2nd PUC ಬಳಿಕ ಕಡಿಮೆ ಫೀಸಿನ ಈ ಕೋರ್ಸ್ ಮಾಡಿ ಕೂಡಲೇ ಉದ್ಯೋಗ ಮಾಡಬಹುದು

2nd PUC ಬಳಿಕ ಕಡಿಮೆ ಫೀಸಿನ ಈ ಕೋರ್ಸ್ ಮಾಡಿ ಕೂಡಲೇ ಉದ್ಯೋಗ ಮಾಡಬಹುದು. ಅದಕ್ಕೆ ಡಿಪ್ಲೊಮಾ ಆಯ್ಕೆ ಉತ್ತಮ. ಡಿಪ್ಲೊಮಾ ಕೋರ್ಸ್ ಗಳು 6 ತಿಂಗಳಿಂದ 2 ವರ್ಷಗಳವರೆಗೆ ಇರುತ್ತದೆ. ನಿಮ್ಮ ಆಯ್ಕೆಯ ಪ್ರಕಾರ ನೀವು ಡಿಪ್ಲೊಮಾ ಕೋರ್ಸ್ ಮಾಡಬಹುದು.

1) ಇಂಜಿನಿಯರಿಂಗ್: 10ನೇ ಅಥವಾ ಸೆಕೆಂಡ್ ಪಿಯು ನಂತರ ಎಂಜಿನಿಯರಿಂಗ್ ನಲ್ಲಿ ಡಿಪ್ಲೊಮಾ ಮಾಡಬಹುದು. ಕೆಮಿಕಲ್, ಕಂಪ್ಯೂಟರ್, ಸಿವಿಲ್, ಆಟೋಮೊಬೈಲ್ ಮತ್ತು ಮೆಕ್ಯಾನಿಕಲ್ ಕ್ಷೇತ್ರಗಳಲ್ಲಿ ಡಿಪ್ಲೊಮಾ ಮಾಡಬಹುದು. ಎಂಜಿನಿಯರಿಂಗ್ ಪದವಿಯ ನಂತರವೂ ಅನೇಕರು ವಿಶೇಷತೆಗಾಗಿ ಡಿಪ್ಲೊಮಾ ಮಾಡುತ್ತಾರೆ. (ಪ್ರಾತಿನಿಧಿಕ ಚಿತ್ರ)

2) ಡಿಪ್ಲೊಮಾ ಮುಗಿಸಿ ಶಿಕ್ಷಕರಾಗಬಹುದು: ಅನೇಕರು ಟೀಚಿಂಗ್ ಫೀಲ್ಡ್ ಅನ್ನು ಇಷ್ಟಪಡುತ್ತಾರೆ. ಶಿಕ್ಷಕರಾಗಲು ಪದವಿಗೆ ಖಂಡಿತವಾಗಿಯೂ ಆದ್ಯತೆ ನೀಡಲಾಗುತ್ತದೆ. ಆದರೆ ಕೆಲವು ಡಿಪ್ಲೊಮಾ ಕೋರ್ಸ್ಗಳು ಶಿಕ್ಷಕರಾಗಲು ಸಹಾಯ ಮಾಡುತ್ತವೆ. D.Ed, NTT, ಮತ್ತು ETE ನಂತಹ ಡಿಪ್ಲೊಮಾ ಕೋರ್ಸ್ಗಳ ಮೂಲಕ ನೀವು ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕ ಹುದ್ದೆ ಪಡೆಯಬಹುದು.

3) ಫಾರಿನ್ ಲಾಂಗ್ವೇಜ್ ಕೋರ್ಸ್ ಮಾಡಬಹುದು: ಪ್ರಸ್ತುತ ವಿದೇಶಿ ಭಾಷೆಗಳ ಜ್ಞಾನ ಹೊಂದಿರುವ ಜನರಿಗೆ ಸಾಕಷ್ಟು ಬೇಡಿಕೆಯಿದೆ. ವಿದೇಶಿ ಭಾಷೆಯಲ್ಲಿ ಡಿಪ್ಲೊಮಾದೊಂದಿಗೆ ನೀವು ಶಾಲೆಯಲ್ಲಿ ಭಾಷಾಂತರಕಾರ, ಮಾರ್ಕೆಟಿಂಗ್ ಮ್ಯಾನೇಜರ್ ಅಥವಾ ಆ ಭಾಷೆಯ ಶಿಕ್ಷಕರಾಗಿ ಕೆಲಸವನ್ನು ಸುಲಭವಾಗಿ ಪಡೆಯಬಹುದು. ಪ್ರಸ್ತುತ ಚೈನೀಸ್, ಸ್ಪ್ಯಾನಿಷ್, ಫ್ರೆಂಚ್ ಮತ್ತು ಜಪಾನೀಸ್ ಭಾಷೆ ಬಲ್ಲವರಿಗೆ ಹೆಚ್ಚಿನ ಬೇಡಿಕೆಯಿದೆ.

4) ಡಿಸೈನರ್: ಫ್ಯಾಷನ್ ಡಿಸೈನಿಂಗ್, ಇಂಟೀರಿಯರ್ ಡಿಸೈನಿಂಗ್, ಗ್ರಾಫಿಕ್ಸ್ ಡಿಸೈನಿಂಗ್ ಅಥವಾ ಜ್ಯುವೆಲ್ಲರಿ ಡಿಸೈನಿಂಗ್ ನಂತಹ ಯಾವುದೇ ರೀತಿಯ ಶಿಕ್ಷಣಕ್ಕಾಗಿ 6 ತಿಂಗಳಿಂದ 1 ವರ್ಷದವರೆಗೆ ಡಿಪ್ಲೊಮಾ ಇನ್ ಡಿಸೈನಿಂಗ್ ಕೋರ್ಸ್ ಗಳು ಲಭ್ಯವಿದೆ. ಅಂತಹ ಕೋರ್ಸ್ ನಂತರ ನೀವು ನಿಮ್ಮ ಸ್ವಂತ ವ್ಯವಹಾರವನ್ನು ಪ್ರಾರಂಭಿಸಬಹುದು ಅಥವಾ ಸಂಸ್ಥೆಯಲ್ಲಿ ಉದ್ಯೋಗವನ್ನು ಪಡೆಯಬಹುದು.

5) ಫ್ಯಾಶನ್ ಡಿಸೈನಿಂಗ್ (ಡಿಪ್ಲೊಮಾ ಇನ್ ಫ್ಯಾಶನ್ ಡಿಸೈನಿಂಗ್) ಕಲಿಯಲು ಫಾಸ್ಟ್ ಟ್ರ್ಯಾಕ್ ಡಿಪ್ಲೊಮಾ ಆಯ್ಕೆ ಲಭ್ಯವಿದೆ. ಈ ಡಿಪ್ಲೊಮಾವನ್ನು ಪೂರ್ಣಗೊಳಿಸಿದ ನಂತರ ನೀವು ಟೆಕ್ಸ್ ಟೈಲ್ ಡಿಸೈನರ್, ಫ್ಯಾಶನ್ ಡಿಸೈನರ್ ಮತ್ತು ಸ್ಟೈಲಿಸ್ಟ್ ಆಗಿ ವೃತ್ತಿಜೀವನವನ್ನು ಮುಂದುವರಿಸಬಹುದು.

6) ಸ್ಟೆನೋಗ್ರಫಿ: ಸ್ಟೆನೋಗ್ರಾಫರ್ (ಡಿಪ್ಲೋಮಾ ಇನ್ ಸ್ಟೆನೋಗ್ರಫಿ) ಸರ್ಕಾರಿ ಕಚೇರಿಗಳು ಮತ್ತು ನ್ಯಾಯಾಲಯಗಳಲ್ಲಿ ಹೆಚ್ಚು ಅಗತ್ಯವಿದೆ. ಸ್ಟೆನೋಗ್ರಫಿ ಕೋರ್ಸ್ ನಲ್ಲಿ ಟೈಪಿಂಗ್ ಕೋರ್ಸ್ ಅನ್ನು ಸಹ ಮಾಡಬಹುದು. ಸಾಮಾನ್ಯವಾಗಿ ಈ ಕೋರ್ಸ್ 1 ವರ್ಷದ ಅವಧಿಯಾಗಿರುತ್ತದೆ.

7) ಕೋಡಿಂಗ್: ಪ್ರಸ್ತುತ ಕೋಡಿಂಗ್ ಕ್ಷೇತ್ರದಲ್ಲಿ ಸಾಕಷ್ಟು ಬೇಡಿಕೆಯಿದೆ. ಕೋಡಿಂಗ್ ನಲ್ಲಿ ಆಸಕ್ತಿ ಇರುವ ವಿದ್ಯಾರ್ಥಿಗಳು ಸೆಕೆಂಡ್ ಪಿಯು ನಂತರ ಡಿಪ್ಲೊಮಾ ಇನ್ ಕೋಡಿಂಗ್ ಮಾಡಿದರೆ ಒಂದು ವರ್ಷದೊಳಗೆ ಯಾವುದೇ ಕಂಪನಿಯಲ್ಲಿ ಕೆಲಸ ಸಿಗುತ್ತೆ. (ಸಾಂದರ್ಭಿಕ ಚಿತ್ರ)