Exam Centres: ಸರ್ಕಾರಿ ಉದ್ಯೋಗಾಕಾಂಕ್ಷಿಗಳು ಪರೀಕ್ಷಾ ಸೆಂಟರ್​ಗಳನ್ನು ಈ ರೀತಿ ಆಯ್ಕೆ ಮಾಡಿಕೊಳ್ಳಬೇಕು

ಮಹಳಷ್ಟು ಅಭ್ಯರ್ಥಿಗಳು ಪರೀಕ್ಷಾ ಕೇಂದ್ರಗಳ ಆಯ್ಕೆಯಲ್ಲಿ ಗೊಂದಲ ಮಾಡಿಕೊಳ್ಳುತ್ತಾರೆ. ಕೆಲಸಕ್ಕಾಗಿ ಅರ್ಜಿ ಸಲ್ಲಿಸುವಾಗಲೇ ಪರೀಕ್ಷಾ ಕೇಂದ್ರದ ಆಯ್ಕೆ ಇರುತ್ತದೆ. ಉದಾಹರಣೆಗೆ ನೀವು ಬೇರೆ ಜಿಲ್ಲೆಯಿಂದ ಬೆಂಗಳೂರಿಗೆ ಬಂದು ಕೆಲಸ ಮಾಡುತ್ತಿದ್ದರೆ, ಈ ಗೊಂದಲ ಇನ್ನಷ್ಟು ಹೆಚ್ಚಾಗುತ್ತೆ. (ಸಾಂದರ್ಭಿಕ ಚಿತ್ರ)

ದಾಖಲೆಗಳೆಲ್ಲಾ ಹುಟ್ಟೂರಿನ ವಿಳಾಸದಲ್ಲೇ ಇದೆ, ಈಗ ಕೆಲಸ ಮಾಡುತ್ತಿರುವ ಪ್ರದೇಶದ ಸೆಂಟರ್ ಅನ್ನು ಆಯ್ಕೆ ಮಾಡಿಕೊಳ್ಳಬಹುದಾ ಎಂದು ಗೊಂದಲಕ್ಕೊಳಗಾಗುತ್ತಾರೆ. ದಾಖಲೆಗಳಲ್ಲಿ ಯಾವುದೇ ವಿಳಾಸವಿರಲಿ, ಮಂಡಳಿ ನಿರ್ಧರಿಸಿದ ಯಾವುದೇ ಪರೀಕ್ಷಾ ಸೆಂಟರ್ ನಲ್ಲಿ ನೀವು ಪರೀಕ್ಷೆಗಳಿಗೆ ಹಾಜರಾಬಹುದು. ಈ ಹಿನ್ನೆಲೆ ಒಂದಷ್ಟು ಸಲಹೆಗಳು ಹೀಗಿವೆ. (ಸಾಂಕೇತಿಕ ಚಿತ್ರ)

ಫಾರ್ಮ್ ಅನ್ನು ಭರ್ತಿ ಮಾಡುವಾಗ, ನಿಮಗೆ ಹತ್ತಿರ ಇರುವ ಪರೀಕ್ಷಾ ಕೇಂದ್ರವನ್ನು ಆಯ್ಕೆ ಮಾಡಲು ಪ್ರಯತ್ನಿಸಿ. ನೀವು ಆಯ್ಕೆ ಮಾಡುವ ಕೇಂದ್ರಕ್ಕೆ ಹೋಗಲು ಎಷ್ಟು ಸಮಯ ಹಿಡಿಯುತ್ತೆ. ಅಲ್ಲಿ ಉಳಿಯಲು ಸೌಲಭ್ಯವಿದೆಯೇ ಮತ್ತು ಅಧ್ಯಯನಕ್ಕಾಗಿ ಶಾಂತಿಯುತ ವಾತಾವರಣ ಲಭ್ಯವಿದೆಯೇ ಎಂದು ಪರಿಶೀಲಿಸಿ. (ಸಾಂದರ್ಭಿಕ ಚಿತ್ರ)

ಕೆಎಎಸ್ ಮುಖ್ಯ ಪರೀಕ್ಷೆಯಲ್ಲಿ 9 ಪ್ರಶ್ನೆಪತ್ರಿಕೆಗಳನ್ನು ಎದುರಿಸಬೇಕಾಗುತ್ತೆ. ವಾರದ ರಜೆಗಳು ಸೇರಿ ಸುಮಾರು 2 ವಾರಗಳ ಕಾಲ ಪರೀಕ್ಷೆಗೆ ಹಾಜರಾಗಬೇಕು. ಹಾಗಾಗಿ ಮೇಲಿನ ವಿಷಯಗಳ ಬಗ್ಗೆ ಯೋಚಿಸಿ ಕೇಂದ್ರವನ್ನು ಆಯ್ಕೆ ಮಾಡಿಕೊಳ್ಳಿ. (ಪ್ರಾತಿನಿಧಿಕ ಚಿತ್ರ)

ಅಭ್ಯರ್ಥಿಯು ತನ್ನ ಅಧ್ಯಯನ ಕೇಂದ್ರದ ಸಮೀಪದಲ್ಲೇ ಇರುವ ಪರೀಕ್ಷಾ ಕೇಂದ್ರವನ್ನು ಆಯ್ಕೆ ಮಾಡಿಕೊಳ್ಳಬೇಕು. ಇದರಿಂದ ಪರೀಕ್ಷಾ ಕೇಂದ್ರಕ್ಕೆ ಹೋಗಲು ಯಾವುದೇ ತೊಂದರೆಯಾಗುವುದಿಲ್ಲ. ಅಭ್ಯರ್ಥಿಗೆ ಹತ್ತಿರದ ಕೇಂದ್ರದಲ್ಲಿ ಅನುಕೂಲವಿರುತ್ತದೆ. ಇದರಿಂದ ಪರಿಷ್ಕರಣೆಗೆ ಸಮಯಾವಕಾಶ ಸಿಗುತ್ತದೆ. (ಸಾಂದರ್ಭಿಕ ಚಿತ್ರ)

ಸರಿಯಾದ ಸಾರಿಗೆ ಸೌಲಭ್ಯಗಳನ್ನು ಹೊಂದಿರುವ ಪ್ರದೇಶಗಳನ್ನು ಆಯ್ಕೆ ಮಾಡಿ. ಪರೀಕ್ಷಾ ಕೇಂದ್ರವನ್ನು ಆಯ್ಕೆ ಮಾಡುವಾಗ, ಅಭ್ಯರ್ಥಿಯು ಕೇಂದ್ರಕ್ಕೆ ಹೋಗುವ ಸ್ಥಳದಲ್ಲಿ ಸಾರಿಗೆ ಸೌಲಭ್ಯಗಳು ಯಾವುವು ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. ಏಕೆಂದರೆ ಪರೀಕ್ಷೆಯ ಮುನ್ನ ಅಧ್ಯಯನದ ಒತ್ತಡವಿರುತ್ತದೆ, ಅದರ ಮಧ್ಯೆ ಸಾರಿಗೆ ಸಮಸ್ಯೆಯಾದರೆ ಅಭ್ಯರ್ಥಿಗೆ ಹೆಚ್ಚು ಕಷ್ಟವಾಗುತ್ತದೆ. (ಸಾಂಕೇತಿಕ ಚಿತ್ರ)

ಕೆಲವು ಅಭ್ಯರ್ಥಿಗಳು ತಮ್ಮ ಸ್ನೇಹಿತರು ಪರೀಕ್ಷೆಗೆ ಹೋಗಲು ಬಯಸುವ ಕೇಂದ್ರವನ್ನೇ ಆಯ್ಕೆ ಮಾಡುತ್ತಾರೆ. ದಯವಿಟ್ಟು ಹೀಗೆ ಮಾಡುವುದು ಸರಿಯಲ್ಲ ಎಂದು ತಿಳಿಯಿರಿ. ಆ ಸ್ಥಳವು ನಿಮ್ಮ ಸ್ನೇಹಿತರಿಗೆ ಒಳ್ಳೆಯದು ಇರಬಹುದು, ನಿಮಗಲ್ಲ. ಜೊತೆಗೆ ಪರೀಕ್ಷೆಗೂ ಮುನ್ನ ಸ್ನೇಹಿತರ ಜೊತೆ ಹರಟೆ-ಮಾತು ಏಕಾಗ್ರತೆಯನ್ನು ಹಾಳು ಮಾಡಬಹುದು.