Chamarajanagar: ಮಕ್ಕಳನ್ನು ಶಾಲೆಗೆ ಕಳಿಸಿ ಇಲ್ಲದಿದ್ದರೆ ಸಮುದಾಯದಿಂದ ಹೊರಗಿರಿ! ಮುಖಂಡರ ಖಡಕ್ ಎಚ್ಚರಿಕೆ

ಶಾಲೆಗೆ ಮಕ್ಕಳನ್ನು ಕಳಿಸದ ಕುಟುಂಬಗಳಿಗೆ ಆ ಸಮುದಾಯವೇ ಖಡಕ್ ಎಚ್ಚರಿಕೆ ವಿಧಿಸಿದ ವಿದ್ಯಮಾನವೊಂದು‌‌ ನಡೆದಿದೆ. ಹೌದು, ಇಂತಹ ಅಪರೂಪದ ಘಟನೆಗೆ ಚಾಮರಾಜನಗರ ಸಾಕ್ಷಿಯಾಗಿದೆ. (ಸಾಂದರ್ಭಿಕ ಚಿತ್ರ)

ನೀವು ನಿಮ್ಮ ಮಕ್ಕಳನ್ನು ಶಾಲೆಗೆ ಕಳುಹಿಸಿಕೊಡಿ, ಇಲ್ಲದಿದ್ದರೆ ನಮ್ಮ ಸಮುದಾಯದಿಂದಲೇ ದೂರ ಉಳಿಯಿರಿ ಎಂದು ಸಮುದಾಯವೊಂದರ ಮುಖಂಡರು ಖಡಕ್ ಎಚ್ಚರಿಕೆ ರವಾನಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇಂತಹ ಎಚ್ಚರಿಕೆಯೊಂದನ್ನು ಚಾಮರಾಜನಗರ ಜಿಲ್ಲೆಯ ಉಪ್ಪಾರ ಸಮುದಾಯದ ಹಲವರಿಗೆ ಅದೇ ಸಮುದಾಯದ ಪ್ರಮುಖ  ನಾಯಕರು ರವಾನಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇಂತಹ ಎಚ್ಚರಿಕೆ ವಿಧಿಸಲು ಪ್ರಮುಖ ಕಾರಣವಿದೆ. ಹೌದು, ಚಾಮರಾಜನಗರ ಜಿಲ್ಲೆಯಲ್ಲಿ ವಿದ್ಯಾರ್ಥಿಗಳು ಶಾಲೆಯಿಂದ ದೂರ ಉಳಿದಿರುವುದೇ ಈ ಸಂದೇಶ ರವಾನೆಯ ಹಿಂದಿನ ಕಾರಣ. (ಸಾಂದರ್ಭಿಕ ಚಿತ್ರ)

ಅಂದಹಾಗೆ ಚಾಮರಾಜನಗರ ಜಿಲ್ಲೆಯಲ್ಲಿ 158 ಉಪ್ಪಾರ ಸಮಾಜದ ಮಕ್ಕಳು ಶಾಲೆಯಿಂದ ಹೊರಗುಳಿದಿದ್ದಾರೆ. ಈ ವಿದ್ಯಾರ್ಥಿಗಳ‌ ಭವಿಷ್ಯಕ್ಕಾಗಿ ಸಮುದಾಯದ ಮುಖಂಡರು ಕ್ರಮ ವಹಿಸುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)

ಉಪ್ಪಾರ ಸಮಾಜದ ಕೆಲವು ಕುಟುಂಬಗಳು ಇಂದಿಗೂ ಬಾಲ್ಯ ವಿವಾಹ, ಸಾಮಾಜಿಕ ಕಟ್ಟುಪಾಡುಗಳನ್ನು ಅನುಸರಿಸಿ ಮಕ್ಕಳನ್ನು ಶಾಲೆಗೆ ಕಳಿಸುತ್ತಿಲ್ಲ.  (ಸಾಂದರ್ಭಿಕ ಚಿತ್ರ)

ಈ ಕಾರಣಗಳಿಂದ ಉಪ್ಪಾರ ಸಮಾಜದ 148 ಮಕ್ಕಳು ಶಿಕ್ಷಣದಿಂದ ವಂಚಿತರಾಗುತ್ತಿದ್ದಾರೆ. ಅಲ್ಲದೇ, ಇಡೀ ಚಾಮರಾಜನಗರ ಜಿಲ್ಲೆಯಲ್ಲಿ 634 ವಿದ್ಯಾರ್ಥಿಗಳು ಶಾಲೆಯಿಂದ ದೂರವೇ ಇದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ. (ಸಾಂದರ್ಭಿಕ ಚಿತ್ರ)