Animation Course: ಅನಿಮೇಷನ್​ ಕೋರ್ಸ್​ ಮಾಡಲು ಆಸಕ್ತಿ ಇದೆಯಾ? ಹಾಗಾದ್ರೆ ಈ ವಿಷಯ ತಿಳಿದುಕೊಳ್ಳಿ

ಅನಿಮೇಷನ್ ಎನ್ನುವುದು ಒಂದು ರೀತಿಯ ಪ್ರಕ್ರಿಯೆಯಾಗಿದ್ದು, ಇದರಲ್ಲಿ ವಿನ್ಯಾಸ, ರೇಖಾಚಿತ್ರ, ಲೇಔಟ್‌ಗಳನ್ನು ತಯಾರಿಸುವುದು ಮತ್ತು ಛಾಯಾಗ್ರಹಣದ ಕುರಿತು ವಿಷಯದ ಕಲಿಕೆ ಇರುತ್ತದೆ.

ಅನಿಮೇಷನ್ ಎನ್ನುವುದು ಚಲಿಸುವ ಚಿತ್ರಗಳನ್ನು ಸೂಚಿಸುತ್ತದೆ. ಕಾರ್ಟೂನ್​ಗಳನ್ನು ತಯಾರಿಸುವ ಕೆಲಸ ಇವರದ್ದಾಗಿರುತ್ತದೆ, ಅದನ್ನೇ ಕಲಿಸಿಕೊಡಲಾಗುತ್ತದೆ. ಆದ್ದರಿಂದ ಅನಿಮೇಷನ್ ಕ್ಷೇತ್ರವು ಎಲ್ಲಾ ವಿದ್ಯಾರ್ಥಿಗಳಿಗೆ ಸಹಾಯವಾಗುತ್ತದೆ ಮತ್ತು ಭವಿಷ್ಯ ರೂಪಿಸಿಕೊಳ್ಳುವಲ್ಲಿ ಉತ್ತಮ ಉದ್ಯೋಗ ಕೂಡಾ ಇದರಿಂದ ಸಿಗುತ್ತದೆ.

ಗಣಿತದ ಸಮಸ್ಯೆಯನ್ನು ಪೆನ್ ಮತ್ತು ಪೇಪರ್‌ನಲ್ಲಿ ವಿವರಿಸಿದರೆ ಬಹುಶಃ ಮಗುವಿಗೆ ಅದನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗದೇ ಇರಬಹುದು ಆದರೆ ಅಂತಹ ಸಂದರ್ಭದಲ್ಲಿ ಅನಿಮೇಷನ್​ ಮೂಲಕ ಮಕ್ಕಳಿಗೆ ಅದನ್ನು ಅರ್ಥಮಾಡಿಸಬಹುದು.

ಕರ್ನಾಟಕದ ಕೆಲವು ಕಾಲೇಜುಗಳಲ್ಲಿ ಅನಿಮೇಷನ್​ ಕೊರ್ಸ್​ ಇದೆ. ನೀವು ಆಸಕ್ತಿ ಹೊಂದಿದ್ದರೆ ಖಂಡಿತ ಅಪ್ಲೈ ಮಾಡಿ ಈ ಕೋರ್ಸ್​​ಗೆ ಸೇರಿಸಿಕೊಳ್ಳಬಹುದು. ಬಹುತೇಕ ಈಗ ಎಲ್ಲಾ ಕ್ಷೇತ್ರವೂ ಡಿಜಿಟೈಸ್ ಆಗುತ್ತಿವೆ.

ಸ್ಟಿಲ್ ಚಿತ್ರಗಳನ್ನು ಚಲಿಸುವಂತೆ ಮಾಡಲಾಗುತ್ತದೆ. ನಿರಂತರವಾಗಿ ನಾವು ಈ ಸ್ಥಿರ ಚಿತ್ರಗಳನ್ನು ನೋಡಿದಾಗ ಅದು ಕೆಲವೊಮ್ಮೆ ಚಲಿಸುವಂತೆ ಭಾಸವಾಗುತ್ತದೆ ಅದೇ ರೀತಿ ಕಂಪ್ಯೂಟರ್​ ಮೂಲಕ ಚಿತ್ರಗಳನ್ನು ಚಲಿಸುವಂತೆ ಮಾಡುವುದೇ ಅನಿಮೇಷನ್ ಆಗಿರುತ್ತದೆ.

ಅನಿಮೇಷನ್, ಗ್ರಾಫಿಕ್ಸ್ ಮತ್ತು ಮಲ್ಟಿಮೀಡಿಯಾಗಳು ತಮ್ಮ ಕ್ಷೇತ್ರದಲ್ಲಿ ಸಾಕಷ್ಟು ಪ್ರಗತಿಯನ್ನು ಸಾಧಿಸಿವೆ. ಉದಾಹರಣೆಗೆ, ದೂರದರ್ಶನ ಜಾಹೀರಾತುಗಳು, ಕಾರ್ಟೂನ್ ಧಾರಾವಾಹಿಗಳು ಮತ್ತು ಇತರ ಕ್ಷೇತ್ರದಲ್ಲಿ ಇದು ತನ್ನ ಸ್ಥಾನವನ್ನು ಉಳಿಸಿಕೊಂಡಿದೆ.

ಹಲವಾರು ರೀತಿಯ ಅನಿಮೇಷನ್ಗಳಿವೆ. ತ್ರೀಡಿ ಅನಿಮೇಷನ್​ ಇತ್ತೀಚಿನ ದಿನದಲ್ಲಿ ಹೆಚ್ಚಿನ ಪ್ರಾಮುಖ್ಯತೆ ಹೊಂದಿರುವ ಕ್ಷೇತ್ರವಾಗಿ ಬೆಳೆಯುತ್ತಿದೆ. ಉದ್ಯೋಗಾವಕಾಶ ಕೂಡಾ ಅಷ್ಟೇ ವಿಸ್ತಾರವಾಗಿದೆ.

ಗ್ರಾಫಿಕ್ಸ್ ಡಿಜಿಟಲ್ ಕೊರ್ಸ್​ ಕೂಡಾ ಒಂದು ಉತ್ತಮ ಅವಕಾಶವಾಗಿದೆ. ಕಂಪ್ಯೂಟರ್ ಅನಿಮೇಷನ್ ತಂತ್ರಜ್ಞಾನ ತುಂಬಾ ಮುಂದುವರಿದಿದೆ. ಮಲ್ಟಿಮಿಡಿಯಾ ಟ್ರೇನಿಂಗ್​ ಇನ್ಸ್ಟಿಟ್ಯೂಟ್​ ಆಫ್​ ಇಂಡಿಯಾದಲ್ಲಿ ನೀವು ಈ ಕೋರ್ಸ್​ ಮಾಡಬಹುದು.