Public Exam: 5 ಮತ್ತು 8ನೇ ತರಗತಿ ವಿದ್ಯಾರ್ಥಿಗಳ ಪಬ್ಲಿಕ್​ ಪರೀಕ್ಷೆಗೆ ಕೆಲವೇ ದಿನ ಬಾಕಿ!

ಕರ್ನಾಟಕ ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿ ಏಳನೇ ತರಗತಿ ಮುಗಿಸಿ ಎಂಟನೇ ತರಗತಿಯಲ್ಲಿ ಓದುತ್ತಿರುವ ಎಲ್ಲಾ ವಿದ್ಯಾರ್ಥಿಗಳಿಗೂ ಸಹ ಪಬ್ಲಿಕ್ ಪರೀಕ್ಷೆ ಆಯೋಜಿಸುವ ನಿರ್ಧಾರವನ್ನು ಕೈಗೊಂಡಿದೆ. ಅದೇ ರೀತಿ ಐದನೇ ತರಗತಿ ವಿದ್ಯಾರ್ಥಿಗಳಿಗೂ ಈ ಬಾರಿ ಪಬ್ಲಿಕ್​ ಪರೀಕ್ಷೆ ನಡೆಯುತ್ತದೆ.

ನಿಮ್ಮ ಮಕ್ಕಳು ಇನ್ನೂ ಚಿಕ್ಕವರು ಈ ವಯಸ್ಸಿನಲ್ಲಿ ಹೇಗೆ ಪಬ್ಲಿಕ್​ ಪರೀಕ್ಷೆಗೆ ಮಕ್ಕಳನ್ನು ಸಿದ್ಧಗೊಳಿಸುವುದು ಎಂಬ ಗೊಂದಲ ನಿಮಗಿದ್ದರೆ ಕೊಂಚ ಗಮನಿಸಿ. ನಿಮ್ಮ ಮಗುವಿಗೆ ಸರಿಯಾದ ಸಮಯಕ್ಕೆ ಮಲಗಲು ಬಿಡಿ ಹೆಚ್ಚು ಒತ್ತಾಯ ಮಾಡಿ ಓದಿಸಬೇಡಿ.

ಸರಿಯಾದ ನಿದ್ರೆ ಹಾಗೂ ಆರೋಗ್ಯವನ್ನು ಕಾಪಾಡಿಕೊಂಡರೆ ನಿಮ್ಮ ಮಕ್ಕಳು ಓದಿಕೊಳ್ಳಲು ಸಹಾಯವಾಗುತ್ತದೆ. ಪರೀಕ್ಷೆಗೆ ಸಿದ್ಧತೆ ನಡೆಸಲು ಇದು ಬೇಕಾಗಿರುವ ಮುಖ್ಯ ಅಂಶವಾಗಿದೆ.

ತರಗತಿಯಲ್ಲಿ ಶಿಕ್ಷಕರು ನಿಮಗೆ ಏನು ಕಲಿಸುತ್ತಿದ್ದಾರೋ ಅದರ ಬಗ್ಗೆ ಹೆಚ್ಚಿನ ಗಮನ ಕೊಡಿ. ಏಕೆಂದರೆ ನಿಮ್ಮ ಪಠ್ಯದ ಹೊರತಾಗಿ ಇನ್ಯಾವುದೇ ವಿಷಯವೂ ಸಹ ಇದರಲ್ಲಿ ಬರುವುದಿಲ್ಲ. ನೀವು ಪರೀಕ್ಷೆ ಬರೆದಾಗ ಅದರಲ್ಲಿ ನಿಮ್ಮ ಶಿಕ್ಷಕರು ಹೇಳಿಕೊಟ್ಟ ಹೆಚ್ಚಿನ ಅಂಶಗಳೇ ಬಂದಿರುತ್ತದೆ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಸರಿಯಾಗಿ ನೋಟ್ಸ್​ ಬರೆದು ರೆಡಿ ಮಾಡಿಕೊಳ್ಳಿ

ನಿಮಗೆ ಕೆಲವು ಅನುಮಾನಗಳು ಬರಬಹುದು. ಮರುದಿನ ಅದನ್ನು ನಿಮ್ಮ ಶಿಕ್ಷಕರಿಗೆ ಕೇಳಿ. ಪ್ರತಿ ದಿನವೂ ಐದು ಗಂಟೆಗಳ ಕಾಲ ನಿರಂತರ ಅಭ್ಯಾಸ ಮಾಡಿದರೆ ಸಾಕು ನಿಮ್ಮ ಪರೀಕ್ಷೆಯಲ್ಲಿ ಅಂಕ ಉತ್ತಮವಾಗಿರುತ್ತದೆ.

ನಿಮಗೆ ಇನ್ನೂ ಕೆಲವು ಅನುಮಾನಗಳು ಉಳಿದಿದ್ದರೆ ಆ ವಿಷಯಕ್ಕೆ ಸಂಬಂಧಿಸಿದ ಚಟುವಟಿಕೆ ಅಥವಾ ಪ್ರಯೋಗವಿದ್ದರೆ ಅದನ್ನು ನಿಮ್ಮ ಶಾಲೆಯ ಲ್ಯಾಬ್‌ಗಳಲ್ಲಿ ನಿರ್ವಹಿಸಿ. ಇದರ ಮೂಲಕ ನೀವು ಜ್ಞಾನವನ್ನು ಪಡೆಯುತ್ತೀರಿ ಆದರೆ ಅದರ ಪ್ರಾಯೋಗಿಕ ಅನ್ವಯವನ್ನು ತಿಳಿದುಕೊಂಡಾಗ ಸುಲಭವಾಗಿ ನೆನಪಿನಲ್ಲುಳಿಯುತ್ತದೆ.

ಇದೇ ಮೊದಲಬಾರಿ ಪಬ್ಲಿಕ್​ ಪರೀಕ್ಷೆ ಬರೆಯುತ್ತಿರುವವರು ನೀವಾಗಿರುವುದರಿಂದ ಫಲಿತಾಂಶದ ಬಗ್ಗೆ ಅಷ್ಟೇನು ತಲೆಕೆಡಿಸಿಕೊಳ್ಳಬೇಕಾದ ಅವಶ್ಯಕತೆ ಇಲ್ಲ. ಇದು ನಿಮ್ಮ ಮುಂದಿನ ಜೀವನದ ಒಂದು ಮೆಟ್ಟಿಲು ಮಾತ್ರ ಆಗಿರುತ್ತದೆ.

ಪರೀಕ್ಷೆಯಲ್ಲಿ ನಕಲು ಮಾಡುವ ಯಾವುದೇ ಮಾರ್ಗವನ್ನೂ ನೀವು ಬಳಸಬೇಡಿ ಏಕೆಂದರೆ ಪರೀಕ್ಷಾ ಪೆ ಚರ್ಚಾ ಕಾರ್ಯಕ್ರಮದಲ್ಲಿ ಮೋದಿ ಅವರು ಹೇಳಿದಂತೆ ಜೀವನದ ಒಂದಲ್ಲಾ ಒಂದು ಹಂತದಲ್ಲಿ ಇಂತಹದೇ ಹಲವು ಪ್ರಶ್ನೆಗಳು ಎದುರಾದಾಗ ನೀವು ಉತ್ತರ ನೀಡಲು ವಿಫಲರಾಗುತ್ತೀರಿ.