UPSC Success Story: ದೊಡ್ಡ ದೊಡ್ಡ ಉದ್ಯೋಗದ ಆಫರ್ ರಿಜೆಕ್ಟ್ ಮಾಡಿ IPS ಆದ ದಿಟ್ಟೆ

ಐಪಿಎಸ್ ಆಗಬೇಕು ಎಂದು ಕನಸು ಕಂಡಿದ್ದ ಹುಡುಗಿ ಇಸ್ರೋದಲ್ಲಿ ವಿಜ್ಞಾನಿಯಾಗುವ ಪ್ರಸ್ತಾಪವನ್ನು ತಿರಸ್ಕರಿಸಿದರು. ಇದಲ್ಲದೇ ಮಾರುತಿಯಂತಹ ಹಲವು ಕಂಪನಿಗಳಿಂದ ಬಂದಿದ್ದ 6 ಉದ್ಯೋಗದ ಆಫರ್ ಗಳನ್ನು ತಿರಸ್ಕರಿಸಿ ಯುಪಿಎಸ್ ಸಿ ಪರೀಕ್ಷಾ ತಯಾರಿಯಲ್ಲಿ ತೊಡಗಿದ್ರು. ಐಪಿಎಸ್ ತೃಪ್ತಿ ಭಟ್ ಅವರ ಸಕ್ಸಸ್ ಸ್ಟೋರಿ ಇಲ್ಲಿದೆ ನೋಡಿ.

ಐಪಿಎಸ್ ತೃಪ್ತಿ ಭಟ್ ಅಲ್ಮೋರಾದ ಶಿಕ್ಷಕ ಕುಟುಂಬಕ್ಕೆ ಸೇರಿದವರು. ನಾಲ್ಕು ಒಡಹುಟ್ಟಿದವರಲ್ಲಿ ತೃಪ್ತಿ ಹಿರಿಯರು. ಇವರು ತಮ್ಮ ಶಾಲಾ ಶಿಕ್ಷಣವನ್ನು ಬೀರ್ಶೆಬಾ ಶಾಲೆಯಿಂದ ಮಾಡಿದರು. ಕೇಂದ್ರೀಯ ವಿದ್ಯಾಲಯದಿಂದ 12ನೇ ತರಗತಿ ಮಾಡಿದ್ದಾರೆ. ಇದಾದ ನಂತರ ಪಂತನಗರ ವಿಶ್ವವಿದ್ಯಾಲಯದಲ್ಲಿ ಬಿ.ಟೆಕ್ ಪದವಿ ಪೂರೈಸಿದ್ದಾರೆ.

ಐಪಿಎಸ್ ತೃಪ್ತಿ ಭಟ್ ಅವರು ಪಂತನಗರ್ ವಿಶ್ವವಿದ್ಯಾಲಯದಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್ ನಲ್ಲಿ ಬಿಟೆಕ್ ಮಾಡಿದ್ದಾರೆ. ಇದಾದ ನಂತರ ಬೆಂಗಳೂರಿನ ಇಸ್ರೋದಲ್ಲಿ ಸೈಂಟಿಸ್ಟ್ ಸಿ ಹುದ್ದೆಯ ಸೇರಿದಂತೆ ಆರು ಸರ್ಕಾರಿ ಮತ್ತು ಸರ್ಕಾರೇತರ ಪ್ರತಿಷ್ಠಿತ ಸಂಸ್ಥೆಗಳಿಂದ ಅವರಿಗೆ ಉದ್ಯೋಗದ ಆಫರ್ ಗಳು ಬಂದವು. ಎಲ್ಲವನ್ನೂ ತಿರಸ್ಕರಿಸಿ ಐಪಿಎಸ್ ಆಗಲು ಆದ್ಯತೆ ನೀಡಿದ್ದರು.

ತೃಪ್ತಿ ಭಟ್ ಒಂಬತ್ತನೇ ತರಗತಿಯಲ್ಲಿ ಅಂದಿನ ರಾಷ್ಟ್ರಪತಿ ಡಾ.ಎಪಿಜೆ ಅಬ್ದುಲ್ ಕಲಾಂ ಅವರನ್ನು ಭೇಟಿಯಾದರು. ಅಲ್ಮೋರಾದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಕಲಾಂ ಅವರನ್ನು ಭೇಟಿಯಾಗುವ ಅವಕಾಶ ಸಿಕ್ಕಿತು. ಸಭೆಯಲ್ಲಿ ಕಲಾಂ ಅವರಿಂದ ಪಡೆದ ಕೈಬರಹದ ಪತ್ರ ತೃಪ್ತಿ ಭಟ್ ಅವರನ್ನು ಪ್ರೇರೇಪಿಸಿತು.

ಐಪಿಎಸ್ ತೃಪ್ತಿ ಭಟ್ ರಾಷ್ಟ್ರೀಯ ಮಟ್ಟದ 16 ಮತ್ತು 14 ಕಿಮೀ ಮ್ಯಾರಥಾನ್ ಮತ್ತು ರಾಜ್ಯ ಮಟ್ಟದ ಬ್ಯಾಡ್ಮಿಂಟನ್ ಸ್ಪರ್ಧೆಯಲ್ಲಿ ಚಿನ್ನದ ಪದಕ ವಿಜೇತರಾಗಿದ್ದಾರೆ. ಇದರೊಂದಿಗೆ ಟೇಕ್ವಾಂಡೋ ಮತ್ತು ಕರಾಟೆಯಲ್ಲಿಯೂ ಪ್ರವೀಣರಾಗಿದ್ದಾರೆ.

ಮೊದಲ ಪ್ರಯತ್ನದಲ್ಲೇ ತೃಪ್ತಿ ಭಟ್ ಐಪಿಎಸ್ ಆದರು. UPSC ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ಅವರು 165 ನೇ ರ್ಯಾಂಕ್ ಪಡೆದಿದ್ದರು. ಆಕೆ 2013ರ ಬ್ಯಾಚ್ ನ ಐಪಿಎಸ್. ನಿಷ್ಠೆಯ ಪೊಲೀಸ್ ಅಧಿಕಾರಿ ಎಂದು ಪರಿಗಣಿಸಲಾಗಿದೆ. ಅಪರಾಧಿಗಳಲ್ಲೂ ನಡುಕ ಹುಟ್ಟಿಸಿದ್ದಾರೆ.

ಜೀವನದಲ್ಲಿ ಗುರಿ ಹೊಂದಿದ ಮೇಲೆ ಅದಕ್ಕಿಂತ ಕಡಿಮೆ ಆಗಿರುವ ಏನನ್ನೂ ಒಪ್ಪಿಕೊಳ್ಳಬೇಡಿ. ಯುಪಿಎಸ್ ಸಿ ಪರೀಕ್ಷೆ ತಯಾರಿಗೆ ಸಮರ್ಪಣಾ ಭಾವ ಮುಖ್ಉ ಎಂದು ತೃಪ್ತಿ ಭಟ್ ಯುಪಿಎಸ್ ಸಿ ಪರೀಕ್ಷಾ ಅಭ್ಯರ್ಥಿಗಳಿಗೆ ಸಲಹೆ ನೀಡುತ್ತಾರೆ.