Resume Tips-8: ರೆಸ್ಯೂಮ್​​ನಲ್ಲಿ ಸುಳ್ಳು ಹೇಳಿದ್ದರೆ ಏನಾಗುತ್ತೆ, ಈ ರೀತಿ ಸಿಕ್ಕಿ ಬೀಳುತ್ತೀರಿ ಎಚ್ಚರ!

ನಿಮ್ಮ ರೆಸ್ಯೂಮ್ ಅನ್ನು ಹೆಚ್ಚು ಆಕರ್ಷಕವಾಗಿಸಲು ಕೆಲವು ಹಂತಗಳನ್ನು ನಾವಿಲ್ಲಿ ತಿಳಿಸಲಿದ್ದೇವೆ. ಈ ಅಂಶಗಳನ್ನು ಅಳವಡಿಸಿಕೊಂಡರೆ ನಿಮ್ಮ ರೆಸ್ಯೂಮ್ ಇತರರಿಗಿಂತ ಉತ್ತಮವಾಗಿ ಕಾಣುತ್ತೆ.

ಅತ್ಯಂತ ಮುಖ್ಯವಾದ ವಿಷಯವೆಂದರೆ ರೆಸ್ಯೂಮ್ ನಲ್ಲಿ ಯಾವುದೇ ಸುಳ್ಳುಗಳನ್ನು ಹೇಳಬಾರದು. ಅನಗತ್ಯವಾಗಿ ಸ್ಕಿಲ್ ಗಳು ಬರುತ್ತೆ ಎಂದು ನಮೂದಿಸುವುದು ಅಪಾಯಕಾರಿ.

ಇತ್ತೀಚೆಗೆ ಟೆಕ್ ಕಂಪನಿಗಳು ರೆಸ್ಯೂಮ್ ನಲ್ಲಿ ಸುಳ್ಳು ಮಾಹಿತಿ, ನಕಲಿ ಅನುಭವ ಪತ್ರವನ್ನು ನೀಡಿದ ಕಾರಣಕ್ಕೆ ಉದ್ಯೋಗಿಗಳನ್ನು ಕೆಲಸದಿಂದ ವಜಾ ಮಾಡಿದ್ದಾರೆ. ಹಾಗಾಗಿ ನಿಮಗೆ ಏನು ಬರುತ್ತೋ ಅದನ್ನಷ್ಟೇ ರೆಸ್ಯೂಮ್ ನಲ್ಲಿ ನಮೂದಿಸಿ. ಸಾಂದರ್ಭಿಕ ಚಿತ್ರ

ಇನ್ನು ನಿಮ್ಮ ರೆಸ್ಯೂಮ್ ಅನ್ನು ಆಕರ್ಷಕವಾಗಿಸಬೇಕು ಎಂದರೆ ಕೆಲವೊಂದಷ್ಟು ಸಲಹೆಗಳು ಇಲ್ಲಿವೆ. ವ್ಯಕ್ತಿಯು ನಿಮ್ಮ ರೆಸ್ಯೂಮ್ ಅನ್ನು ಏಕೆ ಓದಬೇಕು ಎಂಬುದನ್ನು ಮೊದಲು ನೀವು ತಿಳಿದುಕೊಳ್ಳಬೇಕು. ಶೀರ್ಷಿಕೆಯಲ್ಲೇ ನೀವು ಯಾರು ಮತ್ತು ನೀವು ಯಾವ ಹುದ್ದೆಯ ಆಕಾಂಕ್ಷಿ ಎಂಬುವುದನ್ನು ನಿಖರವಾಗಿ, ಸ್ಪಷ್ಟವಾಗಿ ಹೇಳಬೇಕು.

ನೀವು ಇಲ್ಲಿಯವರೆಗೆ ಕೆಲಸ ಮಾಡಿದ ಕೆಲಸದ ಪುರಾವೆಗಳನ್ನು ರೆಸ್ಯೂಮ್ ನಲ್ಲಿ ಸೇರಿಸಿ. ನಿಮ್ಮ ಸಾಧನೆಗಳನ್ನು ಸಂಕ್ಷಿಪ್ತವಾಗಿ ತಿಳಿಸಿ. ನೀವು ಅನೇಕ ಕೆಲಸಗಳನ್ನು ಮಾಡಲು ಬಯಸಬಹುದು. ಆದರೆ ನೀವು ಪೂರ್ಣ ಆಸಕ್ತಿ-ಶ್ರದ್ಧೆಯಿಂದ ಮಾಡಲು ಬಯಸುವ 3 ನಿರ್ದಿಷ್ಟ ಕ್ಷೇತ್ರಗಳನ್ನು ಆಯ್ಕೆ ಮಾಡಿ.

ನಿಮ್ಮ ರೆಸ್ಯೂಮ್ ನಲ್ಲಿ ನೀವು ಯಾವ ಜವಾಬ್ದಾರಿಗಳನ್ನು ನಿರ್ವಹಿಸಬಹುದು ಎಂಬುದನ್ನು ನಮೂದಿಸುವುದು ಸಹ ಅಗತ್ಯವಾಗಿದೆ. ನಿಮ್ಮ ಶಕ್ತಿಯನ್ನು ಹೇಳುವುದು ಅವಶ್ಯಕ. ಸಂದರ್ಶಕರು ಸುಲಭವಾಗಿ ಓದಬಹುದಾದ ಫಾಂಟ್ ಅನ್ನು ಆಯ್ಕೆಮಾಡಿ. ಇಡೀ ರೆಸ್ಯೂಮ್ ಒಂದೇ ಫಾಂಟ್ ನಲ್ಲಿ ಇರಲಿ. ಫಾಂಟ್ ಗಳನ್ನು ನಿರಂತರವಾಗಿ ಬದಲಾಯಿಸುವುದರಿಂದ ಸಂದರ್ಶಕರನ್ನು ಗೊಂದಲಗೊಳಿಸಬಹುದು.

ನೀವು ಇಲ್ಲಿಯವರೆಗೆ ಎಷ್ಟೇ ಕೆಲಸಗಳನ್ನು ಮಾಡಿದರೂ, ನಿಮ್ಮ ರೆಸ್ಯೂಮ್ ಎರಡು ಪುಟಗಳಿಗಿಂತ ಹೆಚ್ಚು ಇರಬಾರದು ಎಂಬುದನ್ನು ನೆನಪಿಡಿ. ತುಂಬಾ ಲಾಂಗ್ ಆಗಿ ಇದ್ದರೆ ಸಂದರ್ಶಕರು ನಿಮ್ಮ ರೆಸ್ಯೂಮ್ ನಲ್ಲಿ ಆಸಕ್ತಿ ಕಳೆದುಕೊಳ್ಳುತ್ತಾರೆ.

ರೆಸ್ಯೂಮ್ ನಲ್ಲಿ ತಪ್ಪುಗಳನ್ನು ತಪ್ಪಿಸುವುದು ಅತ್ಯಂತ ಮುಖ್ಯವಾದ ವಿಷಯ. ಇದು ನಿಮ್ಮ ಒಟ್ಟಾರೆ ಕೌಶಲ್ಯಗಳ ಮೇಲೆ ಪರಿಣಾಮ ಬೀರಬಹುದು. ಆದರಿಂದ ಆದಷ್ಟು ತಪ್ಪುಗಳಿಲ್ಲದ ರೆಸ್ಯೂಮ್ ಅನ್ನು ರಚಿಸಿ.