Successful Career: IAS ಪತಿಯ ಸಂಬಳಕ್ಕಿಂತ, ಯೂಟ್ಯೂಬರ್ ಪತ್ನಿಯ ಆದಾಯವೇ ಹೆಚ್ಚಿದೆಯಂತೆ!

ಐಎಎಸ್ ಅಧಿಕಾರಿಯ ಪತ್ನಿಯಾದರೂ ಶ್ರುತಿ ಅವರು ತಮ್ಮ ಯೂಟ್ಯೂಬ್ ಚಾನೆಲ್ ಮೂಲಕ ತುಂಬಾನೇ ಫೇಮಸ್ ಆಗಿದ್ದಾರೆ. ಅವರ ವಿಡಿಯೋಗಳು ಸದಾ ಟ್ರೆಂಡಿಂಗ್ ನಲ್ಲಿ ಇರುತ್ತವೆ. ಹೆಚ್ಚಿನ ವಿಡಿಯೋಗಳು ಲಕ್ಷಾಂತರ ವೀಕ್ಷಣೆಗಳನ್ನು ಹೊಂದಿವೆ. ಅವರ ಯಶಸ್ಸಿನ ಹಾದಿಯ ಬಗ್ಗೆ ಇಲ್ಲಿ ತಿಳಿಯೋಣ.

ಕಳೆದ ಕೆಲವು ವರ್ಷಗಳಿಂದ ಅನೇಕರು YouTube ಚಾನಲ್ ಗಳನ್ನು ತಮ್ಮ ಆದಾಯದ ಮೂಲವನ್ನಾಗಿ ಮಾಡಿಕೊಂಡಿದ್ದಾರೆ. ಅವರಲ್ಲಿ ಶ್ರುತಿ ಶಿವ ಕೂಡ ಒಬ್ಬರು. ಇವರು ಐಎಎಸ್ ಅಭಿಷೇಕ್ ಪಾಂಡೆ ಅವರ ಪತ್ನಿ. ಕಳೆದ ಎರಡು ವರ್ಷಗಳಿಂದ ಯೂಟ್ಯೂಬ್ ನಲ್ಲಿ ತಮ್ಮ ವಿಡಿಯೋಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ.

ಶ್ರುತಿ ಶಿವ ಅವರು ಉತ್ತರಾಖಂಡದ ಕೋಟ್ ದ್ವಾರ ನಿವಾಸಿ. ಅವರ ಆರಂಭಿಕ ಅಧ್ಯಯನಗಳು ಡೆಹ್ರಾಡೂನ್ ನಲ್ಲಿ ಮಾಡಿದ್ದಾರೆ. ಇವರು ಸುಮಾರು ಎರಡು ವರ್ಷಗಳ ಹಿಂದೆ ತಮ್ಮ ಯೂಟ್ಯೂಬ್ ಚಾನೆಲ್ ಅನ್ನು ಪ್ರಾರಂಭಿಸಿದರು (Shruti Shiva YouTube). ಇವರು ಯೂಟ್ಯೂಬ್ ನಲ್ಲಿ ಎರಡು ಲಕ್ಷ 28 ಸಾವಿರಕ್ಕೂ ಹೆಚ್ಚು ಚಂದಾದಾರರನ್ನು ಹೊಂದಿದ್ದಾರೆ.

ಇನ್ನು Instagram ನಲ್ಲಿ 29 ಸಾವಿರಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಆಕೆಯ ಫ್ಯಾಶನ್ ಮತ್ತು ಇಂಟೀರಿಯರ್ ನ ವಿಡಿಯೋಗಳು ಹೆಚ್ಚು ಮೆಚ್ಚುಗೆಗೆ ಪಾತ್ರವಾಗಿವೆ. ಶೃತಿ ಅವರ ತಂದೆ ಬಾಲ್ಯದಲ್ಲಿ ನಿಧನರಾದ ನಂತರ ಅವರು ತಾಯಿಯ ಆಶ್ರಯದಲ್ಲಿ ಬೆಳೆದರು.

ಶ್ರುತಿ ಶಿವ ಅಮೆರಿಕದಲ್ಲಿ ನೆಲೆಸಿರುವಾಗಲೇ ಯೂಟ್ಯೂಬ್ ನಲ್ಲಿ ವಿಡಿಯೋ ಅಪ್ ಲೋಡ್ ಮಾಡಲು ಆರಂಭಿಸಿದ್ದರು. ಇದಕ್ಕಾಗಿ ಅವರ ಸಹೋದರಿ ಸಹಾಯ ಮಾಡಿದರು. ಯೂಟ್ಯೂಬ್ ವಿಡಿಯೋ ಕ್ರಿಯೇಷನ್ ಈಗ ಅವರ ಫುಲ್ ಟೈಮ್ ವೃತ್ತಿಯಾಗಿದೆ. ಸ್ಕ್ರಿಪ್ಟಿಂಗ್, ವೀಡಿಯೋಗ್ರಫಿ, ಎಡಿಟಿಂಗ್ ಮತ್ತು ಅಪ್ ಲೋಡ್ ಅನ್ನು ಖುದ್ದು ಶ್ರುತಿ ಅವರೇ ಮಾಡ್ತಾರೆ.

ಶ್ರುತಿ ಯುಎಸ್ ನ ಸೌತ್ ಫ್ಲೋರಿಡಾ ವಿಶ್ವವಿದ್ಯಾಲಯದಿಂದ ಸಾರ್ವಜನಿಕ ಆರೋಗ್ಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಮಾಸ್ಟರ್ಸ್ ಮುಗಿಸಿ ಎರಡು-ಮೂರು ತಿಂಗಳು ಅಕ್ಕನ ಜೊತೆ ಅಮೇರಿಕಾದಲ್ಲಿದ್ದರು. ಆಗ ಯೂಟ್ಯೂಬ್ ಮತ್ತು ಬ್ಲಾಗಿಂಗ್ ಬಗ್ಗೆ ಮೊದಲ ಬಾರಿಗೆ ತಿಳಿದುಕೊಂಡರು.

ಶ್ರುತಿ ಶಿವ ಅವರು ಐಎಎಸ್ ಅಭಿಷೇಕ್ ಪಾಂಡೆ ಜೊತೆ 2020 ರಲ್ಲಿ ಪ್ರೇಮ ವಿವಾಹವಾದರು. ತನ್ನ ಪತಿ ಐಎಎಸ್ ಆಗಿದ್ದಕ್ಕೆ ಹಲವು ಮೂದಲಿಕೆಗಳನ್ನು ಕೇಳಬೇಕಾಯಿತು ಎಂದು ಹಲವು ಸಂದರ್ಶನಗಳಲ್ಲಿ ಹೇಳಿದ್ದಾರೆ. ಆದರೆ ಅವುಗಳಿಂದ ವಿಚಲಿತಳಾಗದೆ ತನ್ನ ಕೆಲಸದ ಕಡೆ ಗಮನ ಹರಿಸುತ್ತಿದ್ದೇನೆ ಎನ್ನುತ್ತಾರೆ ಶ್ರುತಿ.

ಐಎಎಸ್ ಪತಿಗಿಂತ ಹೆಚ್ಚು ಸಂಪಾದನೆ ಮಾಡುತ್ತೇನೆ ಎಂದು ವಿಡಿಯೋ ಮೂಲಕ ಹೇಳಿದ್ದಾಳೆ. ತನ್ನ ಜೀವನಶೈಲಿಗೆ ಗಂಡನ ಸಂಬಳವನ್ನು ಅವಲಂಬಿಸುವ ಅಗತ್ಯವಿಲ್ಲ ಎಂದಿದ್ದಾರೆ. ಪ್ರಸ್ತುತ ಅವರು ತಮ್ಮ ಪತಿಯೊಂದಿಗೆ ಮೀರತ್ನಲ್ಲಿ ವಾಸಿಸುತ್ತಿದ್ದಾರೆ.