Shocking News: ಬೆಂಗಳೂರಿನ ಈ ಶಾಲೆಗೆ ಬಾಂಬ್​ ಬೆದರಿಕೆಯ ಸಂದೇಶ; ಆತಂಕದಲ್ಲಿ ಆಡಳಿತ ಮಂಡಳಿ

ಶಾಲೆಗಳಲ್ಲಿ ಬಾಂಬ್​ ದಾಳಿ ದಿನೇ ದಿನೇ ಹೆಚ್ಚುತ್ತಿದೆ. ಆತಂಕ ಸೃಷ್ಟಿಯಾಗುತ್ತಿದೆ. ಪ್ರತಿ ವರ್ಷವೂ ಒಂದಲ್ಲಾ ಒಂದು ಶಾಲೆಗಳಲ್ಲಿ ಈ ರೀತಿ ಬೆದರಿಕೆಯ ಬಗ್ಗೆ ಕೇಳಿರುತ್ತೀರಿ.

ಇಂದು ಅಂದರೆ ಮೇ 9 ರಂದು ಬೆಂಗಳೂರಿನ ಶಾಲೆಯೊಂದರಲ್ಲಿ ಬಾಂಬ್​ ಇರುವುದಾಗಿ ಮಾಹಿತಿ ಲಭ್ಯವಾಗಿದೆ. ಇದರಿಂದ ಶಾಲಾ ಆಡಳಿತ ಮಂಡಳಿ ಆತಂಕ ವ್ಯಕ್ತಪಡಿಸಿದೆ.

ಆತಂಕಕಾರಿ ಹಾಗೂ ಭಯದ ವಾತಾವರಣ ಹೆಬ್ಬಗೋಡು ಶಾಲೆಯಲ್ಲಿ ಸೃಷ್ಟಿಯಾಗಿದೆ. ಇಲ್ಲಿ ಬಾಂಬ್​ ಇರುವುದರ ಕುರಿತು ಮಾಹಿತಿ ಹೇಗೆ ಲಭ್ಯವಾಗಿದೆ ಎನ್ನುವುದು ಕೂಡಾ ಒಂದು ಕುತೂಹಲಕಾರಿ ವಿಚಾರ.

ಶಾಲೆಯಲ್ಲಿ ಬಾಂಬ್​ ಇದೆ ಎನ್ನುವ ಮಾಹಿತಿ ಇ-ಮೇಲ್ ಮೂಲಕ ಶಾಲೆಗೆ ಅಧಿಕೃತ ಮಾಹಿತಿಯನ್ನು ನೀಡಿದ್ದಾರೆ ಎಂದು ವರದಿಯಾಗಿದೆ.

ಶಾಲೆಯಲ್ಲಿ ಮುನ್ನೆಚ್ಚರಿಕೆ ಕ್ರಮವಾಗಿ ಎಲ್ಲೆಡೆ ಪರಿಶೀಲನೆ ನಡೆಸಲಾಗುತ್ತಿದೆ. ಕೆಲ ತಿಂಗಳ ಹಿಂದೆಯೂ ಇದೇ ರೀತಿ ಮೇಲ್ ಬಂದಿತ್ತು ಎಂದು ಹೇಳಲಾಗಿದೆ.

ನಗರದ ಸೂಳಕುಂಟೆ ಬಳಿಯ ಡೆಲ್ಲಿ ಪಬ್ಲಿಕ್ ಶಾಲೆ ಮೇಲೂ ಬಂಬ್ ಬೆದರಿಕೆ ನೀಡಲಾಗಿತ್ತು. ಇದು ಹಿಂದಿನ ವರ್ಷ ನಡೆದ ಘಟನೆ ಇದೇ ಸಂದರ್ಭದಲ್ಲಿ ಇನ್ನೂ ಆರು ಶಾಲೆಗಳಿಗೆ ಈ ರೀತಿ ಬೆದರಿಕೆ ನೀಡಲಾಗಿತ್ತು.

ಪೊಲೀಸರ ಪ್ರಾಥಮಿಕ ತನಿಖೆ ವೇಳೆ ಹುಸಿ ಬೆದರಿಕೆ ಎಂಬುದು ಪತ್ತೆ. ಬೆದರಿಕೆ ಇಮೇಲ್ ಮಾಡಿದವರ ಪತ್ತೆಗೆ ಪೊಲೀಸರು ಮುಂದಾಗಿದ್ದಾರೆ.