Fire And Safety Course: ಹೀಗೂ ಒಂದು ಕೋರ್ಸ್​ ಇದೆ ಗೊತ್ತಾ? ಇಲ್ಲಿ ಏನೆಲ್ಲಾ ಕಲಿಬಹುದು ನೋಡಿ

ಎಷ್ಟೊಂದು ಹೊಸಾ ರೀತಿಯ ಕೋರ್ಸ್​ಗಳು ಆರಂಭವಾಗಿವೆ ಅಂದರೆ ಕೆಲವೊಂದು ಕೋರ್ಸ್​ಗಳ ಬಗ್ಗೆ ನೀವು ಕೇಳಿಯೂ ಇರೋದಿಲ್ಲ. ಇಲ್ಲಿ ಒಂದು ಕೋರ್ಸ್​ ಇದೆ ಇದರ ಹೆಸರು ಫೈರ್​ ಆ್ಯಂಡ್​ ಸೇಫ್ಟಿ ಕೋರ್ಸ್​ ಅಂತ ಈ ಕೋರ್ಸ್​ ಕುರಿತು ಇನ್ನಷ್ಟು ಮಾಹಿತಿಗಾಗಿ ಮುಂದೆ ಓದಿ.

ಈ ವಿಷಯಕ್ಕೆ ಸಂಬಂಧಿಸಿದ ಕೋರ್ಸ್​ ನೀವೂ ಮಾಡ್ಬಹುದು. ಕಾಲೇಜ್​ ಎಲ್ಲಿದೆ ಅಂತ ಅನುಮಾನ ಇದ್ದರೆ ಅದರ ಮಾಹಿತಿಯನ್ನೂ ಇಲ್ಲಿ ನೀಡಲಾಗಿದೆ. ಬೆಂಗಳೂರಿನಲ್ಲಿ ಈ ಕೋರ್ಸ್​ಗೆ ಸಂಬಂಧಿಸಿದ ಕಾಲೇಜ್ ಇದೆ.

ಒಂದು ವರ್ಷದ ಡಿಪ್ಲೋಮಾ ಕೋರ್ಸ್ ಅನ್ನು ನೀವು ಮಾಡಬಹುದು. ಎರಡು ವರ್ಷದ ಕೋರ್ಸ್ ಕೂಡಾ ಇದೆ. ನೀವು ಈ ಕೋರ್ಸ್​ ಸೇರಿಕೊಳ್ಳಲು ಬಯಸಿದರೆ ಕನಿಷ್ಠ ಹತ್ತನೇ ತರಗತಿ ಪಾಸ್​ ಆಗಿರಬೇಕು. ಕೋರ್ಸ್​ ಶುಲ್ಕ ಕೇವಲ 10 ಸಾವಿರದಿಂದ 15 ಸಾವಿರ ಇದೆ.

ಈ ಕೋರ್ಸ್ ಮಾಡಿದರೆ ಭರ್ಜರಿ ಉದ್ಯೋಗಾವಕಾಶವಿದೆ. ಸುರಕ್ಷತಾ ಮೇಲ್ವಿಚಾರಕ, ಬೋಧಕ, ತರಬೇತುದಾರ, ಸುರಕ್ಷತಾ ಅಧಿಕಾರಿ, ಸುರಕ್ಷತಾ ಸಲಹೆಗಾರ, ಅಗ್ನಿಶಾಮಕ ಸಿಬ್ಬಂದಿ, ಹೀಗೆ ಹಲವಾರು ಉದ್ಯೋಗ ಇಲ್ಲಿ ಲಭ್ಯವಿರುತ್ತದೆ.

ಬೆಂಗಳೂರಿನ ಅಗ್ನಿಶಾಮಕ ಮತ್ತು ಸುರಕ್ಷತೆ ಕೋರ್ಸ್ ಮಾಡುವವರಿಗೆ ಬೆಂಕಿಯ ಅಪಾಯಗಳು, ತಡೆಗಟ್ಟುವ ಕ್ರಮಗಳು, ಅಪಾಯಗಳನ್ನು ಗುರುತಿಸುವ ಕಾರ್ಯವಿಧಾನಗಳು, ಸುರಕ್ಷಿತ ಅಭ್ಯಾಸ, ನಿಯಮಗಳು ಮತ್ತು ಸ್ಥಳಾಂತರಿಸುವ ವ್ಯವಸ್ಥೆ ಬಗ್ಗೆ ಕಲಿಸಲಾಗುತ್ತದೆ.

ಎಲ್ಲಾ ರೀತಿಯ ಕೈಗಾರಿಕೆಗಳಿಗೆ ಅಗ್ನಿಶಾಮಕ ಮತ್ತು ಸುರಕ್ಷತೆ ತರಬೇತಿ ಮುಖ್ಯವಾಗಿರುತ್ತದೆ. ಬೆಂಗಳೂರಿನಲ್ಲಿ ಅಗ್ನಿಶಾಮಕ ಮತ್ತು ಸುರಕ್ಷತಾ ಕೋರ್ಸ್ ಮಾಡಿದವರಿಗೆ ಉದ್ಯೋಗವು ಸುಲಭವಾಗಿ ದೊರೆಯುತ್ತದೆ.

ದೊಡ್ಡ ಕಟ್ಟಡಗಳಲ್ಲಿ ಅಗ್ನಿ ಅವಘಡಗಳು ಸಂಭವಿಸದಂತೆ ನೋಡಿಕೊಳ್ಳುವ ಮತ್ತು ಪರಿಶೀಲಿಸುವ ಹುದ್ದೆ ಇವರಿಗಿರುತ್ತದೆ. ನೀವೂ ಆಸಕ್ತಿ ಇದ್ದರೆ ಈ ಕೋರ್ಸ್​ ಮಾಡಿ.