UPSC Success Story: ಗೋಧಿ ಕೊಯ್ಲಿನಲ್ಲಿ ರೈತರಿಗೆ ಸಹಾಯ ಮಾಡಿದ ಡಿಸಿ; IAS ಅರ್ಚನಾ ವರ್ಮಾ ಸ್ಟೋರಿ ಇಲ್ಲಿದೆ

ಐಎಎಸ್ ಅಧಿಕಾರಿಯಾಗುವುದು ಸುಲಭವಲ್ಲ. ಆ ನಂತರ ಆ ಹುದ್ದೆಯ ಜವಾಬ್ದಾರಿಯನ್ನು ನಿಭಾಯಿಸುವುದು ಇನ್ನೂ ಕಷ್ಟ. ಕೆಲವು ಮಹಿಳಾ ಐಎಎಸ್ ಅಧಿಕಾರಿಗಳು ಮನೆ-ಕುಟುಂಬ ಮತ್ತು ಕಚೇರಿ ಎರಡರ ಜವಾಬ್ದಾರಿಯನ್ನು ಉತ್ತಮವಾಗಿ ನಿರ್ವಹಿಸುತ್ತಿದ್ದಾರೆ. ಅವರಲ್ಲಿ ಉತ್ತರ ಪ್ರದೇಶದ ಹತ್ರಾಸ್ ನ ಡಿಸಿ ಅರ್ಚನಾ ವರ್ಮಾ ಕೂಡ ಒಬ್ಬರು

ಅರ್ಚನಾ ವರ್ಮಾ ಉತ್ತರ ಪ್ರದೇಶದ ಬಸ್ತಿ ನಿವಾಸಿ. ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಪದವಿ ಪಡೆದಿದ್ದಾರೆ. ಅವರು ವಿದ್ಯುತ್ ಸ್ಥಾವರಗಳಲ್ಲಿ ಅನುಭವವನ್ನೂ ಹೊಂದಿದ್ದಾರೆ. ಅವಳು ಸಾಹಿತ್ಯ ಮತ್ತು ಕವಿತೆಗಳಲ್ಲಿ ಬಹಳ ಆಸಕ್ತಿ ಹೊಂದಿದ್ದಾರೆ.

ಹತ್ರಾಸ್ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಅರ್ಚನಾ ವರ್ಮಾ ಅವರು ತಮ್ಮ ಟ್ವಿಟ್ಟರ್ ಬಯೋದಲ್ಲಿ ಪ್ರಾಣಿ ಪ್ರೇಮಿಯೂ ಹೌದು ಎಂದು ಬರೆದುಕೊಂಡಿದ್ದಾರೆ. ಐಎಎಸ್ ಅರ್ಚನಾ ವರ್ಮಾ ಅವರು ತಮ್ಮ ಗರ್ಭಾವಸ್ಥೆಯಲ್ಲಿಯೂ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದರು.

ಐಎಎಸ್ ಅಧಿಕಾರಿಗಳು ಸೆಲೆಬ್ರಿಟಿಗಿಂತ ಕಡಿಮೆಯಿಲ್ಲ. ಅವರ ಫೋಟೋಗಳು ಮತ್ತು ಅವರಿಗೆ ಸಂಬಂಧಿಸಿದ ಸುದ್ದಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುವುದು ಸಾಮಾನ್ಯವಾಗಿದೆ. ಕೆಲವು ದಿನಗಳ ಹಿಂದೆ ಹತ್ರಾಸ್ ಡಿಎಂ ಅರ್ಚನಾ ವರ್ಮಾ ಅವರ ಫೋಟೋ ವೈರಲ್ ಆಗಿತ್ತು.

ಜಿಲ್ಲಾಧಿಕಾರಿಯಾಗಿದ್ದರು ರೈತರಿಗೆ ಕೊಯ್ಲು ಮಾಡಲು ಸಹಾಯ ಮಾಡಿದ್ದರು. ಜಿಲ್ಲಾಧಿಕಾರಿಯೇ ಸಹಾಯ ಮಾಡಿದ್ದನ್ನು ಕಂಡು ರೈತರು ಅಚ್ಚರಿ ವ್ಯಕ್ತಪಡಿಸಿದ್ದರು. ನಂತರ ಮಹಿಳಾ ಡಿಸಿ ಬೆಳೆ ಉತ್ಪಾದನೆ, ಹವಾಮಾನದ ಪರಿಣಾಮ, ಬೆಳೆ ಗುಣಮಟ್ಟ ಇತ್ಯಾದಿ ಕುರಿತು ರೈತರಿಂದ ಮಾಹಿತಿ ಪಡೆದರು.

ಐಎಎಸ್ ಅರ್ಚನಾ ವರ್ಮಾ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಅವರು ಆಗಾಗ್ಗೆ ತಮ್ಮ ಪತಿ, ಮಕ್ಕಳು ಮತ್ತು ಇತರ ಕುಟುಂಬ ಸದಸ್ಯರೊಂದಿಗೆ ಫೋಟೋಗಳನ್ನು ಟ್ವಿಟರ್ ನಲ್ಲಿ ಹಂಚಿಕೊಳ್ಳುತ್ತಾರೆ.

ಅರ್ಚನಾ ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. ತನ್ನ ಬಿಡುವಿಲ್ಲದ ಕೆಲಸದ ಮಧ್ಯೆಯೂ ಮಕ್ಕಳೊಂದಿಗೆ ಸಮಯ ಕಳೆಯಲು ಆಕೆ ತನ್ನ ಕೈಲಾದಷ್ಟು ಪ್ರಯತ್ನಿಸುತ್ತಾರೆ. ಈ ಕಾರಣಕ್ಕಾಗಿ, ಅರ್ಚನಾ ವರ್ಮಾ ಕೆಲವೊಮ್ಮೆ ತನ್ನೊಂದಿಗೆ ಸರ್ಕಾರಿ ಕಚೇರಿಗಳಿಗೆ ಮಕ್ಕಳನ್ನು ಕರೆದುಕೊಂಡು ಹೋಗುತ್ತಾರೆ.