Life Saving Window: ಅಗ್ನಿ ಅವಘಡ ತಪ್ಪಿಸಲು ಲೈಫ್​​ ಸೇವಿಂಗ್​ ವಿಂಡೋ ತಯಾರಿಸಿದ ವಿದ್ಯಾರ್ಥಿ!

ಲೈಫ್ ಸೇವಿಂಗ್ ವಿಂಡೋ : ಪ್ರಾಥಮಿಕ ಶಾಲಾ ವಿದ್ಯಾರ್ಥಿ ರಚಿಸಿದ ಜೀವ ಉಳಿಸುವ ವಿಂಡೋ ಪರಿಕಲ್ಪನೆಯು ಎಲ್ಲರಿಗೂ ಇಷ್ಟವಾಗಿದೆ. ಈ ಜೀವ ಉಳಿಸುವ ಕಿಟಕಿಯು ಸಾಮಾನ್ಯವಾಗಿ ಕಾಣಿಸಬಹುದು ಆದರೆ ಇದರ ಬಳಕೆ ಮತ್ತು ಮಹತ್ವವನ್ನು ತಿಳಿದಾಗ ನಮಗೆ ಆಶ್ಚರ್ಯವಾಗುತ್ತದೆ.

ಮೆಟ್ರೋ ನಗರಗಳಲ್ಲಿ ಬಹುಮಹಡಿ ಕಟ್ಟಡಗಳಲ್ಲಿ ಬೆಂಕಿ ಅವಘಡಗಳು ಅನೇಕ ಜೀವಗಳನ್ನು ಅಪಾಯಕ್ಕೆ ತಳ್ಳುತ್ತವೆ. ಕೆಲವೊಮ್ಮೆ ಇಂತಹ ಅವಘಡಗಳಲ್ಲಿ ಎಷ್ಟೋ ಜೀವಗಳು ಬಲಿಯಾಗುತ್ತವೆ. ಗುಜರಾತಿನ ವಲ್ಸಾದ್‌ನ ಪ್ರಾಥಮಿಕ ಶಾಲೆಯಲ್ಲಿ ವಿದ್ಯಾರ್ಥಿ ಮತ್ತು ಶಿಕ್ಷಕರು ಅಭಿವೃದ್ಧಿಪಡಿಸಿದ ವಿಶಿಷ್ಟ ಜೀವರಕ್ಷಕ ಕಿಟಕಿ ವ್ಯವಸ್ಥೆಯು ಅಗ್ನಿ ಅವಘಡಗಳಲ್ಲಿ ಜೀವಹಾನಿಯನ್ನು ತಡೆಯಲು ಉಪಯುಕ್ತವಾಗಿದೆ.

ಈ ಲೈಫ್ ಸೇವಿಂಗ್ ವಿಂಡೋ ಭವಿಷ್ಯದಲ್ಲಿ ಬಹುಮಹಡಿ ಕಟ್ಟಡಗಳಲ್ಲಿ ಅಗ್ನಿ ಸುರಕ್ಷತಾ ವ್ಯವಸ್ಥೆಯ ಜೊತೆಗೆ ತುಂಬಾ ಉಪಯುಕ್ತವಾಗಲಿದೆ. ಈ ಕೃತಿ ಇದೀಗ ಜಿಲ್ಲಾ ಮಟ್ಟ, ರಾಜ್ಯ ಮಟ್ಟದ ಗಣಿತ ವಿಜ್ಞಾನ ಮೇಳದಲ್ಲಿ ಆಯ್ಕೆಯಾಗಿದೆ.

ವಲ್ಸಾದ್ ಜಿಲ್ಲೆ ಪಾರ್ಡಿ ತಾಲೂಕು ಚಿಕ್ಕ ಖೇರ್ಲಾವ್ ಗ್ರಾಮದಲ್ಲಿ ಸರಕಾರಿ ಪ್ರಾಥಮಿಕ ಶಾಲೆ ಇದೆ. ಇದರಲ್ಲಿ ಓದುತ್ತಿರುವ ವಿದ್ಯಾರ್ಥಿ ಜಯನ್ಸ್ ಮನೀಶ್ ಭಾಯ್ ಪಟೇಲ್ ಮತ್ತು ಶಾಲೆಯ ಗಣಿತ ಶಿಕ್ಷಕ ಚೇತನ್ ಪಟೇಲ್ ಅಭೂತಪೂರ್ವ ಪರಿಕಲ್ಪನೆಯನ್ನು ಮುಂದಿಟ್ಟಿದ್ದಾರೆ. ರಾಜ್ಯದಲ್ಲಿ ಶಿಕ್ಷಣ ಇಲಾಖೆ ಆಯೋಜಿಸಿದ್ದ ಗಣಿತ ವಿಜ್ಞಾನ ವಸ್ತುಪ್ರದರ್ಶನದಲ್ಲಿ ಈ ಕೃತಿಯನ್ನು ಪ್ರಸ್ತುತಪಡಿಸಲಾಗಿದೆ. ಈ ಕಾರ್ಯವು ಜಿಲ್ಲಾ ಮಟ್ಟದಿಂದ ರಾಜ್ಯ ಮತ್ತು ಈಗ ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾಗಿದೆ.

ಈ ಪರಿಕಲ್ಪನೆಯನ್ನು ಜೀವ ಉಳಿಸುವ ವಿಂಡೋ ಎಂದು ಕರೆಯಲಾಗುತ್ತದೆ. ಇದು ಸರಳವಾಗಿ ಕಾಣಿಸಬಹುದು ಆದರೆ ಅದರ ಬಳಕೆ ಮತ್ತು ಮಹತ್ವ ಅಪಾರವಾಗಿದೆ. ಏಕೆಂದರೆ ಇತ್ತೀಚಿನ ದಿನಗಳಲ್ಲಿ ಪ್ರತಿ ನಗರಗಳಲ್ಲಿಯೂ ಎತ್ತರದ ಕಟ್ಟಡಗಳು ನಿರ್ಮಾಣವಾಗುತ್ತಿವೆ.

ಎತ್ತರದ ಕಟ್ಟಡಗಳಲ್ಲಿ ಬೆಂಕಿ ಅವಘಡಗಳು ಆಗಾಗ ಸಂಭವಿಸುತ್ತಿವೆ. ಕೆಲವೊಮ್ಮೆ ಕಟ್ಟಡದಲ್ಲಿ ಅಳವಡಿಸಲಾಗಿರುವ ಅಗ್ನಿ ಸುರಕ್ಷತಾ ವ್ಯವಸ್ಥೆಯೂ ಕೆಲಸ ಮಾಡುವುದಿಲ್ಲ. ಕಟ್ಟಡದಲ್ಲಿ ಸಿಲುಕಿರುವವರನ್ನು ರಕ್ಷಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಅದನ್ನು ತಪ್ಪಿಸಲು ಈ ವಿಧಾನವನ್ನು ಬಳಸಬಹುದು.

ಈ ಜೀವ ಉಳಿಸುವ ಕಿಟಕಿ ಯೋಜನೆಯ ಮೂಲಕ ಜನರನ್ನು ಬೆಂಕಿಯ ಅಪಾಯಗಳಿಂದ ರಕ್ಷಿಸಬಹುದು. ಯಾರೂ ಸಹಾಯ ಮಾಡದಿದ್ದರೂ ಕಟ್ಟಡದಲ್ಲಿ ಸಿಲುಕಿರುವ ಜನರು ತಮ್ಮನ್ನು ತಾವು ರಕ್ಷಿಸಿಕೊಳ್ಳಬಹುದು. ಬೆಂಕಿ ಹೊತ್ತಿಕೊಂಡಾ ಹೊರಗಡೆಯಿಂದ ಏಣಿ ನಿರ್ಮಾಣವಾಗುವಂತೆ ಮಾಡಲಾಗಿದೆ.

ಕಟ್ಟಡಗಳಲ್ಲಿ ಜೀವ ಉಳಿಸುವ ಕಿಟಕಿಗಳನ್ನು ಕಡಿಮೆ ವೆಚ್ಚದಲ್ಲಿ ಸ್ಥಾಪಿಸಲಾಗಿದೆ. ಇದು ಸಂವೇದಕಕ್ಕೆ ಸಂಪರ್ಕ ಹೊಂದಿದೆ. ಕಟ್ಟಡದಲ್ಲಿ ಬೆಂಕಿ ಉಂಟಾದಾಗ ಈ ಸಂವೇದಕವನ್ನು ಸಕ್ರಿಯಗೊಳಿಸಲಾಗುತ್ತದೆ. ಆ ಸಮಯದಲ್ಲಿ ಕಿಟಕಿಯ ಸರಳುಗಳು ತೆರೆದುಕೊಂಡು ಏಣಿಯಾಗಿ ಬದಲಾಗುತ್ತದೆ.

ಕಟ್ಟಡಗಳಲ್ಲಿ ಸಿಕ್ಕಿಬಿದ್ದವರು ತಮ್ಮ ಪ್ರಾಣವನ್ನು ಉಳಿಸಿಕೊಳ್ಳಲು ಈ ಕಿಟಕಿಯ ಮೂಲಕ ಹೊರಬರಬಹುದು. ಹೀಗಾಗಿ ಬೆಂಕಿ ಅವಘಡಗಳ ಸಂದರ್ಭದಲ್ಲಿ ಇದು ಬಹಳ  ಉಪಯುತ್ತ ಎಂದು ಗುರುತಿಸಲಾಗಿದೆ.