Success Story: ಇಂಟರ್ನಿ ಆಗಿದ್ದಾಗಲೇ 1 ಕೋಟಿ ಸಂಬಳದ ಆಫರ್ ತಿರಸ್ಕರಿಸಿದ್ದ ವಿನಿತಾ; ಮುಂದೆ ಏನ್ಮಾಡಿದ್ರು?

ವಿನಿತಾ ಸಿಂಗ್ ಅವರ ಕಂಪನಿ ಶುಗರ್ ಕಾಸ್ಮೆಟಿಕ್ಸ್ 500 ಕೋಟಿಗೂ ಹೆಚ್ಚು ವಹಿವಾಟು ಹೊಂದಿದೆ. ಶೈಕ್ಷಣಿಕ ಕುಟುಂಬದ ಹಿನ್ನೆಲೆಯಿಂದ ಬಂದ ವಿನಿತಾ ಸಿಂಗ್ ಅವರಿಗೆ ಕೇವಲ 23 ನೇ ವಯಸ್ಸಿನಲ್ಲಿ ಹೂಡಿಕೆ ಬ್ಯಾಂಕ್ ಆಗಿ ಒಂದು ಕೋಟಿ ರೂ. ಸಂಬಳದ ಉದ್ಯೋಗವನ್ನು ಸಿಕ್ಕಿತು. ಆದರೆ ಅವರು ಅದನ್ನು ತಿರಸ್ಕರಿಸಿದರು, ಸ್ವಂತ ಉದ್ಯಮವನ್ನು ಪ್ರಾರಂಭಿಸಲು ನಿರ್ಧರಿಸಿದರು.

ವಿನಿತಾ ಸಿಂಗ್ ಐಐಟಿ ಮತ್ತು ಐಐಎಂನ ವಿದ್ಯಾರ್ಥಿನಿ. ಅವರು 2005 ರಲ್ಲಿ ಐಐಟಿ ಮದ್ರಾಸ್ ನಿಂದ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ ನಲ್ಲಿ ಪದವಿ ಪಡೆದರು. 2007 ರಲ್ಲಿ ಐಐಎಂ ಅಹಮದಾಬಾದ್ ನಿಂದ ಎಂಬಿಎ ಪದವಿ ಪಡೆದರು. ಅವರ ಶಾಲಾ ಶಿಕ್ಷಣವನ್ನು ದೆಹಲಿಯ ಆರ್ ಕೆ ಪುರಂನಲ್ಲಿರುವ ದೆಹಲಿ ಪಬ್ಲಿಕ್ ಸ್ಕೂಲ್ ನಲ್ಲಿ ಪೂರೈಸಿದ್ದಾರೆ.

ವಿನಿತಾ ಸಿಂಗ್ ಎಂಬಿಎ ಅಧ್ಯಯನದ ಸಮಯದಲ್ಲಿ 2006 ರಲ್ಲಿ ಡಾಯ್ಚ ಬ್ಯಾಂಕ್ ನಲ್ಲಿ ಬೇಸಿಗೆ ಇಂಟರ್ನ್ ಶಿಪ್ ಮಾಡುತ್ತಿದ್ದಾಗ, ಬ್ಯಾಂಕ್ ಆಕೆಗೆ ಒಂದು ಕೋಟಿ ಸಂಬಳದ ಉದ್ಯೋಗವನ್ನು ನೀಡಿತು. ಆದರೆ ಅವರು ಈ ಉದ್ಯೋಗದ ಪ್ರಸ್ತಾಪವನ್ನು ತಿರಸ್ಕರಿಸಿದರು.

ವಿನಿತಾ ತನ್ನ ವ್ಯಾಪಾರವನ್ನು ಸ್ಥಾಪಿಸಲು ಬಯಸಿದ್ದರು. 2007 ರಲ್ಲಿ, ಅವರು ತಮ್ಮ ಮೊದಲ ಸ್ಟಾರ್ಟ್ ಅಪ್ ಕ್ವೆಟ್ಜಲ್ ಅನ್ನು ಪ್ರಾರಂಭಿಸಿದರು. ಇದರ ನಂತರ ಅವರು 2015 ರಲ್ಲಿ ಮತ್ತೊಂದು ಸ್ಟಾರ್ಟ್ ಅಪ್ ಫ್ಯಾಬ್-ಬ್ಯಾಗ್ ಅನ್ನು ಪ್ರಾರಂಭಿಸಿದರು.

ವಿನಿತಾ ಸಿಂಗ್ ಅವರ ಪತಿ ಕೌಶಿಕ್ ಮುಖರ್ಜಿ ಅವರೊಂದಿಗೆ 2015 ರಲ್ಲಿ ತಮ್ಮ ಮೂರನೇ ಸ್ಟಾರ್ಟಪ್ ಶುಗರ್ ಕಾಸ್ಮೆಟಿಕ್ಸ್ ಅನ್ನು ಪ್ರಾರಂಭಿಸಿದರು. ಈ ಸ್ಟಾರ್ಟಪ್ ನಲ್ಲಿ ಅವರು ಉತ್ತಮ ಯಶಸ್ಸನ್ನು ಪಡೆದರು. ಇಂದು ಶುಗರ್ ಕಾಸ್ಮೆಟಿಕ್ಸ್ ವಹಿವಾಟು 500 ಕೋಟಿಗೂ ಅಧಿಕವಾಗಿದೆ. ಬಾಲಿವುಡ್ ಸ್ಟಾರ್ ರಣವೀರ್ ಸಿಂಗ್ ಸೆಪ್ಟೆಂಬರ್ 2022 ರಲ್ಲಿ ಶುಗರ್ ಕಾಸ್ಮೆಟಿಕ್ಸ್ ನಲ್ಲಿ ಹೂಡಿಕೆ ಮಾಡಿದ್ರು .

ವಿನಿತಾ ಸಿಂಗ್ ಅವರು ಗುಜರಾತ್ ನ ಆನಂದ್ ಜಿಲ್ಲೆಯಲ್ಲಿ 1983 ರಲ್ಲಿ ಜನಿಸಿದರು. ಅವರ ತಾಯಿ ಪಿಎಚ್ ಡಿ ಮಾಡಿದ್ದಾರೆ. ತಂದೆ ದೆಹಲಿಯ ಏಮ್ಸ್ ಆಸ್ಪತ್ರೆಯಲ್ಲಿ ಜೈವಿಕ ಭೌತಶಾಸ್ತ್ರಜ್ಞರಾಗಿದ್ದರು. ವಿನಿತಾ ಸಿಂಗ್ 2011 ರಲ್ಲಿ ಕೌಶಿಕ್ ಮುಖರ್ಜಿ ಅವರನ್ನು ವಿವಾಹವಾದರು. ಐಐಎಂ-ಅಹಮದಾಬಾದ್ ನಲ್ಲಿ ಅಧ್ಯಯನ ಮಾಡುವಾಗ ಇಬ್ಬರೂ ಭೇಟಿಯಾದರು.

ವಿನಿತಾ ಸಿಂಗ್ ಫಿಟ್ನೆಸ್ ಫ್ರೀಕ್ ಆಗಿದ್ದಾರೆ. ಅವರು 20 ಮ್ಯಾರಥಾನ್ ಮತ್ತು ಅಲ್ಟ್ರಾ ಮ್ಯಾರಥಾನ್ ಗಳಲ್ಲಿ ಭಾಗವಹಿಸಿದ್ದಾರೆ. ಇದಲ್ಲದೆ, ಅವರು 12 ಹಾಫ್ ಮ್ಯಾರಥಾನ್ ಗಳಲ್ಲಿ ಭಾಗವಹಿಸಿದ್ದಾರೆ. ಅವರು ಆಸ್ಟ್ರಿಯಾದಲ್ಲಿ ಐರನ್ ಮ್ಯಾನ್ ಟ್ರಯಥ್ಲಾನ್ ಅನ್ನು ಪೂರ್ಣಗೊಳಿಸಿದ್ದರು. 2018 ರ ಮುಂಬೈ ಮ್ಯಾರಥಾನ್ ನಲ್ಲಿ, ಅವರು 6 ತಿಂಗಳ ಗರ್ಭಾವಸ್ಥೆಯಲ್ಲೂ 21 ಕಿಮೀ ಓಡಿದರು.