ ಈ ಸಮಯದಲ್ಲಿ ಗಡಿಬಿಡಿ ಆಗದೇ ನಿಧಾನಕ್ಕೆ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕು.

ಮೊದಲಿಗೆ ಕಾಲೇಜುಗಳ ಪಟ್ಟಿಗಳನ್ನು ತಯಾರಿಸಿಕೊಳ್ಳಿ: ಯಾವ ಕಾಲೇಜು ನಿಮಗೆ ಹತ್ತಿರ ಇದೆ, ಅಲ್ಲಿ ಇರುವ ಬೆಸ್ಟ್​ ಕೋರ್ಸ್​ಗಳು, ಫೀಸು, ಅಲ್ಲಿ ನಡೆಯುವ ಕಾರ್ಯಕ್ರಮ ಮತ್ತು ಕ್ಯಾಂಪಸ್​ ಸೆಲೆಕ್ಷನ್​ಗಳು ಬರುವ ಬಗ್ಗೆ ಸಂಕ್ಷಿಪ್ತವಾಗಿ ಮಾಹಿತಿಗಳನ್ನು ಪಟ್ಟಿ ಮಾಡಿ.

ನಿಮ್ಮ ಬಜೆಟ್​ಗೆ ತಕ್ಕಂತೆ ನಿರ್ದಿಷ್ಟ ಕಾಲೇಜಿನ ಸಾಧಕ ಮತ್ತು ಬಾಧಕಗಳನ್ನು ನೋಡಬೇಕು. ನೀವು ಇನ್ನು ಎಷ್ಟು ವರ್ಷಗಳ ಕಾಲ ಆ ಕಾಲೇಜು ಮತ್ತು ಅದೇ ಪರಿಸರದಲ್ಲಿ ಇರುತ್ತೀರ ಅಂತ ಕನ್ಫರ್ಮ್​ ಮಾಡಿಕೊಳ್ಳಬೇಕು.

ಯಾವ ಕಾಲೇಜಿಗೆ ಸೇರಬೇಕು ಎಂದು ಅಂದುಕೊಳ್ಳುತ್ತೀರೋ ಆ ಕಾಲೇಜಿಗೆ ಭೇಟಿ ನೀಡಿ ಮತ್ತು ಅಲ್ಲಿ ಇರುವ ಪ್ರಾಂಶುಪಾಲರನ್ನು ಮಾತನಾಡಿಸಿ. ಏನೇ ಗೊಂದಲಗಳು ಇದ್ರೂ ನೀವು ಅವರೊಂದಿಗೆ ಮುಜುಗರ ಮಾಡಿಕೊಳ್ಳದೇ ಬಗೆ ಹರಿಸಿಕೊಳ್ಳಿ. ಯಾಕೆಂದರೆ ಇದು ನಿಮ್ಮ ಭವಿಷ್ಯದ ಪ್ರಶ್ನೆಯಾಗಿದೆ, ಹಾಗಾಗಿ.

ಆ ಕಾಲೇಜಿನಲ್ಲಿ ವಿದ್ಯಾರ್ಥಿಗಳಿಗಾಗಿ ಇರುವ ಫೆಸಿಲಿಟಿ, ಸ್ಕಾಲರ್​ಶಿಪ್​ಗಳನ್ನು ನೋಡಿ. ಬೋಧನೆಯ ಶೈಲಿ, ಅಲ್ಲಿಯ ವಸತಿ ಮತ್ತು ಊಟಗಳೆಲ್ಲವನ್ನೂ ಮೀರಿ ಫೀಸ್​ಗಳನ್ನು ಪಡೆದುಕೊಳ್ಳುತ್ತಾರಾ ಅಂತ ಪರಿಶೀಲಿಸಿ. ನಿಮಗೆ ಓಕೆ ಅಂತ ಅನಿಸಿದ್ರೆ ಅಪ್ಲೈ ಮಾಡಬಹುದು.

ಮುಖ್ಯವಾಗಿ ಅಲ್ಲಿ ಇರುವ ವಿದ್ಯಾರ್ಥಿಗಳ ಬಳಿ ಮಾತನಾಡಿಸಿ ಮತ್ತು ಅವರಿಂದ ಅಭಿಪ್ರಾಯಗಳನ್ನು ಪಟ್ಟಿ ಮಾಡಿಕೊಳ್ಳಬೇಕು. ಹಾಗೆಯೇ ಕಾಲೇಜಿನ ಅಧಿಕೃತ ವೆಬ್​ಸೈಟ್​ಗಳನ್ನು ಭೇಟಿ ಮಾಡಿ ಅಲ್ಲಿ ಬಂದಿರುವ ವಿಮರ್ಶೆಗಳನ್ನು ನೋಡಬೇಕು. ನಿಮಗೆ ಬೇಕಾದ ಸೌಲಭ್ಯ ಮತ್ತು ಶಿಕ್ಷಣ ಸಿ ಗ್ತಾ  ಇದ್ಯಾ ಅಂತ ಸಂಪೂರ್ಣ ಚೆಕ್​ ಮಾಡೋದ್ರಲ್ಲಿ ತಪ್ಪೇನಿಲ್ಲ ಬಿಡಿ.

ಉದ್ಯೋಗದ ಸಂಪರ್ಕ ಹೇಗಿದೆ ಎಂಬುದು ಮುಖ್ಯವಾಗಿ ನೀವು ನೋಡಲೇಬೇಕು. ಯಾಕೆಂದರೆ ಉತ್ತಮ ಉದ್ಯೋಗಕ್ಕಾಗಿ ಕ್ಯಾಂಪಸ್​ ಸೆಲೆಕ್ಷನ್​ ಮುಖ್ಯ ಪಾತ್ರವನ್ನು ವಹಿಸುತ್ತದೆ. ಹೀಗಾಗಿ ಕಾಲೇಜಿನ ಸಂಸ್ಥೆ ಮತ್ತು ಅಲ್ಲಿನ ವಾತಾವರಣದ ಬಗ್ಗೆ ಎಷ್ಟು ಸಾಧ್ಯವೋ ಅಷ್ಟು ವಿಷಯಗಳನ್ನು ತಿಳಿದುಕೊಳ್ಳಲೇ ಬೇಕು.