Affordable Education: ವಿದೇಶದಲ್ಲಿ ವಿದ್ಯಾಭ್ಯಾಸ ಈಗ ದುಬಾರಿ ಅಲ್ಲವೇ ಅಲ್ಲ: ಈ 5 ದೇಶಗಳನ್ನು ಆಯ್ಕೆ ಮಾಡಿ ಸಾಕು

ವಿದೇಶದಲ್ಲಿ ವಿದ್ಯಾಭ್ಯಾಸ ಅಂದೊಡನೆ ದುಬಾರಿಯಾಗಿಲೇಬೇಕು ಅಂತೇನು ಇಲ್ಲ. ಕಡಿಮೆ ಹಣದಲ್ಲಿ ವಿದೇಶಕ್ಕೆ ತೆರಳಿ ಒಳ್ಳೆಯ ಶಿಕ್ಷಣವನ್ನು ಪಡೆದುಕೊಂಡು ಬರಬಹುದು. ವಿಶ್ವದ ಇತರೆ ದೇಶಗಳಿಗೆ ಹೋಲಿಸಿದರೆ ಈ 5 ದೇಶಗಳಲ್ಲಿ ಕಡಿಮೆ ದರದಲ್ಲಿ ಉನ್ನತ ಶಿಕ್ಷಣವನ್ನು ಪಡೆಯಬಹುದು. ಅವುಗಳ ಬಗ್ಗೆ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ.

ಜರ್ಮನ್: ಜರ್ಮನ್ ದೇಶದಲ್ಲಿ ವಿದ್ಯಾರ್ಥಿಗಳಿಗೆ ಯಾವುದೇ ಬೋಧನಾ ಶುಲ್ಕವನ್ನು ವಿಧಿಸಲಾಗುವುದಿಲ್ಲ. ಇದರಿಂದ ಶಿಕ್ಷಣ ವೆಚ್ಚ ತುಂಬಾನೇ ಕಡಿಮೆ ಆಗುತ್ತದೆ. ವಾರ್ಷಿಕವಾಗಿ ಕೇವಲ 3,800 ರೂ. ಆಡಳಿತ ಶುಲ್ಕವನ್ನು ಪಾವತಿಸಬೇಕು. ಭಾರತೀಯ ವಿದ್ಯಾರ್ಥಿಗಳು ಇಲ್ಲಿ ಅಧ್ಯಯನ ಮಾಡಲು ವಿದ್ಯಾರ್ಥಿ ವೀಸಾವನ್ನು ಸುಲಭವಾಗಿ ಪಡೆಯಬಹುದು.

ಫ್ರಾನ್ಸ್: ಒಬ್ಬ ಭಾರತೀಯ ವಿದ್ಯಾರ್ಥಿ ಈ ದೇಶದಲ್ಲಿ ಓದಲು ಬಯಸಿದರೆ, ಹೆಚ್ಚು ಹಣ ಖರ್ಚು ಮಾಡುವ ಅಗತ್ಯವಿಲ್ಲ. ವಿದ್ಯಾಭ್ಯಾಸ ಮುಗಿದ ನಂತರ ಇಲ್ಲಿಯೇ ಉದ್ಯೋಗವೂ ಸಿಗುತ್ತದೆ. ಇಲ್ಲಿ ವಾಸಿಸುವುದರ ಜೊತೆಗೆ, ನಿಮ್ಮ ವ್ಯಾಸಂಗಕ್ಕೆ ವಾರ್ಷಿಕ ಸುಮಾರು ರೂ.4 ಲಕ್ಷ ವೆಚ್ಚವಾಗಬಹುದು.

ಪೋಲೆಂಡ್: ಈ ದೇಶದ ವಿದ್ಯಾರ್ಥಿ ವೀಸಾವನ್ನು ಬಹಳ ಸುಲಭವಾಗಿ ಪಡೆಯಬಹುದು. ಈ ದೇಶದಲ್ಲಿಯೂ ಸಹ ವಿದ್ಯಾರ್ಥಿಗಳಿಗೆ ಯಾವುದೇ ಬೋಧನಾ ಶುಲ್ಕವನ್ನು ವಿಧಿಸಲಾಗುವುದಿಲ್ಲ. ಪೋಲಿಷ್ ಭಾಷೆ ಗೊತ್ತಿದ್ದರೆ, ಇಲ್ಲಿನ ವಿಶ್ವವಿದ್ಯಾಲಯಗಳಲ್ಲಿ ಇನ್ನೂ ಹಲವು ಸೌಲಭ್ಯಗಳು ಸಿಗುತ್ತವೆ. ಆದರೂ ಇಲ್ಲಿ ವಾಸಿಸುವುದು ಸ್ವಲ್ಪ ದುಬಾರಿ. ವಾರ್ಷಿಕವಾಗಿ ನೀವು ಸುಮಾರು 6ರಿಂದ 7 ಲಕ್ಷ ರೂಪಾಯಿ ಖರ್ಚು ಮಾಡಬೇಕಾಗಬಹುದು.

ನ್ಯೂಜಿಲೆಂಡ್ : ಇಲ್ಲಿ ವರ್ಷಕ್ಕೆ ಸುಮಾರು 10 ಲಕ್ಷ ರೂಪಾಯಿ ಖರ್ಚು ಮಾಡಬೇಕು. ಆದರೆ ಇಲ್ಲಿನ ವಿದ್ಯಾರ್ಥಿಗಳಿಂದ ಬೋಧನಾ ಶುಲ್ಕ ತೀರಾ ಕಡಿಮೆ. ಕೆಲವೊಮ್ಮೆ ಇಲ್ಲಿನ ವಿಶ್ವವಿದ್ಯಾಲಯಗಳು ವಿದ್ಯಾರ್ಥಿಗಳ ಬೋಧನಾ ಶುಲ್ಕಕ್ಕಾಗಿ ಧನಸಹಾಯ ಕಾರ್ಯಕ್ರಮವನ್ನು ನಡೆಸುತ್ತವೆ. ಅದರ ಅಡಿಯಲ್ಲಿ ನಿಮ್ಮ ಸಂಪೂರ್ಣ ಬೋಧನಾ ಶುಲ್ಕವನ್ನು ಮನ್ನಾ ಮಾಡಬಹುದು.

ಸೌತ್ ಆಫ್ರೀಕಾ: ದಕ್ಷಿಣ ಆಫ್ರಿಕಾದಲ್ಲಿ ಅಧ್ಯಯನ ಮಾಡುವುದು ಇತರ ದೇಶಗಳಿಗಿಂತ ಅಗ್ಗವಾಗಿದೆ. ಇಲ್ಲಿನ ವಿಶ್ವವಿದ್ಯಾನಿಲಯಗಳ ಸರಾಸರಿ ಬೋಧನಾ ಶುಲ್ಕ ವರ್ಷಕ್ಕೆ 2 ಲಕ್ಷಕ್ಕಿಂತ ಕಡಿಮೆ. ಆದಾಗ್ಯೂ, ಇಲ್ಲಿ ಜೀವನ ವೆಚ್ಚವು ಸಾಕಷ್ಟು ದುಬಾರಿಯಾಗಿದೆ. ಇಲ್ಲಿ ಓದಲು ನೀವು ಪ್ರತಿ ವರ್ಷ 4 ಲಕ್ಷ ರೂಪಾಯಿಗಳವರೆಗೆ ಖರ್ಚು ಮಾಡಬೇಕಾಗಬಹುದು.

ಇಲ್ಲಿನ ವಿಶ್ವವಿದ್ಯಾಲಯಗಳು ಅಂತರರಾಷ್ಟ್ರೀಯ ವಿದ್ಯಾರ್ಥಿಗಳಿಗಾಗಿ ವಿವಿಧ ವಿದ್ಯಾರ್ಥಿವೇತನ ಕಾರ್ಯಕ್ರಮಗಳನ್ನು ಸಹ ನಡೆಸುತ್ತವೆ. ನೀವು ಈ ವಿದ್ಯಾರ್ಥಿವೇತನ ಕಾರ್ಯಕ್ರಮಗಳನ್ನು ತೆಗೆದುಕೊಂಡರೆ, ನಿಮ್ಮ ಶುಲ್ಕವನ್ನು ಮತ್ತಷ್ಟು ಕಡಿಮೆ ಮಾಡಬಹುದು.