YouTubeನಿಂದ ಉಚಿತವಾಗಿ ಕೋರ್ಸ್, ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ಮಾಡಬಹುದು; ಈ 5 ಚಾನೆಲ್ ಆಯ್ಕೆ ಮಾಡಿ

ಈ ಮೊದಲು ಯಾವುದೇ ಹೊಸ ವಿಷಯ ತಿಳಿಯಬೇಕೆಂದರೆ ಗ್ರಂಥಾಲಯದಲ್ಲಿ ಪುಸ್ತಕಗಳ ಮಧ್ಯೆ ಗಂಟೆಗಳ ಕಾಲ ಕಳೆಯಬೇಕಿತ್ತು. ಆದರೆ ಇಂದು ಬೆರಳ ತುದಿಯಲ್ಲೇ ಬೇಕಾದ ಮಾಹಿತಿ ಲಭ್ಯವಿದೆ. ಬದಲಾಗುತ್ತಿರುವ ಕಾಲಕ್ಕೆ ತಕ್ಕಂತೆ ವಿಷಯಗಳನ್ನು ನೋಡುವ, ಓದುವ, ಕಲಿಯುವ ದೃಷ್ಟಿಕೋನ ಮತ್ತು ಮೂಲಗಳೂ ಬದಲಾಗಿವೆ. ಡಿಜಿಟಲ್ ಜಗತ್ತಿನಲ್ಲಿ ಬದುಕುತ್ತಿರುವ ನಮ್ಮ ಪೀಳಿಗೆಯು Google, YouTube ನಂತಹ ಸೌಲಭ್ಯಗಳನ್ನು ಹೊಂದಿದೆ.

ನಿಮ್ಮ ಮನದಲ್ಲಿ ಯಾವುದೇ ವಿಷಯದ ಬಗ್ಗೆ ಆಸಕ್ತಿ, ಕುತೂಹಲ ಮೂಡಿದ ಕೂಡಲೇ Google ಅಥವಾ YouTube ನಲ್ಲಿ ಟೈಪ್ ಮಾಡಿ ತಕ್ಷಣ ಉತ್ತರಗಳನ್ನು ಪಡೆಯಬಹುದು. ಇನ್ನೂ Google ನಲ್ಲಿ ಮಾಹಿತಿಯನ್ನು ನೀವು ಓದಬೇಕಾಗುತ್ತದೆ. ಆದರೆ YouTubeನಲ್ಲಿ ಆರಾಮವಾಗಿ ವಿಡಿಯೋ ನೋಡುತ್ತಾ, ಕೇಳುತ್ತಾ ವಿಷಯಗಳ ಬಗ್ಗೆ ತಿಳಿದುಕೊಳ್ಳಬಹುದು. ಯುವ ಪೀಳಿಗೆ ಓದುವುದಕ್ಕಿಂತ ವಿಡಿಯೋ ನೋಡುವುದ್ದಕ್ಕೆ ಹೆಚ್ಚು ಒತ್ತು ನೀಡುತ್ತಾರೆ ಎಂದು ಪ್ರತ್ಯೇಕವಾಗಿ ಹೇಳಬೇಕಿಲ್ಲ.

ದೊಡ್ಡ ಸಂಖ್ಯೆಯ ಯುಪಿಎಸ್ ಸಿ ಅಭ್ಯರ್ಥಿಗಳು ಯೂಟ್ಯೂಬ್ ನಿಂದ ಸಹಾಯವಾದ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ಸಾಮಾನ್ಯ ವಿಷಯಗಳಿಂದ ಹಿಡಿದು ಪ್ರಪಂಚದ ಇತಿಹಾಸದವರೆಗೆ, ವಿಜ್ಞಾನದ ಕಷ್ಟಕರ ವಿಷಯಗಳಿಂದ ಪ್ರತಿಯೊಂದು ವಿಷಯದ ಬಗ್ಗೆಯೂ ಯೂಟ್ಯೂಬ್ ನಲ್ಲಿ ವಿಡಿಯೋ ಲಭ್ಯವಿದೆ.

ಓದುವುದಕ್ಕಿಂತ ನೋಡಿದ್ದು ಹೆಚ್ಚು ನೆನಪಿನಲ್ಲಿ ಉಳಿಯುತ್ತೆ ಎಂಬುವುದು ಹಲವರ ಅಭಿಪ್ರಾಯ. ಈ ಹಿನ್ನೆಲೆ ಒಂದಷ್ಟು ಕಲಿಕಾ ಯೂಟ್ಯೂಬ್ ಚಾನೆಲ್ ಗಳ ಮಾಹಿತಿ ಇಲ್ಲಿದೆ.

1- andrew huberman, ph.d: ಮೆದುಳಿನ ಆರೋಗ್ಯವನ್ನು ಹೇಗೆ ಸುಧಾರಿಸುವುದು, ಗಮನವನ್ನು ಹೇಗೆ ನಿಯಂತ್ರಿಸುವುದು. ನಿದ್ರೆ, ಶಕ್ತಿ ಮತ್ತು ಕಲಿಕೆಯನ್ನು ಸುಧಾರಿಸುವುದು ಹೇಗೆ ಮಾಹಿತಿ ಇಲ್ಲಿ ಸಿಗುತ್ತೆ.

2- FreeCodeCamp ಹೆಸರಿನ ಈ ಚಾನೆಲ್ ಕೋಡ್ ಬಗ್ಗೆ ಕಲಿಸುತ್ತೆ. ವೆಬ್ ಅಭಿವೃದ್ಧಿಯನ್ನು ಕಲಿಯಬಹುದು. ಪ್ರೋಗ್ರಾಮಿಂಗ್ ವಿಷಯಗಳನ್ನು (ಡೇಟಾ ರಚನೆಗಳು, API ಗಳು) ಸಹ ಕಲಿಯಬಹುದು. ಪೈಥಾನ್, SQL, Javascript, c++ ಇತ್ಯಾದಿ ವಿಷಯಗಳ ಕುರಿತು 4 ಗಂಟೆಗಳ ಟ್ಯುಟೋರಿಯಲ್ ತೆಗೆದುಕೊಳ್ಳಿ.

3- MIT open courseware ಚಾನೆಲ್ ನಲ್ಲಿ 1000ಕ್ಕೂ ಹೆಚ್ಚು ಉಚಿತ ಕೋರ್ಸ್ ಗಳಿವೆ. 4- Crash Courseನಲ್ಲಿ ವಿಶ್ವ ಇತಿಹಾಸದಿಂದ ಸಾವಯವ ರಸಾಯನಶಾಸ್ತ್ರದವರೆಗೆ ಎಲ್ಲಾ ರೀತಿಯ ಜ್ಞಾನದ ವಿಡಿಯೋಗಳು ಲಭ್ಯವಿವೆ.

5- ನಮ್ಮ ಜಗತ್ತಿನಲ್ಲಿ ವಿಜ್ಞಾನದ ಪಾತ್ರವನ್ನು IN ಎ ನಟ್ ಶೆಲ್ ಚಾನೆಲ್ ನಲ್ಲಿ ವಿವರಿಸಲಾಗಿದೆ. ಇಲ್ಲಿ ಕಷ್ಟಕರ ವಿಷಯಗಳನ್ನು ಸಹ ಸ್ಪಷ್ಟ ದೃಶ್ಯಗಳು ಮತ್ತು ಕಥೆ ಹೇಳುವ ಮೂಲಕ ವಿವರಿಸಲಾಗಿದೆ.