Success Story: ನೌಕಾಪಡೆಯ ಮೊದಲ ಮಹಿಳಾ ಪೈಲಟ್ ಶಿವಾಂಗಿ ಸಿಂಗ್ ಅವರ ಇಂಟ್ರೆಸ್ಟಿಂಗ್ ಕಥೆ ಇಲ್ಲಿದೆ

1995ರ ಮಾರ್ಚ್ 15 ರಂದು ಬಿಹಾರದ ಮುಜಾಫರ್ ಪುರದಲ್ಲಿ ಜನಿಸಿದ ಶಿವಾಂಗಿ ಸಿಂಗ್ 10 ನೇ ವಯಸ್ಸಿನಲ್ಲಿ ಪೈಲಟ್ ಆಗಬೇಕೆಂದು ಕನಸು ಕಂಡಿದ್ದರು. ಅವರೇ ಹೇಳುವಂತೆ, ನಾನು 10 ವರ್ಷದವಳಾಗಿದ್ದಾಗ ಒಬ್ಬ ನಾಯಕ ಹೆಲಿಕಾಪ್ಟರ್ ಮೂಲಕ ನನ್ನ ಹಳ್ಳಿಗೆ ಬಂದರು. ಎಲ್ಲರೂ ಅವರನ್ನು ನೋಡಲು ಹೋಗುತ್ತಿದ್ದರು. ಅಜ್ಜನ ಜೊತೆ ನಾನೂ ಹೋಗಿದ್ದೆ. ಆಗ ಹೆಲಿಕಾಪ್ಟರ್ ಗಳು ಹಾರುವುದನ್ನು ನೋಡಿ ನಾನೂ ಪೈಲಟ್ ಆಗುತ್ತೇನೆ ಎಂದುಕೊಂಡೆ.

ಶಿವಾಂಗಿ ಸಿಂಗ್ ಅವರ ತಂದೆ ಹರಿಭೂಷಣ್ ಸಿಂಗ್ ಕಾಲೇಜಿನಲ್ಲಿ ಪ್ರಾಂಶುಪಾಲರು ಮತ್ತು ತಾಯಿ ಗೃಹಿಣಿ. ಅವರ ಆರಂಭಿಕ ಅಧ್ಯಯನಗಳನ್ನು ಮುಜಾಫರ್ ಪುರದಲ್ಲೇ ಪೂರೈಸಿದ್ದಾರೆ. ಸಿಕ್ಕಿಂ ಮಣಿಪಾಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ಮೆಕ್ಯಾನಿಕಲ್ ಇಂಜಿನಿಯರಿಂಗ್ನಲ್ಲಿ ಬಿ.ಟೆಕ್ ಮಾಡಿದ್ದಾರೆ.

“ನಾನು ನಾಲ್ಕನೇ ವರ್ಷದಲ್ಲಿದ್ದಾಗ, ನೌಕಾಪಡೆಯು ವಿಶ್ವವಿದ್ಯಾಲಯ ಅಡ್ಮಿಷನ್ ಬಂದಿತ್ತು. ಆಗ ನೌಕಾಪಡೆಯಲ್ಲಿ ಪೈಲಟ್ ಆಗಿ ಮಹಿಳೆಯರ ಪ್ರವೇಶ ಆರಂಭವಾಗಿದೆ ಎಂದು ತಿಳಿಯಿತು. ಆಗ ನಾನು ಪೈಲಟ್ ಆಗಬೇಕೆಂದು ನಿರ್ಧರಿಸಿದೆ’’ ಎಂದು ಶಿವಾಂಗಿ ಹೇಳಿದ್ದಾರೆ.

ಶಿವಾಂಗಿ ಸಿಂಗ್ ಬಿಟೆಕ್ ಮಾಡುವಾಗ ಎಸ್ ಎಸ್ ಬಿ ಪರೀಕ್ಷೆ ಬರೆದರೂ ಆಯ್ಕೆಯಾಗಿರಲಿಲ್ಲ. ಇದಾದ ನಂತರ ಅವರು ಮಾಳವಿಯಾ ನ್ಯಾಷನಲ್ ಇನ್ ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಎಂಟೆಕ್ ಕೋರ್ಸ್ ಗೆ ಸೇರಿಕೊಂಡರು. ನಂತರ 2018 ರಲ್ಲಿ SSB ಪರೀಕ್ಷೆಯನ್ನು ನೀಡಿದರು, ಈ ಬಾರಿ ಯಶಸ್ವಿಯಾಗಿದ್ದಾರೆ.

ಇದರ ನಂತರ ಅವರು ಎರಡು ಸತತ ಕೋರ್ಸ್ಗಳನ್ನು ಮಾಡಿದರು. ಮೊದಲನೆಯದು ಇಂಡಿಯನ್ ನೇವಲ್ ಅಕಾಡೆಮಿಯಲ್ಲಿ ನೇವಲ್ ಓರಿಯಂಟೇಶನ್ ಕೋರ್ಸ್ ಮತ್ತು ಎರಡನೆಯದು ಏರ್ ಫೋರ್ಸ್ ಅಕಾಡೆಮಿಯಲ್ಲಿ ವಿಮಾನವನ್ನು ಹಾರಿಸುವ ತರಬೇತಿ. ಇದಾದ ನಂತರ ಅವರು ಭಾರತೀಯ ನೌಕಾಪಡೆಯ ಏರ್ ಸ್ಕ್ವಾಡ್ರನ್ 550 ರಲ್ಲಿ ಡಾರ್ನಿಯರ್ 228 ವಿಮಾನವನ್ನು ಹಾರಲು ಕಲಿತರು.

ಏಕಾಂಗಿಯಾಗಿ ಹಾರಾಟವನ್ನು ಪ್ರಾರಂಭಿಸಿದಾಗ ತುಂಬಾ ಹೆದರುತ್ತಿದ್ದೆ ಎಂದು ಶಿವಾಂಗಿ ಸಿಂಗ್ ಸಂದರ್ಶನವೊಂದರಲ್ಲಿ ಹೇಳುತ್ತಾರೆ. ಆದರೆ ಟೇಕಾಫ್ ಆದ ನಂತರ ಎಲ್ಲ ಭಯ ದೂರವಾಯಿತು. ಮೇಲಿನಿಂದ ನೋಡಿದಾಗ ಇಡೀ ಪ್ರಪಂಚವೇ ಚಿಕ್ಕದಾಗಿ ಕಾಣುವ ಅನುಭವವೇ ಬೇರೆ.

ಭಾರತೀಯ ನೌಕಾಪಡೆಯಲ್ಲಿ, ಮಹಿಳೆಯರಿಗೆ ಇನ್ನೂ ಯುದ್ಧ ಹಡಗಿನಲ್ಲಿ ಹೋಗಲು ಅನುಮತಿ ಇಲ್ಲ. ಈ ಕುರಿತು ಶಿವಾಂಗಿ ಸಿಂಗ್ ಅವರು 2019 ರಲ್ಲಿ ಸಂದರ್ಶನವೊಂದರಲ್ಲಿ ಮಹಿಳೆಯರು ನೌಕಾಪಡೆಯಲ್ಲಿ ಹಡಗಿನಲ್ಲಿ ಹೋಗಲು ಸಾಧ್ಯವಾಗದಿದ್ದರೂ, ಮುಂದಿನ ದಿನಗಳಲ್ಲಿ ಈ ಅವಕಾಶಗಳು ಸಹ ಬರುತ್ತವೆ ಎಂದು ಹೇಳಿದರು.