Career Tips: ಆಫೀಸ್ ಕೆಲಸ ಬೇಗ ಬೇಗ ಮುಗಿಯಬೇಕೆಂದರೆ ಈ ಸಿಂಪಲ್ ಟ್ರಿಕ್ಸ್ ಬಳಸಿ ಸಾಕು

ಈ ದೂರು ನಿಮ್ಮೊಬ್ಬರದ್ದೇ ಅಲ್ಲ, ಬಹುತೇಕ ಉದ್ಯೋಗಿಗಳು ಇದೇ ರೀತಿ ದೂರುತ್ತಾರೆ. ಅದರಲ್ಲೂ ಸಣ್ಣ ಬ್ರೇಕ್ ತೆಗೆದುಕೊಂಡು ಬಿಟ್ಟರೆ, ಆಫೀಸ್ ಮೀಟಿಂಗ್ ಗಳಿದ್ದರೆ ಆ ದಿನದ ಕೆಲಸ ಆಗೋದೇ ಇಲ್ಲ. ಆಫೀಸ್ ಕೆಲಸವನ್ನು ಬೇಗ ಬೇಗ ಮುಗಿಸಿದ್ರೆ ನಿರಾಳವಾಗಿರಬಹುದು. ಹಾಗಾದರೆ ಆಫೀಸ್ ಕೆಲಸಗಳು ಬೇಗ ಬೇಗ ಮುಗಿಯಬೇಕು ಅಂದ್ರೆ ಏನ್ ಮಾಡಬೇಕು. ಇದಕ್ಕಾಗಿ ಕೆಲವೊಂದು ಟಿಪ್ಸ್ & ಟ್ರಿಕ್ಸ್ ಇವೆ. ಅವುಗಳನ್ನು ಪಾಲಿಸಿದೆ ನಿಮ್ಮ ಕೆಲಸಗಳನ್ನು ವೇಗವಾಗಿ ಮಾಡಿ ಮುಗಿಸಬಹುದು.

1. ಕಾಣಿಸಿದ ಕೆಲಸವನ್ನು ಕೂಡಲೇ ಮಾಡಿ: ಕೆಲಸ ಕಂಡ ತಕ್ಷಣ ಮಾಡಿಬಿಡಿ. ಅಮೇಲೆ ಮಾಡ್ತಿನಿ, ಲಂಚ್ ಬ್ರೇಕ್ ಆದ ಮೇಲೆ ಮಾಡ್ತಿನಿ ಅಂದುಕೊಂಡರೆ ಆ ಕೆಲಸಗಳು ಮುಗಿಯೋದೇ ಇಲ್ಲ.

2. ಒಂದು ವೇಳಾಪಟ್ಟಿ ಇರಲಿ: ಈ ಸಮಯಕ್ಕೆ ಈ ಕೆಲಸವನ್ನು ಇಷ್ಟು ಸಮಯದೊಳಗೆ ಮಾಡಿ ಮುಗಿಸುವೆ ಎಂದು ನೀವೇ ಒಂದು ವೇಳಾಪಟ್ಟಿ ಮಾಡಿಕೊಳ್ಳಿ. ಒಂದು ದಿನ ಟೈಂ ಟೇಬಲ್ ಮೀರಿ ತಡವಾಗೋದು ಕಾಮನ್. ಹಾಗಾಂತ ಟೈಂ ಟೇಬಲ್ ಗೆ ಗುಡ್ ಬೈ ಹೇಳಬೇಡಿ. ಮರುದಿನ ಮತ್ತೆ ಬ್ಯಾಕ್ ಟು ದಿ ಟ್ರ್ಯಾಕ್. ನಿಮ್ಮ ವೇಳಾಪಟ್ಟಿಗೆ ಬದ್ಧರಾಗಿರಿ. (ಪ್ರಾತಿನಿಧಿಕ ಚಿತ್ರ)

3. ಒಂದು ಸಲಕ್ಕೆ ಒಂದೇ ಟಾಸ್ಕ್: ಒಂದು ಸಲಕ್ಕೆ ಒಂದೇ ಕೆಲಸವನ್ನು ಮಾಡಿ. ಒಂದೇ ಸಮಯದಲ್ಲಿ 2-3 ಕೆಲಸಗಳನ್ನು ಮಾಡಲು ಹೋದರೆ ಯಾವ ಕೆಲಸವೂ ಸಮಯಕ್ಕೆ ಸರಿಯಾಗಿ ಪೂರ್ಣಗೊಳ್ಳುವುದೇ ಇಲ್ಲ. (ಪ್ರಾತಿನಿಧಿಕ ಚಿತ್ರ)

4. ನಿಮ್ಮ ಫೋನ್ ಅನ್ನು ಸೈಲೆಂಟ್ ಮೋಡ್ ನಲ್ಲಿಡಿ: ಕೆಲಸ ಬೇಗ ಆಗಬೇಕು ಎಂದರೆ ನೀವು ನಿಮ್ಮ ಸ್ಮಾರ್ಟ್ ಫೋನ್ ನಿಂದ ದೂರವಿರಬೇಕು. ಮೆಸೇಜ್, ನೋಟಿಫಿಕೇಷನ್ ಬರುತ್ತಿದ್ದರೆ ನಿಮ್ಮ ಗಮನ ಫೋನ್ ಕಡೆ ಹೋಗುತ್ತೆ. ಇದರಿಂದ ಕೆಲಸದ ಸಮಯ ಹಾಳಾಗುತ್ತೆ. ಮೊಬೈಲ್ ಸೈಲೆಂಟ್ ಮೋಡ್ ನಲ್ಲಿಟ್ಟು ಕೆಲಸ ಮಾಡುವುದು ಬೆಸ್ಟ್.

5. ನಿಮಗೆ ಇಷ್ಟವಿಲ್ಲದ ಕೆಲಸವನ್ನು ಮೊದಲು ಮಾಡಿಬಿಡಿ: ನಿಮಗೆ ಇಷ್ಟವೇ ಇಲ್ಲದ ವರ್ಕ್ ಅನ್ನು ಮೊದಲು ಮಾಡಿದ್ರೆ ನಿಮ್ಮ ಮನಸ್ಸಿಗೆ ಸಮಾಧಾನವಿರುತ್ತದೆ. ಬೆಳಗ್ಗೆ ಆಫೀಸ್ ಗೆ ಬಂದ ಕೂಡಲೇ ಆ ಕೆಲಸವನ್ನು ಮಾಡಿ ಮುಗಿಸಿ. ಆಗ ಆಮೇಲೆ ಮಾಡೋಣ ಎಂಬ ಸೋಮಾರಿತನವೇ ಇರುವುದಿಲ್ಲ.

6. ಆದ್ಯತೆಗೆ ಅನುಸಾರವಾಗಿ ಕೆಲಸಗಳನ್ನು ಮಾಡಿ: ಯಾವುದು ಈ ಕ್ಷಣಕ್ಕೆ ಮಾಡಬೇಕಾದ ಕೆಲಸ, ಯಾವುದು ಕೊಂಚ ಸಮಯದ ಬಳಿಕವೂ ಮಾಡಬಹುದು ಎಂಬುವುದನ್ನು ನಿರ್ಧರಿಸಿ. ಆಗ ಅಗತ್ಯದ ಕೆಲಸಗಳನ್ನು ಮೊದಲು ಮಾಡಿ. (ಪ್ರಾತಿನಿಧಿಕ ಚಿತ್ರ)