AIIMS: ವೈದ್ಯಕೀಯ ಶಿಕ್ಷಣದ ಭವಿಷ್ಯಕ್ಕಾಗಿ ಹೊಸ ತಂತ್ರ!

ದೆಹಲಿಯ ಆಲ್ ಇಂಡಿಯಾ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (ಎಐಐಎಂಎಸ್) ನಡೆಸಿದ ಇತ್ತೀಚಿನ ಅಧ್ಯಯನವು ಭಾರತದಲ್ಲಿ ವೈದ್ಯಕೀಯ ಶಿಕ್ಷಣಕ್ಕೆ ಹೈಬ್ರಿಡ್ ಆಗಬೇಕು ಎಂದು ತಿಳಿಸಲಾಗಿದೆ. 

ವರ್ಚುವಲ್ ಗುಂಪು ಚರ್ಚೆ (sVGD) ವಿದ್ಯಾರ್ಥಿಗಳಿಗೆ ಅತಿ ಅಗತ್ಯ ಸಂವಾದ ಮಾಡುತ್ತಾ ಅನಿಸಿಕೆಗಳನ್ನು ಹಂಚಿಕೊಳ್ಳುತ್ತಾ ಕಲಿತರೆ ಹೆಚ್ಚು ಪ್ರಭಾವಿಯಾಗಿರುತ್ತದೆ. 

ಪದವಿಪೂರ್ವ ಮತ್ತು ಸ್ನಾತಕೋತ್ತರ ವಿದ್ಯಾರ್ಥಿಗಳಿಗೆ ಸಣ್ಣ-ಗುಂಪುಗಳನ್ನು ಮಾಡಿಕೊಂಡು ಅವರವರ ನಡುವೆಯೇ ಕಲಿಕೆ ಆರಂಭವಾದರೆ ಬೇಗ ಅರ್ಥೈಸಿಕೊಳ್ಳಲು ಸಹಾಯವಾಗುತ್ತದೆ. 

ಸಾಂಕ್ರಾಮಿಕ ರೋಗವು ವಿದ್ಯಾರ್ಥಿಗಳಿಗೆ ಸವಾಲುಗಳನ್ನು ಒಡ್ಡಿತು, ವಿಶೇಷವಾಗಿ ವೈದ್ಯಕೀಯ ಶಿಕ್ಷಣ ಪಡೆಯುತ್ತಿದ್ದ ವಿದ್ಯಾರ್ಥಿಗಳೇ ಹೆಚ್ಚಿನ ಸವಾಲನ್ನು ಎದುರಿಸಿದ್ದಾರೆ. 

ಪರಿಣಾಮಕಾರಿ ಶೈಕ್ಷಣಿಕ ಕಲಿಕೆಯನ್ನು ಉತ್ತೇಜಿಸಲು ನವೀನ ವಿಧಾನಗಳನ್ನು ಅಳವಡಿಸಿಕೊಳ್ಳಬೇಕಾಯಿತು. ನಂತರದ ದಿನಗಳಲ್ಲೂ ಹೊಸ ರೀತಿಯ ಶಿಕ್ಷಣವೇ ವಿದ್ಯಾರ್ಥಿಗಳ ಕೈಹಿಡಿಯಿತು. 

sVGD ವಿಧಾನವು ವೈದ್ಯಕೀಯ ಶಿಕ್ಷಣದಲ್ಲಿ ಒಂದು ನವೀನ ತಂತ್ರವಾಗಿದೆ. ಇದು ವಿದ್ಯಾರ್ಥಿಗಳ ಸಕ್ರಿಯ ತೊಡಗಿಸಿಕೊಳ್ಳುವಿಕೆಗೆ ಕಾರಣವಾಗುವ ಸಂಗತಿಯಾಗಿದೆ. 

ಡಾ ಸಿಮ್ರಾನ್ ಕೌರ್, ಡಾ ದಿನು ಎಸ್ ಚಂದ್ರನ್, ಡಾ ಮೇಘಾ ಬೀರ್ ಮತ್ತು ಪ್ರೊಫೆಸರ್ ಕೆಕೆ ದೀಪಕ್ ಅವರು ನಡೆಸಿದ ಕೋವಿಡ್ -19 ನಡುವೆ ವರ್ಚುವಲ್ ವರ್ಸಸ್ ಮುಖಾಮುಖಿ ಎಂಬ ಸಂಶೋಧನೆಯಲ್ಲಿ ನವೀನ ತಂತ್ರ ಅಳವಡಿಸಿಕೊಳ್ಳಬೇಕು ಎಂದು ಹೇಳಲಾಗಿದೆ.