UPSC Success Story: ಜಸ್ಟ್ 22 ವರ್ಷಕ್ಕೇ IAS ಅಧಿಕಾರಿಗಳಾದ ಯುವತಿಯರು ಇವರು

ದೇಶದ ಪ್ರತಿಷ್ಟಿತ ಸರ್ಕಾರಿ ಹುದ್ದೆಗಳಾದ ಐಎಎಸ್, ಐಪಿಎಸ್ ಹುದ್ದೆಗಳಿಗೆ ಯುಪಿಎಸ್ ಸಿ ಪರೀಕ್ಷೆ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಡಿಗ್ರಿ ಓದಿದ ನಂತರ ಈ ಪರೀಕ್ಷೆಗಳಲ್ಲಿ ಪಾಸ್ ಆಗುವುದು ಹಲವರಿಗೆ ಸವಾಲಿನದ್ದು. ಆದರೆ ಕೆಲವರು ಅತ್ಯಂತ ಕಿರಿಯ ವಯಸ್ಸಿಗೇ ಯುಪಿಎಸ್ ಸಿ ಪರೀಕ್ಷೆಯಲ್ಲಿ ಯಶಸ್ವಿಯಾಗಿದ್ದಾರೆ.

ಓದಿನಲ್ಲಿ ಹುಡುಗಿಯರೇ ಮುಂದು ಎಂದು ನಮಗೆಲ್ಲಾ ಗೊತ್ತಿದೆ. ನಾಗರಿಕ ಸೇವಾ ಪರೀಕ್ಷೆಯಲ್ಲೂ ಹಲವು ಬಾರಿ ಯುವತಿಯರೇ ಮೇಲುಗೈ ಸಾಧಿಸಿದ್ದಾರೆ. ಅಂತಹ ಅಪರೂಪದ ಸಾಧನೆ ಮಾಡಿದ ಸಾಧಕಿಯರು ಇವರು. UPSC ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಅತ್ಯಂತ ಕಿರಿಯವರಲ್ಲಿ 21 ನೇ ವಯಸ್ಸಿನಲ್ಲಿ ಅನ್ಸಾರ್ ಅಹ್ಮದ್ ಶೇಖ್ ಹೆಸರು ಮೊದಲ ಸ್ಥಾನದಲ್ಲಿದೆ. 22ನೇ ವಯಸ್ಸಿಗೆ UPSC ಪಾಸ್ ಆಗಿ IAS ಆದ ಹುಡುಗಿಯರ ಮಾಹಿತಿ ಇಲ್ಲಿದೆ.

ಅನನ್ಯಾ ಸಿಂಗ್ 2019 ರಲ್ಲಿ UPSC ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದರು. ಅವರು ಮೊದಲಿನಿಂದಲೂ ಅಧ್ಯಯನದಲ್ಲಿ ಟಾಪರ್ ಆಗಿದ್ದಳು. ಅನನ್ಯಾ ದೆಹಲಿಯ ಶ್ರೀ ರಾಮ್ ಕಾಲೇಜ್ ಆಫ್ ಕಾಮರ್ಸ್ನಲ್ಲಿ ಅರ್ಥಶಾಸ್ತ್ರ ಗೌರವಗಳಲ್ಲಿ ಪದವಿ ಪಡೆದರು.

ಸಮೀತಾ ಸಬರ್ವಾಲ್ ಅವರು 22 ವರ್ಷ ವಯಸ್ಸಿನವರಾಗಿದ್ದಾಗ 2000 ರಲ್ಲಿ UPSC CSE ಅನ್ನು ಉತ್ತೀರ್ಣರಾಗಿದ್ದರು. ಅಖಿಲ ಭಾರತ 4ನೇ ರ್ಯಾಂಕ್ ಗಳಿಸಿದ್ದಾರೆ. ಇವರು ತೆಲಂಗಾಣದ ಹೈದರಾಬಾದ್ ನ ಸೇಂಟ್ ಫ್ರಾನ್ಸಿಸ್ ಮಹಿಳಾ ಕಾಲೇಜಿನಲ್ಲಿ ಪದವಿ ಪಡೆದರು. ಅವರು ಐಪಿಎಸ್ ಅಧಿಕಾರಿ ಅಕುನ್ ಸಬರ್ವಾಲ್ ಅವರನ್ನು ವಿವಾಹವಾಗಿದ್ದಾರೆ. .

22ನೇ ವಯಸ್ಸಿನಲ್ಲಿ, ಟೀನಾ 2015 ರಲ್ಲಿ UPSC CSE ನಲ್ಲಿ ಮೊದಲ ರ್ಯಾಂಕ್ ಗಳಿಸಿದ್ದರು. ಅವರು ಈಗ ಜೈಸಲ್ಮೇರ್ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಟೀನಾ ಅವರ ಸಹೋದರಿ ರಿಯಾ ದಾಬಿ ಕೂಡ UPSC CSE 2020 ರಲ್ಲಿ 15 ನೇ ರ್ಯಾಂಕ್ ಗಳಿಸಿದ್ದಾರೆ.

ಸ್ವಾತಿ ಮೀನಾ ರಾಜಸ್ಥಾನದವರು, ಇವರು 2007 ರಲ್ಲಿ UPSC ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ. 260 ನೇ ರ್ಯಾಂಕ್ ಪಡೆದಿದ್ದಾರೆ. ಇವರು ಕೂಡ ಅತ್ಯಂತ ಕಿರಿಯ ವಯಸ್ಸಿನಲ್ಲೇ ಐಎಎಸ್ ಆದ ಮಹಿಳಾ ಅಧಿಕಾರಿಯಾಗಿದ್ದಾರೆ.

ಸಿಮಿ ಕಿರಣ್ ಐಐಟಿ ಬಾಂಬೆಯಿಂದ ಪದವೀಧರರಾಗಿದ್ದಾರೆ. ಸಿಮಿ ಒಡಿಶಾ ಮೂಲದವರು. ಅವರು 2019 ರಲ್ಲಿ UPSC CSE ನಲ್ಲಿ ಉತ್ತೀರ್ಣರಾಗುವ ಮೂಲಕ 31ನೇ ರ್ಯಾಂಕ್ ಗಳಿಸಿದ್ದರು. ಇವರು UPSC ಉತ್ತೀರ್ಣರಾದ ಒಡಿಶಾದ ಅತ್ಯಂತ ಕಿರಿಯ ಅಭ್ಯರ್ಥಿಯೂ ಹೌದು.