2nd PUCಯಲ್ಲಿ ಸಾಧನೆಗೈದ ವಿದ್ಯಾರ್ಥಿನಿಗೆ ಭವ್ಯ ಮೆರವಣಿಗೆ

ವಿಜ್ಞಾನ ವಿಭಾಗದಲ್ಲಿ ಜಿಲ್ಲೆಗೆ ಪ್ರಥಮ ಸ್ಥಾನ ಪಡೆದ ಹಿನ್ನಲೆ ವಿದ್ಯಾರ್ಥಿನಿಯನ್ನು ಮೆರವಣಿ ಮಾಡಲಾಯಿತು. ಕಾಲೇಜು ವತಿಯಿಂದ ಮೆರವಣಿಗೆ ಮಾಡಲಾಯಿತು.

ವಿದ್ಯಾರ್ಥಿನಿಯ ಭವ್ಯ ಮೆರವಣಿಗೆ ಮಾಡಿದ ಕಾಲೇಜಿನ ಆಡಳಿತ ಮಂಡಳಿ ವಿದ್ಯಾರ್ಥಿನಿಯ ಬಗ್ಗೆ ಹೆಮ್ಮೆ ಪಟ್ಟರು. ಜೊತೆಗೆ ಊರಿನ ಜನರೂ ಭಾಗಿಯಾಗಿದ್ದರು.

ಕುಮಾರಿ ವರ್ಷಾ ಈ ಬಾರಿ 98% ಅಂಕ ಪಡೆಯುವ ಮೂಲಕ ಜಿಲ್ಲೆಗೆ ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾಳೆ.

ಲಿಂಗಸ್ಗೂರಿನ ಉಮಾಮಹೇಶ್ವರಿ ಕಾಲೇಜು ವಿದ್ಯಾರ್ಥಿನಿಯಾಗಿರುವ ವರ್ಷಾ ಈ ವರ್ಷದ ದ್ವಿತೀಯ ಪಿಯುಸಿಯಲ್ಲಿ ಉತ್ತಮ ಸಾಧನೆ ಮಾಡಿದ್ದಾಳೆ.

ನಗರದ ಪ್ರಮುಖ ವೃತ್ತಗಳಲ್ಲಿ ತೆರೆದ‌ ವಾಹನದಲ್ಲಿ ವಿದ್ಯಾರ್ಥಿನಿ‌ ಮೆರವಣಿಗೆ ಮಾಡಲಾಗಿದೆ. ವರ್ಷಾ ಜೊತೆ ಈ ವರ್ಷ ವಿಜ್ಞಾನ ವಿಭಾಗದಲ್ಲಿ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳ‌ ಮೆರವಣಿಗೆ‌ ಮಾಡಲಾಗಿದೆ.

ಸಾರ್ವಜನಿಕರಿಂದ ಅಭಿನಂದನೆಗಳ ಮಹಾಪೂರ ಈ ವಿದ್ಯಾರ್ಥಿಗಳಿಗೆ ಹರಿದು ಬಂದಿದೆ. ಹಾರ ಹಾಕಿ ವಿದ್ಯಾರ್ಥಿಗಳನ್ನು ಮೆರವಣಿಗೆ ಮಾಡಿದ್ದಾರೆ.

ಈ ಬಾರಿ ಕರ್ನಾಟಕದ ದ್ವಿತೀಯ ಪಿಯುಸಿ ವಿದ್ಯಾರ್ಥಿಗಳ ಸಾಧನೆ ಶಿಕ್ಷಕರ ಹಾಗೂ ಪಾಲಕರ ಹೆಮ್ಮೆಗೆ ಕಾರಣವಾಗಿದೆ.