Education News: ಪ್ರಶ್ನೆ ಪತ್ರಿಕೆಯಲ್ಲೇ ತಪ್ಪು! ಇನ್ನು ವಿದ್ಯಾರ್ಥಿಗಳ ಉತ್ತರದ ಗತಿ?

ಬೆಂಗಳೂರು: ಬುಧವಾರ ನಡೆದ ಪರಿಸರ ವಿಜ್ಞಾನದ (ಇಂಗ್ಲಿಷ್ ಮಾಧ್ಯಮ) 5 ನೇ ತರಗತಿಯ ಸಾಮಾನ್ಯ ಮೌಲ್ಯಮಾಪನ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ ಪ್ರಶ್ನೆಯಲ್ಲೇ ತಪ್ಪು ಕಂಡುಬಂದಿದೆ.

ಪ್ರಶ್ನೆ ಪತ್ರಿಕೆಗಳಲ್ಲಿ ಅಕ್ಷರ ಲೋಪಗಳಿರುವುದು ತಿಳಿದು ಬಂದಿದೆ.ಕಾಗುಣಿತ ದೋಷಗಳು, ವ್ಯಾಕರಣ ದೋಷಗಳು ಮತ್ತು ದ್ವಂದ್ವಾರ್ಥದ ವಾಕ್ಯಗಳನ್ನು ಪ್ರಶ್ನೆ ಪತ್ರಿಕೆಯಲ್ಲಿ ಗುರುತಿಸಲಾಗಿದ್ದು, ಶಿಕ್ಷಣ ಇಲಾಖೆಯ ಪ್ರಶ್ನೆ ಪತ್ರಿಕೆಗಳನ್ನು ಸಿದ್ಧಪಡಿಸುವ ಮತ್ತು ನೀಡುತ್ತಿರುವ ಶಿಕ್ಷಣದ ಗುಣಮಟ್ಟದ ಕೊರತೆ ಎದ್ದು ಕಾಣುತ್ತಿದೆ.

ಪ್ರಶ್ನೆ ಪತ್ರಿಕೆಯಲ್ಲಿ ಈ ರೀತಿಯಾಗಿರುವುದು ಹಾಸ್ಯಾಸ್ಪದವಾಗಿದೆ. ಪ್ರಶ್ನೆ ಪತ್ರಿಕೆ ಹೊಂದಿಸುವವರಿಗೆ ಅಥವಾ ಪರೀಕ್ಷಕರಿಗೆ ವಿಷಯ ಮತ್ತು ಪತ್ರಿಕೆಯನ್ನು ಹೊಂದಿಸುವ ಭಾಷೆಯಲ್ಲಿ ಪರಿಣತಿ ಇರಬೇಕು.

ಕಾಗುಣಿತ ದೋಷಗಳು, ವ್ಯಾಕರಣ ದೋಷಗಳು ವಿದ್ಯಾರ್ಥಿಗಳ ಉತ್ತರ ಪತ್ರಿಕೆಯಲ್ಲಿ ಇರಬಾರದು ಎನ್ನುವ ಶಿಕ್ಷಕರೇ ಪ್ರಶ್ನೆ ಪತ್ರಿಕೆಯಲ್ಲಿ ಈ ರೀತಿ ತಪ್ಪು ಮಾಡಿದರೆ ಹೇಗೆ ಎಂಬ ಪ್ರಶ್ನೆ ಮೂಡುತ್ತಿದೆ.

ಶಿಕ್ಷಕರು ಭಾಷೆಯಲ್ಲಿ ಪ್ರವೀಣರಾಗಿದ್ದರೆ ಮಾತ್ರ ಅವರು ವಿಷಯವನ್ನು ಕಲಿಸಲು ಸಾಧ್ಯವಾಗುತ್ತದೆ. ಇಲ್ಲವಾದರೆ ಮಕ್ಕಳ ಭವಿಷ್ಯ ಹಾಳಾಗುತ್ತದೆ ಎಂದು ಪಾಲಕರು ಹೇಳಿದ್ದಾರೆ.

ಕನಿಷ್ಠವೆಂದರೂ ನಾಲ್ಕು ಪ್ರಶ್ನೆಗಳನ್ನು ಪದಗಳ ನಡುವೆ ಜಾಗವಿಲ್ಲದೆ ಮುದ್ರಿಸಲಾಗಿದೆ. ಪ್ರಿಂಟರ್  ಸಮಸ್ಯೆ ಎಂದು ಹೇಳಲಾಗುತ್ತಿದೆ. 

ಕಳಪೆ ಗುಣಮಟ್ಟವನ್ನು ಬಿಡಿ, ಪ್ರಶ್ನೆಗಳು ತಮ್ಮ ಉದ್ದೇಶವನ್ನು ಸಹ ಸರಿಯಾಗಿ ಇಲ್ಲಿ ತಿಳಿಯದಂತೆ  ಪ್ರಶ್ನೆಗಳನ್ನು ನೀಡಿದ್ದೀರಿ ಎಂದು ತಜ್ಞರು ಹೇಳಿದ್ದಾರೆ.