Weird Jobs: ನಿಮ್ಮ ಕೆಲಸದ ಮೇಲೆ ಜಿಗುಪ್ಸೆಯೇ? ಈ ಉದ್ಯೋಗಗಳ ಬಗ್ಗೆ ತಿಳಿದರೆ ಅಭಿಪ್ರಾಯ ಬದಲಾಗುತ್ತೆ!

ಜಗತ್ತಿನಲ್ಲಿ ಅನೇಕರು ವಿಚಿತ್ರ ರೀತಿಯಲ್ಲಿ ಹಣ ಗಳಿಸುತ್ತಾರೆ. ಇಂದು ನಾವು ನಿಮಗೆ ಭಾರತದಲ್ಲಿನ ಕೆಲವು ವಿಚಿತ್ರ ಉದ್ಯೋಗಗಳ ಬಗ್ಗೆ ಹೇಳಲಿದ್ದೇವೆ. ಇವುಗಳ ಬಗ್ಗೆ ತಿಳಿದರೆ ಅಚ್ಚರಿ ಆಗೋದು ಗ್ಯಾರೆಂಟಿ.

1. ಉರಿ ಮೀಸೆ ಇದ್ದರಿಗೆ ಉದ್ಯೋಗ: ರಾಜಸ್ಥಾನದ ಸ್ಟಾರ್ ಹೋಟೆಲ್ ಗಳು, ರೆಸ್ಟೋರೆಂಟ್ ಗಳಲ್ಲಿ ಉರಿ ಮೀಸೆ ಇರುವವರು ಪೇಟ ತೊಟ್ಟು ಗ್ರಾಹಕರನ್ನು ಸ್ವಾಗತಿಸುತ್ತಾರೆ. ಇದನ್ನು ಗೌರವದ ಸಂಕೇತ ಎಂದು ಬಿಂಬಿಸಲಾಗುತ್ತೆ. ಈ ಉದ್ಯೋಗಕ್ಕೆ ಬೇಕಿರುವ ಅರ್ಹತೆ ಮೀಸೆ ಎಂದರೆ ನೀವು ನಂಬಲೇಬೇಕು.

2. ಸಾವಿನ ಮನೆಯಲ್ಲಿ ಅಳುವುದು: ಹೌದು ಸಾವಿನ ಮನೆಯಲ್ಲಿ ಅಳುವ ಕೆಲಸವೂ ಇದೆ. ಇದಕ್ಕಾಗಿ ಜನ ಹಣವನ್ನೂ ನೀಡುತ್ತಾರೆ. ಇವರನ್ನು ರುಡಾಲಿಗಳು ಎಂದು ಕರೆಯುತ್ತಾರೆ. ಇವರು ಹೆಚ್ಚಾಗಿ ರಾಜಸ್ಥಾನದಲ್ಲಿ ಕಂಡುಬರುತ್ತದೆ.

3. ಪಾಂಡಗಳು: ಪೂರ್ವಜರ ಇತಿಹಾಸ ಅಂದರೆ ಕನಿಷ್ಠ ಹತ್ತು ತಲೆಮಾರುಗಳನ್ನು ಪತ್ತೆಹಚ್ಚುವುದು ಇವರ ಕೆಲಸವಾಗಿದೆ. 'ಪಾಂಡಗಳು' ಎಂದೂ ಕರೆಯಲ್ಪಡುವ ಇವರು ಹೆಚ್ಚಾಗಿ ಹರಿದ್ವಾರದಲ್ಲಿ ಕಂಡುಬರುತ್ತಾರೆ. ಕೆಲವು ಹಿಂದೂ ಕುಟುಂಬಗಳ ವಂಶಾವಳಿಯ ದಾಖಲೆಗಳನ್ನು ಇಟ್ಟುಕೊಳ್ಳುತ್ತಾರೆ.

4. ಬಾಲ್ ಇನ್ಸ್ ಪೆಕ್ಟರ್: ಭಾರತದಲ್ಲಿ ಕ್ರಿಕೆಟ್ ಕ್ರೇಜ್ ಎಷ್ಟಿದೆ ಎಂದು ಹೇಳುವ ಅಗತ್ಯವಿಲ್ಲ. ಕ್ರಿಕೆಟ್ ಮ್ಯಾಚ್ ನಡೆಯುವಾಗ ಅನೇಕ ವೃತ್ತಿಪರರು ಬೇಕಾಗುತ್ತಾರೆ. ಪ್ರತಿ ಪಂದ್ಯಕ್ಕೂ ಬಾಲ್ ಇನ್ ಸ್ಪೆಕ್ಟರ್ ಇರಬೇಕು. ಇವರು ಅಂತರಾಷ್ಟ್ರೀಯ ಕ್ರಿಕೆಟ್ ಪಂದ್ಯಗಳಲ್ಲಿ ಬಳಸುವ ಪ್ರತಿಯೊಂದು ಚೆಂಡನ್ನು ಖುದ್ದಾಗಿ ಪರಿಶೀಲಿಸುತ್ತಾರೆ.

5. ವಾಟರ್ ಸ್ಲೈಡ್ ಪರೀಕ್ಷಕ: ವಾಟರ್ ಪಾರ್ಕ್ ಸಾರ್ವಜನಿಕರಿಗೆ ತೆರೆಯುವ ಮೊದಲು ಪ್ರತಿ ನೀರಿನ ಸ್ಲೈಡ್ ಮತ್ತು ರೈಡ್ ಅನ್ನು ಪರಿಶೀಲಿಸುವ ಕೆಲಸ ಇವರದ್ದು. ಇವರು ಆಡಿದ ಬಳಿಕವೇ ಬೇರೆಯವರಿಗೆ ಆಡಲು ಅವಕಾಶ ಕೊಡಲಾಗುತ್ತೆ.

6. ಶವಗಳ ಫೋಟೋ ತೆಗೆಯುವುದು ಕೂಡ ಒಂದು ಉದ್ಯೋಗ. ಪವಿತ್ರ ನಗರಿ ವಾರಣಾಸಿಯಲ್ಲಿ ಜನರು ಶವಸಂಸ್ಕಾರಕ್ಕೆ ಹೋಗುತ್ತಾರೆ. ಗಂಗಾನದಿ ಸಮೀಪ ಸತ್ತವರ ಫೋಟೋ ತೆಗೆಯುವುದು ಇವರ ಕೆಲಸ. ಒಬ್ಬ ಫೋಟೋಗ್ರಾಫರ್ ದಿನಕ್ಕೆ ₹1,500 ರಿಂದ ₹2,500 ಗಳಿಸುತ್ತಾರೆ.