Highest Paying Jobs: ಹೊಸ ಆರ್ಥಿಕ ವರ್ಷದಲ್ಲಿ ಅತಿ ಹೆಚ್ಚು ಸಂಬಳ ಪಡೆಯುವ 5 ಉದ್ಯೋಗಗಳು ಇವೇ ನೋಡಿ

1) AI Engineer: ಕೃತಕ ಬುದ್ಧಿಮತ್ತೆ ವಿಶ್ವದಲ್ಲಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ತಂತ್ರಜ್ಞಾನವಾಗಿದೆ. ಇದರಿಂದಾಗಿ AI ಇಂಜಿನಿಯರ್ಗೆ ಬೇಡಿಕೆಯೂ ಹೆಚ್ಚಿದೆ. ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಇಂಜಿನಿಯರ್ ಈ ಸಮಯದಲ್ಲಿ ಅತ್ಯಧಿಕ ಸಂಬಳ ಪಡೆಯುವವರಲ್ಲಿ ಒಬ್ಬರು. ಅಮೆರಿಕದ ಸಮೀಕ್ಷಾ ವೆಬ್ ಸೈಟ್ ಗ್ಲಾಸ್ ಡೋರ್ ಪ್ರಕಾರ, AI ಇಂಜಿನಿಯರ್ ಭಾರತದಲ್ಲಿ ವಾರ್ಷಿಕವಾಗಿ 60 ಲಕ್ಷ ರೂಪಾಯಿಗಳವರೆಗೆ ಗಳಿಸಬಹುದು.

2) Data Scientist: ದತ್ತಾಂಶ ವಿಜ್ಞಾನವು ಹೊಸ ಕ್ಷೇತ್ರವಾಗಿದೆ. ಡೇಟಾ ಸೈಂಟಿಸ್ಟ್ ಉದ್ಯೋಗವು ಭಾರತದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಉದ್ಯೋಗವಾಗಿದೆ. ಲಿಂಕ್ಡ್ ಇನ್ ಇದನ್ನು ಅತ್ಯಂತ ಭರವಸೆಯ ವೃತ್ತಿ ಎಂದು ಬಣ್ಣಿಸಿದೆ. ಡೇಟಾ ವಿಜ್ಞಾನಿ ವೃತ್ತಿಪರ ಡೇಟಾವನ್ನು ಸಂಗ್ರಹಿಸುತ್ತಾನೆ,ಅದನ್ನು ವಿಶ್ಲೇಷಿಸುತ್ತಾನೆ.

ಕಂಪ್ಯೂಟರ್ ಸೈನ್ಸ್, ಪ್ರೋಗ್ರಾಮಿಂಗ್, ಗಣಿತ, ಅಂಕಿಅಂಶ ಮತ್ತು ವಿಶ್ಲೇಷಣೆಗಳಲ್ಲಿ ಬಲವಾದ ಹಿಡಿತ ಹೊಂದಿರುವವರಿಗೆ ಇದು ಅತ್ಯುತ್ತಮ ಕ್ಷೇತ್ರವಾಗಿದೆ. ಭಾರತದಲ್ಲಿ ಡಾಟಾ ಸೈಂಟಿಸ್ಟ್ ನ ಸರಾಸರಿ ವೇತನ 11 ಲಕ್ಷ ರೂ. ಅನುಭವಿ ಡೇಟಾ ವಿಜ್ಞಾನಿಗಳು ವಾರ್ಷಿಕವಾಗಿ 60-70 ಲಕ್ಷಗಳವರೆಗೆ ಗಳಿಸುತ್ತಾರೆ.

3) Blockchain Developer: ಅನೇಕ ಜನರಿಗೆ ಬ್ಲಾಕ್ ಚೈನ್ ಹೊಸ ಪದವಾಗಿರುತ್ತದೆ. ಇದು ಕರೆನ್ಸಿ ವಹಿವಾಟುಗಳು, ಇಂಟರ್ನೆಟ್ ಸಂಪರ್ಕ, ಡೇಟಾ ಭದ್ರತೆಯೊಂದಿಗೆ ಡೇಟಾ ನಿರ್ವಹಣೆಯಂತಹ ವಿಷಯಗಳೊಂದಿಗೆ ವ್ಯವಹರಿಸುತ್ತದೆ. ಮಧ್ಯವರ್ತಿಗಳನ್ನು ತೊಡೆದುಹಾಕಲು, ಖಾಸಗಿ ಮತ್ತು ಸರ್ಕಾರಿ ವಲಯಗಳು ಬ್ಲಾಕ್ ಚೈನ್ ತಂತ್ರಜ್ಞಾನವನ್ನು ಆಶ್ರಯಿಸುತ್ತಿವೆ. ಭಾರತದಲ್ಲಿ ಬ್ಲಾಕ್ಚೈನ್ ಡೆವಲಪರ್ಗೆ ಬೇಡಿಕೆ ಬಹಳ ವೇಗವಾಗಿ ಹೆಚ್ಚುತ್ತಿದೆ.

ಬ್ಲಾಕ್ ಚೈನ್ ಡೆವಲಪರ್ ಆಗಲು ಕಂಪ್ಯೂಟರ್ ವಿಜ್ಞಾನ, ಗಣಿತ ಅಥವಾ ಅಂಕಿಅಂಶಗಳ ಮೇಲೆ ಬಲವಾದ ಹಿಡಿತ ಹೊಂದಿರುವ ಐಟಿ ಎಂಜಿನಿಯರ್ ಗಳು ವೃತ್ತಿಪರ ಬ್ಲಾಕ್ಚೈನ್ ಡೆವಲಪರ್ಗಳಾಗಬಹುದು. ಭಾರತದಲ್ಲಿ ಬ್ಲಾಕ್ಚೈನ್ ಡೆವಲಪರ್ ನ ಸರಾಸರಿ ವೇತನವು ವಾರ್ಷಿಕ 8,01,938 ರೂ. ಆಗಿದೆ. ಒಬ್ಬ ಅನುಭವಿ ಬ್ಲಾಕ್ ಚೈನ್ ಡೆವಲಪರ್ ವರ್ಷಕ್ಕೆ ರೂ. 45 ಲಕ್ಷದವರೆಗೆ ಗಳಿಸಬಹುದು.

4) Full Stack Software Developer: ಫುಲ್ ಸ್ಟಾಕ್ ಡೆವಲಪರ್ ಗಳ ಬೇಡಿಕೆ ಗಗನಕ್ಕೇರುತ್ತಿದೆ. ಸಾಫ್ಟ್ ವೇರ್ ಡೆವಲಪರ್ ಭಾರತದಲ್ಲಿ ಅತಿ ಹೆಚ್ಚು ಸಂಬಳ ಪಡೆಯುವ ಉದ್ಯೋಗಗಳಲ್ಲಿ ಒಂದಾಗಿದೆ. ಫುಲ್ ಸ್ಟಾಕ್ ಡೆವಲಪರ್ಗಳು ವೆಬ್ ಸೈಟ್ ಅಥವಾ ಸಾಫ್ಟ್ ವೇರ್ ನ ಮುಂಭಾಗ ಮತ್ತು ಹಿಂಭಾಗ ಎರಡನ್ನೂ ಅಭಿವೃದ್ಧಿಪಡಿಸುವಲ್ಲಿ ಪರಿಣತರಾಗಿದ್ದಾರೆ. ಫುಲ್ ಸ್ಟಾಕ್ ಡೆವಲಪರ್ ನ ಆರಂಭಿಕ ಗಳಿಕೆಯು ವರ್ಷಕ್ಕೆ 375,0000 ರೂ.

5) Business Analyst: ವ್ಯಾಪಾರ ವಿಶ್ಲೇಷಕ ಭಾರತದಲ್ಲಿ ಅತಿ ಹೆಚ್ಚು ಗಳಿಸುವ ವೃತ್ತಿಯಾಗಿದೆ. ವ್ಯವಹಾರ ವಿಶ್ಲೇಷಕರು ಸರಿಯಾದ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಕಂಪನಿಗೆ ಸಹಾಯ ಮಾಡುತ್ತಾರೆ. ವ್ಯಾಪಾರ ವಿಶ್ಲೇಷಕ ಭಾರತದಲ್ಲಿ ಉದಯೋನ್ಮುಖ ವೃತ್ತಿಯಾಗಿದೆ. ವ್ಯಾಪಾರ ವಿಶ್ಲೇಷಕರ ಸಂಬಳ ಮೂರು ಲಕ್ಷದಿಂದ 16 ಲಕ್ಷದವರೆಗೆ ಇರುತ್ತದೆ. ಇದು ಅನುಭವದ ಆಧಾರದ ಮೇಲೆ ಹೆಚ್ಚಾಗುತ್ತದೆ.