UPSC CSE ಪರ್ಸನಾಲಿಟಿ ಟೆಸ್ಟ್ ಇ-ಸಮ್ಮನ್ ಪತ್ರ ಪ್ರಕಟ: ಈ ರೀತಿ ಡೌನ್​​ಲೋಡ್​ ಮಾಡಿ

ಸಿಎಸ್ಇ 2022 ಮುಖ್ಯ ಲಿಖಿತ ಪರೀಕ್ಷೆಯಲ್ಲಿ ಅರ್ಹತೆ ಪಡೆದ ಅಭ್ಯರ್ಥಿಗಳು ಇ-ಸಮ್ಮನ್ ಪತ್ರವನ್ನು ಡೌನ್ಲೋಡ್ ಮಾಡಬಹುದು. ಇ-ಸಮ್ಮನ್ ಪತ್ರಗಳನ್ನು ಮಾರ್ಚ್ 10, 2023 ರವರೊಳಗೆ ಡೌನ್ ಲೋಡ್ ಮಾಡಬೇಕು. ಪ್ರಾತಿನಿಧಿಕ ಚಿತ್ರ

ಲೆಟರ್ ಅನ್ನು ಡೌನ್ ಲೋಡ್ ಮಾಡಲು ಮೊದಲಿಗೆ, UPSC ಯ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ. ಮುಖಪುಟದಲ್ಲಿ, ‘What’s New’ ವಿಭಾಗದ ಅಡಿಯಲ್ಲಿ 'ಪ್ರಮುಖ ಸೂಚನೆ: ನಾಗರಿಕ ಸೇವೆಗಳ (ಮುಖ್ಯ) ಪರೀಕ್ಷೆ, 2022' ಅನ್ನು ಕ್ಲಿಕ್ ಮಾಡಿ. ಪರೀಕ್ಷೆಯ ಹೆಸರಿನ ಮುಂದಿನ ಲಿಂಕ್ ಅನ್ನು ಕ್ಲಿಕ್ ಮಾಡಿ ನಂತರ ಹೊಸ ವಿಂಡೋ ತೆರೆಯುತ್ತದೆ

ನಿಮ್ಮ 7 ಅಂಕಿಯ ರೋಲ್ ಸಂಖ್ಯೆ, ಹುಟ್ಟಿದ ದಿನಾಂಕ ಮತ್ತು ನೀಡಿರುವ ಕ್ಯಾಪ್ಚಾ ಕೋಡ್ ಅನ್ನು ನಮೂದಿಸಿ. ಈಗ ನಿಮ್ಮ ಇ-ಸಮ್ಮನ್ ಪತ್ರವನ್ನು ಪರದೆಯ ಮೇಲೆ ಪ್ರದರ್ಶಿಸಲಾಗುತ್ತದೆ. ಡೌನ್ಲೋಡ್ ಮಾಡಿ ಮತ್ತು ಪತ್ರದ ಪ್ರಿಂಟ್ ಔಟ್ ತೆಗೆದುಕೊಳ್ಳಿ.

ನಾಗರಿಕ ಸೇವೆಗಳ ಪರೀಕ್ಷೆ 2022ರ ಸೆಪ್ಟೆಂಬರ್ 16 ರಂದು ಪ್ರಾರಂಭವಾಗಿ ಸೆಪ್ಟೆಂಬರ್ 25 ರಂದು ಮುಕ್ತಾಯಗೊಂಡಿತು. ಡಿಸೆಂಬರ್ 6, 2022 ರಂದು ಪರೀಕ್ಷೆಯ ಫಲಿತಾಂಶವನ್ನು ಪ್ರಕಟಿಸಲಾಗಿದೆ.

CSE ಮುಖ್ಯಪರೀಕ್ಷೆಗೆ ಹಾಜರಾದ ಒಟ್ಟು 2,529 ಅಭ್ಯರ್ಥಿಗಳು ವ್ಯಕ್ತಿತ್ವ ಪರೀಕ್ಷೆಗೆ ಅರ್ಹತೆ ಪಡೆದಿದ್ದಾರೆ. UPSC 1,026 ಅಭ್ಯರ್ಥಿಗಳಿಗೆ ಇ-ಸಮ್ಮನ್ ಪತ್ರಗಳನ್ನು ಬಿಡುಗಡೆ ಮಾಡಿದೆ. ಮೊದಲ ಹಂತದಲ್ಲಿ ವ್ಯಕ್ತಿತ್ವ ಪರೀಕ್ಷೆಗೆ ಹಾಜರಾಗುತ್ತಾರೆ. ಉಳಿದ ಅಭ್ಯರ್ಥಿಗಳಿಗೆ ಇ-ಸಮ್ಮನ್ ಪತ್ರಗಳನ್ನು ಫೆಬ್ರವರಿಯಲ್ಲಿ UPSC ವೆಬ್ ಸೈಟ್ ನಲ್ಲಿ ಅಪ್ ಲೋಡ್ ಮಾಡಬೇಕಾಗುತ್ತದೆ.

ಸಂದರ್ಶನಗಳ ದಿನಾಂಕ ಮತ್ತು ಸಮಯದಲ್ಲಿ ಬದಲಾವಣೆ ಇಲ್ಲ ಎಂದು UPSC ಸ್ಪಷ್ಟಪಡಿಸಿದೆ ಎಂಬುದನ್ನು ಗಮನಿಸಬೇಕು. ನಿಗದಿತ ದಿನಾಂಕ ಮತ್ತು ಸಮಯದ ಪ್ರಕಾರ ಅಭ್ಯರ್ಥಿಗಳು ತಮ್ಮ ಗೊತ್ತುಪಡಿಸಿದ ಕೇಂದ್ರದಲ್ಲಿ ವರದಿ ಮಾಡಬೇಕು.

ಮೊದಲ ಹಂತದಲ್ಲಿ 1,026 ಅಭ್ಯರ್ಥಿಗಳಿಗೆ ಪೂರ್ಣ ವ್ಯಕ್ತಿತ್ವ ಪರೀಕ್ಷೆಯ ವೇಳಾಪಟ್ಟಿಯನ್ನು ಯುಪಿಎಸ್ ಸಿ ವೆಬ್ ಸೈಟ್ ನಲ್ಲಿ ಅಪ್ ಲೋಡ್ ಮಾಡಲಾಗಿದೆ. ಅಭ್ಯರ್ಥಿಗಳು ಪಿಡಿಎಫ್ ಡಾಕ್ಯುಮೆಂಟ್ ನಲ್ಲಿ ತಮ್ಮ ರೋಲ್ ಸಂಖ್ಯೆಯನ್ನು ಪರಿಶೀಲಿಸಬಹುದು.