Youngest IAS Officers: ಚಿಕ್ಕ ವಯಸ್ಸಿನಲ್ಲೇ UPSC ಪಾಸ್ ಮಾಡಿ ಐಎಎಸ್ ಆದ ಸಾಧಕರಿವರು

ಆದರೆ, ಕೆಲವರು ಅತ್ಯಂತ ಕಿರಿಯ ವಯಸ್ಸಿನಲ್ಲೇ, ಅದರಲ್ಲೂ ಮೊದಲ ಪ್ರಯತ್ನದಲ್ಲೇ ಯಶಸ್ಸಿನ ಪತಾಕೆಯನ್ನು ಹಾರಿಸುತ್ತಾರೆ. ಅಂತಹ ಕೆಲವು IAS ಅಧಿಕಾರಿಗಳು ಅತ್ಯಂತ ಚಿಕ್ಕ ವಯಸ್ಸಿನಲ್ಲಿ ಯಶಸ್ಸನ್ನು ಗಳಿಸಿದ್ದಾರೆ.

ಅಂತಹ ಕೆಲವು ಐಎಎಸ್ ಅಧಿಕಾರಿಗಳ ಬಗ್ಗೆ ನಾವು ಇಂದು ಹೇಳಲಿದ್ದೇವೆ. ಕೇವಲ 21-22 ವರ್ಷ ವಯಸ್ಸಿನಲ್ಲೇ UPSC ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ಮೂಲಕ IAS ಆಗಿದ್ದಾರೆ ಇವರು. ಆ ಕುರಿತ ಒಂದು ರಿಪೋರ್ಟ್ ಇಲ್ಲಿದೆ. (ಪ್ರಾತಿನಿಧಿಕ ಚಿತ್ರ)

ಐಎಎಸ್ ರೋಮನ್ ಸೈನಿ ಮಧ್ಯಪ್ರದೇಶ ಕೇಡರ್ ಗೆ ಸೇರಿದವರು. ಅನ್ಸಾರ್ ಅಹ್ಮದ್ ಶೇಖ್ ನಂತರ ಇವರು ದೇಶದ ಅತ್ಯಂತ ಕಿರಿಯ ಐಎಎಸ್ ಎನಿಸಿಕೊಂಡರು. ರೋಮನ್ ಸೈನಿ ಕೇವಲ 22 ನೇ ವಯಸ್ಸಿನಲ್ಲಿ UPSC ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ಅಖಿಲ ಭಾರತ 18 ನೇ ಶ್ರೇಣಿಯೊಂದಿಗೆ ಉತ್ತೀರ್ಣರಾದರು. 2013 ರ ಬ್ಯಾಚ್ ಐಎಎಸ್ ಆಗಿರುವ ರೋಮನ್ ಸೈನಿ ಅವರು 2015 ರಲ್ಲಿ ತಮ್ಮ ಸೇವೆಗೆ ರಾಜೀನಾಮೆ ನೀಡಿದರು. ಶೈಕ್ಷಣಿಕ ತಂತ್ರಜ್ಞಾನ ಕಂಪನಿಯಾದ ಅನಾಕಾಡೆಮಿಯನ್ನು ಪ್ರಾರಂಭಿಸಿದರು.

ರಾಜಸ್ಥಾನದ ಸಿಕಾರ್ ನಿವಾಸಿ ಸ್ವಾತಿ ಮೀನಾ ನಾಯಕ್ ಕೇವಲ 22ನೇ ವಯಸ್ಸಿನಲ್ಲಿ ಐಎಎಸ್ ಅಧಿಕಾರಿಯಾದರು. 2007ರ ಬ್ಯಾಚ್ ನ ಐಎಎಸ್ ಅಧಿಕಾರಿ ಸ್ವಾತಿ ಮೀನಾ ಯುಪಿಎಸ್ಸಿ ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ 260ನೇ ರ್ಯಾಂಕ್ ಗಳಿಸಿದ್ದಾರೆ. ಈಕೆ ಎಂಪಿ ಕೇಡರ್ ನ ಅಧಿಕಾರಿ.

ಮೃತೇಶ್ ಔರಂಗಾಬಾದ್ಕರ್ ಗುಜರಾತ್ ಕೇಡರ್ ನ ಐಎಎಸ್ ಅಧಿಕಾರಿ. 2011ರ ಬ್ಯಾಚ್ ನ ಐಎಎಸ್ ಅಮೃತೇಶ್ ಆದ ಇವರು ಕೇವಲ 22ನೇ ವಯಸ್ಸಿನಲ್ಲಿ ಸಿವಿಲ್ ಸರ್ವೀಸ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ಮೂಲಕ ಯಶಸ್ಸಿನ ಪತಾಕೆ ಹಾರಿಸಿದ್ದಾರೆ. ಇವರು ಅಖಿಲ ಭಾರತ 10 ನೇ ರ್ಯಾಂಕ್ ಪಡೆದಿದ್ದರು.

ಐಎಎಸ್ ಅಂಕುರ್ ಗರ್ಗ್ ಅವರು 2002 ರಲ್ಲಿ ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ಅಗ್ರಸ್ಥಾನ ಪಡೆದರು. ಆಗ ಅಂಕುರ್ ಗೆ ಕೇವಲ 22 ವರ್ಷ. ಅಂಕುರ್ ಗಾರ್ಗ್ ದೆಹಲಿಯ ಐಐಟಿಯಿಂದ ಪದವಿ ಮತ್ತು ಹಾರ್ವರ್ಡ್ ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ.

ಸಿಮಿ ಕಿರಣ್ ಐಐಟಿ ಬಾಂಬೆಯಿಂದ ಪದವೀಧರರಾಗಿದ್ದಾರೆ. ಸಿಮಿ ಒಡಿಶಾ ಮೂಲದವರು. ಅವರು 2019 ರಲ್ಲಿ UPSC CSE ನಲ್ಲಿ ಉತ್ತೀರ್ಣರಾಗುವ ಮೂಲಕ 31ನೇ ರ್ಯಾಂಕ್ ಗಳಿಸಿದ್ದರು. ಇವರು UPSC ಉತ್ತೀರ್ಣರಾದ ಒಡಿಶಾದ ಅತ್ಯಂತ ಕಿರಿಯ ಅಭ್ಯರ್ಥಿಯೂ ಹೌದು.