Educational Cartoon: ನಿಮ್ಮ ಮಕ್ಕಳು ಓದೋದೆ ಇಲ್ವಾ? ಹಾಗಾದ್ರೆ ಈ ಕಾರ್ಟೂನ್ಸ್​​ ತೋರಿಸಿ

ಮಕ್ಕಳು ಕಾರ್ಟೂನ್‌ಗಳನ್ನು ಇಷ್ಟಪಡುತ್ತಾರೆ. ಆದರೆ ಪಾಲಕರಿಗೆ ಈ ಬಗ್ಗೆ ತುಂಬಾ ಆತಂಕ ಆಗುತ್ತದೆ. ಇದು ಮಕ್ಕಳ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರಿದರೆ ಏನು ಮಾಡುವುದು ಎಂಬ ಆಲೋಚನೆಯಲ್ಲಿ ಪಾಲಕರು ಮುಳುಗಿರುತ್ತಾರೆ.

ಆದರೆ ಮಕ್ಕಳು ಹಠ ಮಾಡಿಯಾದರೂ ಕಾರ್ಟೂನ್​ ನೋಡುತ್ತಾರೆ. ಇಂತಹ ಸಂದರ್ಭದಲ್ಲಿ ನೀವು ಮಾಡಬೇಕಾಗಿದ್ದು ಇಷ್ಟೇ ಉತ್ತಮ ಶಿಕ್ಷಣ ನೀಡುವ ಕಾರ್ಟೂನ್​ ಹಚ್ಚಿ ಕೊಡಿ. ಇದರಿಂದ ನಿಮ್ಮ ಮಕ್ಕಳೇ ಹೆಚ್ಚಿನ ತಿಳುವಳಿಕೆ ಪಡೆಯುತ್ತಾರೆ.

ಮಕ್ಕಳು ಮಾತ್ರವಲ್ಲ ದೊಡ್ಡವರಿಗೂ ಕೆಲವೊಂದು ಕಾರ್ಟೂನ್​ ತುಂಬಾ ಇಷ್ಟವಾಗುತ್ತದೆ. Messy Goes to Okido ಎಂಬ ಕಾರ್ಟೂನ್​ ಇದೆ. ಇದು ವಿಜ್ಷಾನದ ಬಗ್ಗೆ ಮಕ್ಕಳಿಗೆ ತಿಳುವಳಿಕೆ ನೀಡುತ್ತದೆ ಇದನ್ನು ನಿಮ್ಮ ಮಕ್ಕಳಿಗೆ ತೋರಿಸಿ.

SUPERWHY ಇದು ಇನ್ನೊಂದು ಕಾರ್ಟೂನ್​ ಇದರಲ್ಲಿ ಮಕ್ಕಳಿಗೆ ಓದುವ ಕೌಶಲ್ಯ ಬೆಳೆಸುವ ಅಂಶಗಳಿರುತ್ತದೆ. ಮಕ್ಕಳಿಗೆ ವರ್ಣಮಾಲೆಯ ಬಗ್ಗೆ ಇದರಲ್ಲಿ ಹೇಳಿಕೊಡಲಾಗುತ್ತದೆ.

Word World ಪದಗಳನ್ನು ನಿರ್ಮಿಸುವ ಮತ್ತು ಮಕ್ಕಳಲ್ಲಿ ಓದುವ ಕೌಶಲ್ಯವನ್ನು ಹೆಚ್ಚಿಸುವ ಮತ್ತೊಂದು ಕಾರ್ಟೂನ್​ ಇದಾಗಿದೆ. ಒಗಟುಗಳನ್ನು ಪರಿಹರಿಸಲು ಮಕ್ಕಳಿಗೆ ಸವಾಲುಗಳನ್ನು ಮತ್ತು ಅದಕ್ಕೆ ಸರಿಯಾದ ಉತ್ತರವನ್ನು ಇದರಲ್ಲಿ ನೀಡಲಾಗುತ್ತದೆ.

ಟೀಮ್ umizoomi ಶಾಲೆಗೆ ಹೋಗದ ಮಕ್ಕಳಿಗೆ ತುಂಬಾ ಇಷ್ಟವಾಗುವ ಕಾರ್ಟೂನ್ ಆಗಿದೆ. ತುಂಬಾ ಚಿಕ್ಕಮಕ್ಕಳು ಇದನ್ನು ಇಷ್ಟಪಟ್ಟು ಕಲಿಯುತ್ತಾರೆ. ಇದನ್ನೂ ನಿಮ್ಮ ಮಕ್ಕಳಿಗೆ ತೋರಿಸಬಹುದು.

Number black ಇದು ಮಕ್ಕಳಿಗೆ ಗಣಿತದ ಬಗ್ಗೆ ಕಲಿಸಿಕೊಡುವ ಕಾರ್ಟೂನ್ . ಮಕ್ಕಳು ಹೆಚ್ಚಾಗಿ ಇದರಲ್ಲಿನ ಆಟವನ್ನು ಇಷ್ಟಪಡುತ್ತಾರೆ. ಈ ಮೇಲೆ ಹೇಳಿದ ಕಾರ್ಟೂನ್​ಗಳನ್ನು ನಿಮ್ಮ ಮಕ್ಕಳು ನೋಡಿದರೆ ಅವರ ಬುದ್ದಿ ಚುರುಕಾಗುತ್ತದೆ.