Weird Courses: ಡೇಟಿಂಗ್ ಮಾಡೋದನ್ನು ಕಲಿಸಲು ಸರ್ಕಾರವೇ ಕೋರ್ಸ್ ಆರಂಭಿಸಿದೆ!
ಇಂದಿನ ದಿನಗಳಲ್ಲಿ ಡಿಗ್ರಿ, ಡಬಲ್ ಡಿಗ್ರಿ ಮಾತ್ರ ಸಾಲದು. ಅನೇಕ ಅಲ್ಪಾವಧಿಯ ಕೋರ್ಸ್ ಗಳನ್ನು ಯುವ ಜನತೆ ಮಾಡಲೇಬೇಕಾಗಿದೆ. ಏಕೆಂದರೆ ಓದಿನ ಜೊತೆ ಕೌಶಲ್ಯಭರಿತ ಕೋರ್ಸ್ ಗಳನ್ನು ಮಾಡಿದವರಿಗೆ ಉದ್ಯೋಗ ರಂಗದಲ್ಲಿ ಸಾಕಷ್ಟು ಬೇಡಿಕೆಗಳು ಇವೆ. ಸ್ಕಿಲ್ ಕೋರ್ಸ್ ಗಳ ಮಧ್ಯೆ ಒಂದಷ್ಟು ವಿಭಿನ್ನ-ವಿಚಿತ್ರ ಅನಿಸುವ ಕೋರ್ಸ್ ಗಳೂ ಇವೆ.
Dating Courses: ಬಯಸಿದ ವ್ಯಕ್ತಿಯನ್ನು ಮಾತನಾಡಿಸುವುದು, ಅವರ ಜೊತೆ ಪ್ರೀತಿಯ ಬಗ್ಗೆ ಪ್ರಸ್ತಾಪಿಸುವುದು ಎಲ್ಲರಿಗೂ ಸುಲಭವಲ್ಲ. ಇದನ್ನು ಹೇಳಿಕೊಡಲು ಕೋರ್ಸ್ ಒಂದಿದೆ. ಚೀನಾದಲ್ಲಿ ವಿಚ್ಛೇದನ ಪ್ರಮಾಣ ಹೆಚ್ಚಿದ್ದು, ಯುವಕರು ಮದುವೆಯಾಗದಿರಲು ನಿರ್ಧರಿಸಿದ್ದಾರೆ. ಇದರಿಂದ ಅಲ್ಲಿನ ಸರ್ಕಾರ ತೀವ್ರ ಅಸಮಾಧಾನಗೊಂಡಿದೆ. ಈ ಸಮಸ್ಯೆಯನ್ನು ನಿಭಾಯಿಸಲು ಚೀನಾದ ಜಿಯಾಟೊಂಗ್ ವಿಶ್ವವಿದ್ಯಾಲಯದಲ್ಲಿ ಡೇಟಿಂಗ್ ಕೋರ್ಸ್ ಆರಂಭಿಸಲಾಗಿದೆ. ಈ ಕೋರ್ಸ್ ಸಮಯದಲ್ಲಿ, ಸಂಭಾಷಣೆಯನ್ನು ಹೇಗೆ ಪ್ರಾರಂಭಿಸಬೇಕು ಎಂದು ವಿದ್ಯಾರ್ಥಿಗಳಿಗೆ ಕಲಿಸಲಾಗುತ್ತದೆ.
Decision Making Course: ಯಾವುದನ್ನಾದರೂ ಖರೀದಿಸುವ ಅಥವಾ ತಿನ್ನುವ ಮೊದಲು ಹಲವಾರು ಬಾರಿ ಯೋಚಿಸಬೇಕು. ಅನೇಕರಿಗೆ ಈ ರೀತಿಯ ಸಣ್ಣಪುಟ್ಟ ವಿಷಯಗಳಲ್ಲಿಯೂ ಗೊಂದಲ ಉಂಟಾಗುತ್ತದೆ. ನಿಮಗೂ ಹೀಗಾದರೆ ಅಮೆರಿಕದ ಇಂಡಿಯಾನಾ ಯೂನಿವರ್ಸಿಟಿಯಲ್ಲಿ ಡಿಸಿಷನ್ ಮೇಕಿಂಗ್ ಮತ್ತು ಬ್ರೈನ್ ಎಂಬ ಕೋರ್ಸ್ ಮಾಡಬಹುದು. ಇದರಲ್ಲಿ ಸರಿಯಾದ ನಿರ್ಧಾರ ತೆಗೆದುಕೊಳ್ಳಲು ವಿದ್ಯಾರ್ಥಿಗಳು ಸಿದ್ಧರಾಗಿರುತ್ತಾರೆ.
Wine Tasting Course: ಈ ರೀತಿಯ ವಿಚಿತ್ರ ಕೋರ್ಸ್ ಗಳು ವಿದೇಶದಲ್ಲಿ ಮಾತ್ರ ಎಂದುಕೊಂಡರೆ, ತಪ್ಪು. ಭಾರತದಲ್ಲೂ ಇಂತಹ ಕೋರ್ಸ್ ಗಳ ಟ್ರೆಂಡ್ ಹೆಚ್ಚುತ್ತಿದೆ. ಈ ದಿನಗಳಲ್ಲಿ ವೈನ್ ರುಚಿಯನ್ನು ನೋಡುವ ಕೋರ್ಸ್ ಗಳಿಗೆ ಹೆಚ್ಚಿನ ಬೇಡಿಕೆಯಿದೆ. ಇದು ವೃತ್ತಿ ಆಯ್ಕೆಯಾಗಿ ಹೊರಹೊಮ್ಮಿದೆ. ಚೆನ್ನೈ, ಬೆಂಗಳೂರು ಮತ್ತು ದೆಹಲಿಯಂತಹ ನಗರಗಳಲ್ಲಿ ವೈನ್ ರುಚಿಯ ಕೋರ್ಸ್ ಗಳನ್ನು ಕಲಿಸಲಾಗುತ್ತಿದೆ. ಅದರ ಪ್ರಮಾಣಪತ್ರವನ್ನು ಪಡೆದ ನಂತರ, ನೀವು ವೈನ್ ಪರೀಕ್ಷೆಯನ್ನು ಮಾಡಲು ಅರ್ಹರಾಗಿರುತ್ತೀರಿ.
The Art Of Walking Course: ಇಂದಿನ ದಿನಗಳಲ್ಲಿ ವಾಕಿಂಗ್ ಕೋರ್ಸ್ ಗಳನ್ನು ಸಹ ನಡೆಸಲಾಗುತ್ತಿದೆ. ಅಮೆರಿಕಾದ ಕೆಂಟುಕಿಯಲ್ಲಿರುವ ಸೆಂಟರ್ ಕಾಲೇಜ್, ದಿ ಆರ್ಟ್ ಆಫ್ ವಾಕಿಂಗ್ ಎಂಬ ಕೋರ್ಸ್ ಅನ್ನು ಹೊಂದಿದೆ. ಇದರಲ್ಲಿ ವಿದ್ಯಾರ್ಥಿಗಳಿಗೆ ಸರಿಯಾಗಿ ನಡೆಯಲು ತರಬೇತಿ ನೀಡಲಾಗುತ್ತದೆ. ಕೋರ್ಸ್ ಸಮಯದಲ್ಲಿ, ವಿದ್ಯಾರ್ಥಿಗಳು ಪ್ರತಿದಿನ ಬೆಳಿಗ್ಗೆ ಬೀಯಿಂಗ್ ಮತ್ತು ಟೈಮ್ ಪುಸ್ತಕವನ್ನು ಚರ್ಚಿಸುತ್ತಾರೆ. ಈ ಪುಸ್ತಕದಲ್ಲಿ ನಡವಳಿಕೆ, ಭಾಷೆ, ಸಮಯದ ಉಲ್ಲೇಖವಿದೆ. ಇದರ ನಂತರ ಮಧ್ಯಾಹ್ನ ಸೆಂಟ್ರಲ್ ಕೆಂಟುಕಿಯಲ್ಲಿ ವಾಕಿಂಗ್ ಅಭ್ಯಾಸ ಮಾಡಲಾಗುತ್ತದೆ.
