Exam ಬರೆದ 88 ಕೈದಿಗಳು, ಶೇಕಡಾ 86 ರಷ್ಟು ಫಲಿತಾಂಶ ದಾಖಲು!

ಚೆನ್ನೈನಲ್ಲಿ ಈ ಬಾರಿ 12ನೇ ತರಗತಿ ಪರೀಕ್ಷೆಯಲ್ಲಿ ಜೈಲಿನಲ್ಲಿರುವ 88ಜನ  ಕೈದಿಗಳು ಪರೀಕ್ಷೆ ಬರೆದಿದ್ದಾರೆ. 86 ಪ್ರತಿಷತ ಫಲಿತಾಂಶ ದಾಖಲಾಗಿದೆ. 12ನೇ ತರಗತಿ ಪರೀಕ್ಷೆಗೆ ಹಾಜರಾದ 88 ಕೈದಿಗಳ ಪೈಕಿ ಕನಿಷ್ಠ 77 ಮಂದಿ ಪಾಸ್​ ಆಗಿದ್ದಾರೆ ಎಂದು ವರದಿಯಾಗಿದೆ.

ತಮಿಳುನಾಡು ರಾಜ್ಯ ಕಾರಾಗೃಹ ಇಲಾಖೆ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದೆ. ಒಟ್ಟು ತೇರ್ಗಡೆ ಪ್ರಮಾಣ ಶೇ.86.5. ಆಗಿದೆ. ಮಹಿಳಾ ಕೈದಿಗಳೂ ಸಹ ಪರೀಕ್ಷೆ ಬರೆದಿದ್ದಾರೆ.

2022-2023 ರಲ್ಲಿ, ರಾಜ್ಯಾದ್ಯಂತ ವಿವಿಧ ಕೇಂದ್ರ ಕಾರಾಗೃಹಗಳು ಮತ್ತು ಮಹಿಳೆಯರ ವಿಶೇಷ ಕಾರಾಗೃಹಗಳಿಂದ ಐದು ಮಹಿಳಾ ಕೈದಿಗಳು ಸೇರಿದಂತೆ ಕನಿಷ್ಠ 88 ಜೈಲು ಕೈದಿಗಳು 12 ನೇ ತರಗತಿ ಪರೀಕ್ಷೆಗೆ ಹಾಜರಾಗಿದ್ದಾರೆ

ಈ ಶೈಕ್ಷಣಿಕ ವರ್ಷದಲ್ಲಿ . ತಮಿಳುನಾಡು ಶಿಕ್ಷಣ ಇಲಾಖೆಯಿಂದ ವಿಶೇಷ ಪರೀಕ್ಷಾ ಕೇಂದ್ರಗಳನ್ನು ಆಯೋಜಿಸಲಾಗಿತ್ತು. ಕಾರಾಗೃಹ ಇಲಾಖೆಯ ಕೋರಿಕೆಯಂತೆ ತಮಿಳುನಾಡು ಶಾಲಾ ಶಿಕ್ಷಣ ಇಲಾಖೆಯು ಆಯಾ ಕಾರಾಗೃಹಗಳಲ್ಲಿ ಪರೀಕ್ಷಾ ಕೇಂದ್ರಗಳಿಗೆ ವ್ಯವಸ್ಥೆ ಮಾಡಿತ್ತು.

ನಾಲ್ವರು ಮಹಿಳಾ ಕೈದಿಗಳು ಸೇರಿದಂತೆ 77 ಕೈದಿಗಳು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ. 12 ನೇ ತರಗತಿ ಪರೀಕ್ಷೆಯಲ್ಲಿ ಕೈದಿಗಳ ಒಟ್ಟು ಶೇಕಡಾ 86.52 ರಷ್ಟು ಪಾಸ್​ ಆಗಿದ್ದಾರೆ.

ಚೆನ್ನೈ ಪುಝಲ್ ಜೈಲು-II , ಚೆನ್ನೈ ಪುಝಲ್‌ನ ವಿಶೇಷ ಮಹಿಳಾ ಕಾರಾಗೃಹ, ಕಡಲೂರಿನ ಕೇಂದ್ರ ಕಾರಾಗೃಹ, ಕೊಯಮತ್ತೂರಿನ ಕೇಂದ್ರ ಕಾರಾಗೃಹ, ತಿರುಚ್ಚಿಯ ಕೇಂದ್ರ ಕಾರಾಗೃಹ, ಮಧುರೈನ ವಿಶೇಷ ಕಾರಾಗೃಹ, ಮಧುರೈನ ಮಹಿಳಾ ವಿಶೇಷ ಕಾರಾಗೃಹದ ಕೈದಿಗಳು ಪರೀಕ್ಷೆ ಬರೆದಿದ್ದಾರೆ. 

ಈ ವರ್ಷ ನಡೆಸಿದ ಪರೀಕ್ಷೆಯಲ್ಲಿ ಹೆಚ್ಚು ಅಂಕ ಪಡೆದವರು ಮತ್ತು ಉತ್ತೀರ್ಣರಾದವರನ್ನು ಡಿಜಿಪಿ ಪ್ರಶಂಸಿದ್ದಾರೆ.